اختي و زوجها

[مشكلتي]

السلام عليكم ورحمة الله
لدي اخت متزوجة فالغربة زوجها متشدد معاها نوعا ما، يعني ماتخرجش بزاف و يحاسبها على لبسها مع انا متحجبة و الحمد لله المشكل ان له اخوات غير متحجبات و لايبدي استيائه من ذلك و هو قريب جدا منهم فماهو حلال عليهم حرام على اختي، يلبسو كيما يحبو و عاملات و هو يحثهم على العمل و يحكولو كل صغيرة و كبيرة في عملهم و حتى حياتهم مع ازواجهم بالمقابل منع اختي من العمل و كان يقول لها انه ضد المرأة التي تعمل، فضاقت ضرعا من تصرفاته قاتلي نحب انسان لي يكون عندو مبدا يمشي على الجميع مع العلم انها ليست متضايقة لانها لا تعمل بالعكس تقولي زوجي و اولادي اولي و حتى الحجاب هي كانت متحجبة قبل الزواج يعني ما فرضوش عليها، يعني تصرفاته التي تري فيها نوعا من النفاق هي لي مضايقتها، ما عرفتش واش ننصحها و هل تقول لزوجها ما تحس به ولا لا مع العلم انه مرات تلمح له فقط ما يعجبوش الحال
ارجو منكم النصح

[خالد عنابي2]

بصراحة هذه ليست مشكلة واختك لا شأن لها باخوات زوجها
المهم من حقه عليها انها لا تعمل ولكن من واجبه ان يوفر لها كل الضروريات
اما الحجاب واللبسة فجيد انه ينتبه لها ويغار عليها طالما الامر في حدود المعقول

لا افهم اختك لماذا متضايقة من تساهله مع اخواته ليس لها علاقة بالموضوع

[yassmina93]

حاجة باينة معاملتو مع خواتاتو ما تكونش نفس الامعاملة كيما زوجتو اكيد راح يغير عليها و يحاسبها اكتر انا تبانلي حاجة طبيعية جدا

[سعيد رحال]

أختك راه زوجته هو مسؤول عليها اما خواتاته قادريين يقولولو ماعندكش الحق تهدر معنا في هذا، كاين ازواجنا لي يهدرو معنا لانه المسؤولية هنا تقع على ازواجهم هذا بالنسبة للمتزوجين وعلى ابوهم بالنسبة لغير المتزوجات (( كل واحد مسؤول على أهله)) والله اعلم

[ibtissembiti]

والله لبنات كامل كيهدروا معاهم خوتهم
الرجال يقولو بابانا مزال حي يعس مرتوا ...
وإلا يقولو كيجيب مرتوا نشوفوه اسكوا يطبق عليها واش يقولنا يعني على الحجاب ولا الخراجت ولا .............
ويقدر يكون هدر معاهم في وقت مضى ونفعش اكيد مرحش يفسد العلاقة تاعوا معاهم وهوما عليهم ولي امر
صح الموضوع يقلق شوية لوكان يكون ضغط بزااف
بصح قولها تغمض عينها وتلهى بحاجات ينسوها وتوسع قلبها وتشوف اماكن تروحلهم لترفيه مثل محاضرات لنساء فالدين ام يديروهم فالجامع
يعني ترفه على روحا في اشياء يمكن يقبلها الزوج
المهم
ربي يرزقها طول البال والصدر الوسع والهناء

[kaderr09]

السلام عليكم و رحمة الله و بركاته
ليست هذه بمشكلة لأن أخاك مسؤول عن زوجته و أبنائه مسؤولية عظيمة ، كما أنه ليس له أن يعادي أقاربه بل يصل رحمه وينصحهم إن أمكن ذلك ، ومن الرائع أن يغار على زوجته ويحاول وقايتها من نار وقودها الناس والحجارة إن كانت هاته نيته فهذا أفضل,

[~رآقية بأخلآقي~]

هو مسؤول على زوجته

و اخواته لديهم من هم مسؤول عليهم

قد يكون نصحهم في الماضي ولم يكترثو لنصيحته..!

هاته ليست مشكلة

المهم تكون هانية معاه هو وخلاص..!

[آسيا 25]

مادام هي قانعة بالحجاب و ضد العمل علاش تقلق روحها من موقف زوجها من أخواتو?!!!راهي مرتو و طبيعي يغير عليها و أخواتو عندو أزواجهم ما يقدرش هو يحكم فيهم.

[خولة لبابة]

هي راضية بعدم العمل و تدير شؤون بيتها و اولادها خلاص.....لات يجب ان تطلب المساواة بينها و بين اخواته......فهي زوجته من حقه ان يغار عليها و ان يكون متشددا قليلا عليها.....اخواته سيكون لهن زوج يتحكم فيهن....لهدا فقط الصبر و العيش بسعادة و لا تدعي مثل هده الامور تؤثر على علاقتهما ......و الله اعلى و اعلم...............

[روح المي]

هو شخصيته هكذا ربي يهديه
عليها فقط ان تفهم تناقضه
وذلك من خلال البحث عن الاسباب لربما هو لايريدها ان تتعب في عمل او لا تملك مؤهلات كبيرة في العمل
كل شخص وتفكيره والاهم هو يغارعليها وهذا اكيد
في رايي ليست مشكلة مادام هو اب اولادها وزوجها

[سجل أنا جزائري]

هذي مشكلة تع نساء ذرك مقارانات

تشوف سلفتها كيفاه عايشة و تشوف مرت سلفها و تشوف صديقتها مع زوجها و تشوف و تبدى تقارن هذي درلها و درلها و انا ما يدرليش و مزير علي و هما عايشين حياتهم

يا أختي عيشي حياتك مع رجلك و ما تقارنيش مع لخريتش تحبي تخدمي نحي حجاب و تخرجي تفاهمي مع راجلك حب حب ما حبش راه هو مسؤول عليك لكن ما تقارنيش مع لخرين

الراجل أكره ما يكره كي تبداو تقارنو مع لخرين !