موضوع رياضيات كان اصصعب من الدورة السابقة

[tvforsan]

بسم الله
سلام عليكم
والله غير حراام عليهم يجونا بموضوع رياضيات مثل هذا اليوم ، راحنا في رمضان زعما الواحد كان اقل تركيييز اليوم والله غير اخطاء تافهة واح كان يديرها وهوما كامل ماسمعينش بينا موضوع جا صغيب وبروبلام هاذي اعادة وصعبووها وعلاااااااااه دايمن حنا لي تكلم في ضربة
راني جد محبط والله الدورة لي فااتت كنت خااااااااااادم افضل في الرياضيات ومورال كان طالع واليوووم والله غير تعب وزيد موضوووع قضااو علياااااا عاااام كومبلي وانت تقرا في الاخير كل شيء يتبخر
جيت نخرج لي قلبي
صح رمضاانكم

[~طَـــمُـــوحْ~]

والله تتحدث بلساني ليتهم لم يعيدوه االمرة السابقة افضل

يارب فرج هما يكاد يخنقني

[L'ôNêly_GîrL]

وي ماراكش وحدك مام انا كنت خادمة في اللول و هذا تبلوكيت فيه معرفتش مين نبدى و مين نكمل و الباك راح و منزيدش نروح من غدوة كرهولي الباك و القراية في الجزائر و الله مهزلة مهزلة و حنا توجوغ لي تطفر فينا ربي وكيلهم الله لا تربحهم

[manel 26]

السلام عليكم


مازاال الصح ما جوزناهش بقاو 4 مواد مهمة

خلاص الرياضيات اصبحت من الماضي فكر في القادم فقط

لا للاستسلاام

[imen.annaba]

ki ja s3ib la correction sure tkoun markhoufa

[oussama walid]

أنا اخترت الموضوع الأول و وجدته سهلا مقارنة بالسابق لكن هذه المرة غيرت الاستراتيجية تماما بدأت الحل في ربع ساعة الأول و لم أقرأ الموضوع الثاني لكن الدالة دوختني تخيلوا أخطأت في مجال دراسة القام كأن شيئا أعمى بصيرتي خطأ ضيع علي نقطتين .
و لكن مقارنة بالمرة الأولى تحسنت نتيجتي كثيرا
لا تقلقوا يا شباب ستعوضون في المواد القادمة

[ساجدة جودي]

بالنسبة الى من اختار الموضوع الاول
مجموعة النقط m في التمرين الاول ماهو جوابها ،،

[Ritaje El Amal]

grave هدا لي قالو ساهل ومعرف واش لحد هاد ساعة راني مجاوبة في الاول احسن
اليوم حليت موضوع لول بديت سافا انا لحقت للدوال وانا حبست وليت بدلت الموضوضع على جال دالة والمتتالية وبقالي جوست ساعة ونص حتى الاستاد محبش يمدلي الورق قالي ميكفيش الوقت وانا اصريت وقوتلوا خلي توصل وين توصل حنعاود وعاودتوا مي مكملتش وزيد شاكة في اجاباتي

[صَمْـتْــــ~]

السلام عليكم ورحمة الله وبركاته

أقدّر شعوركم لكن يهمّني تذكيركم بقوله تعالى:

{وَعَسَى أَنْ تَكْرَهُوا شَيْئًا وَهُوَ خَيْرٌ لَكُمْ وَعَسَى أَنْ تُحِبُّوا شَيْئًا وَهُوَ شَرٌّ لَكُمْ وَاللَّهُ يَعْلَمُ وَأَنْتُمْ لَا تَعْلَمُونَ} [البقرة:216}

فلا تقنطوا من رحمةِ الله وهو القادر أن يبدّل تذمّركم هذا فرحاً

أسأل الله النّجاح لكلّ من يستحقّه

[nounou 03]

لن أعلق على الموضوع فلا يحق لي القول أنه كان صعب أو في متناول الجميع ... لكن يا رايتهم أخذو في الحسبان أكثر الصيام و قلة التركييز و الحرارة المرتفعة خاصة في ولايات الجنوب موفقين

[merdassi zizi]

ايا ا جماااااااعة انساو انساااو مازال الخير يا جماعة راهي المات ماشي كلشي اخدمو برك ماكان والو الله ينصفنا

[merdassi zizi]

المشاركة الأصلية كتبت بواسطة ساجدة جودي

بالنسبة الى من اختار الموضوع الاول
مجموعة النقط m في التمرين الاول ماهو جوابها ،،

محور الفواصل يعني المستقيم الذي معامل توجيهه tng (0)

[جمال6]

انا راني منهاااااااااااااااااااااااااااااااار كنت تاكل على المات بويسك الفيزيك ما نيش قاريها وش نقول وش ندير ربي يستر

[noureddine18]

المواضيع نظن باللي في المتناول إلا اللي نقصلو التركيز
بالتـــوفيق

[Blanca]

بقي لدينا 4 مواد
نستطيع التعويض فيهما ان شاء الله

الموضوع الاول تمارينه الثلاث سهلة ماعدا الدالة و الثانية غامض بعض الشيء
انا اخترت الثاني و بعد فوات 2,30 قررت تغيير الموضوع لكن لم استطع
ان شاء الله المواد الباقية تكون سهلة