la mousse au chocolat avec la génoise foooor

[الحاج محمد سمية]

السلام عليكم ورحم الله وبركاته


اسعد الله اوقاتكم وجمعة مباركة


حبيت نشارككم فهاذ الوصفة هايلة فالسهرة الرمضانية خاصة مع فصل الصيف

Mousse au chocolat avec la ط génoise


لا جينواز اخذت وصفتها من موقع اجنبي

انا استعملت نصف المقادير برك

مقادير لاجينواز :
25غ كاكاو بودر
15غ نشا
15 غ فرينة
100غ سكر
4 حبات بيض

طلعي البيض مع السكر بالخلاط الكهربائي يتكاثف حجمه ، اضيفي المواد الجافة وخلطي بسباتيول وديريها طيب

اما بالنسبة لاموس

4بيض
1 امباسادور نوار/100غ/
2 مغارف كاكاو
4 مغارف سكرر
50غ زبدة
ورقة جيلاتين

في حمام مائي ديري امباسادور + زبدة + كاكاو وحركي مرة على مرة
فصلي البياض على الصفار
طلعي البياض مع قرصة ملح طلعيه غاية حتى يولي كي ثلج وحاكم روحو
ثم طلعي الصفار مع السكر حتى يتغير لون الصفار الى الابيض
كي تقربي تنحي الشوكولا من النار ديري ورقة الجيلاتين في كاس ماء تنطلق ومنبعد عصريها من هذاك الماء ورميها على الشوكولا وحركيها
كي تنحي الشوكولا من النار ابداي تخلطي فالصفار وتضيفي عليه الشوكولا بلقل
كي تخلصي ابداي تضيفي من خليط بياض البيض الي كي الثلج على الخليط الاول تع الصفار مع الشكولا
هنا ضيفي بلعقل وخلطي بسباتيول باااالعقل حتى لي تكملي
هذيك لاجينوار ديريها فالمول وشربيها سيرو ثم اسكبي لاموس وديريها تبرد فالفريقو مدة يوم كامل
قبل ما تقدميها بساعة زينيها وخليها فالفريجيدار

















































































اتمنى ان تنجح معكن
لاتنسوني من صالح دعائكن
صح فطوركم

[ملاك ملاكي]

صحة رمضانك اختي الله يبااااارك بصحتكم وسلمت يداكي

[zouzou2010]

هايلة يعطيك الصحة

[ام احمد اسامة]

روعة تسلم اياديك

[جنة الفردوسْ]

تشهي اختي يعطيك الصحة

[منال الامورة]

شكرا رمضان كريم

[ام اياد 2013]

جاتك روعة اختي يعطيك الصحة

[amira_princess]

صحة رمضانك اختي الله يبااااارك بصحتكم وسلمت يداكي

[ounissinauha]

نموت على شوكولا وخاصتا كيما هذه الوصفة
تسلمي حبيبتي

[ahmed.zako]

لك الشكر والتقدير