مارأيكم 301 أو c élysées

[abattage]

مارأيكم سيارة 301 أوc élysées

[51bli]

السلام عليكم
عندي وحدة 1.2 عام 2014 مااشاء الله كونفور + واسعة +عائلية + لمان واسع + لا تتعب في المسافات الطويلة
المساوئ لطول انتاعها ضعيفة + منخفضة اذا ماتساعدش اتوشي
كاين الي قولوا فيها مشكل تنقص زيت + بروبلام كتاليزور + لشان بعيدة
لحد الان لم أرى فيها أي مشكل من الذي يقال والحمد لله
على العموم 7 على 10

[nacer83]

ما هوعدد كلم اللازم لتغير la chaine de distribution 301

كم ثمن تبديلها في la maison Peugeot

هل المحرك 3 cylindre جيد

[winmax]

c élysées بدون تفكير

[رضاك يا رب]

301 عندها مشكل غطاء المحرك خارج على البارشوك . الضربة كيتجي تضرب لاطول مباشرة

[نمس تندوف]

وزيد لاشين نتاع الموتور دور مع الزيت جامي شتها في اي محرك في عالم غي في بيجوا ومهيش حديد كروا

[geophysicien]

المشاركة الأصلية كتبت بواسطة نمس تندوف

وزيد لاشين نتاع الموتور دور مع الزيت جامي شتها في اي محرك في عالم غي في بيجوا ومهيش حديد كروا

هاذي تكنولوجيا جديدة تاع بيجو ولاشان كي تدور في الزيت تزيد في مدة استعمالها
و لاشان على حسب كاتالوج 301 تتبدل على 180000 كلم بالنسبة للاستعمال العادي او الاستعمال الغير عادي

الحاجة اللي حبستلي مخي هو الكابو تاع 301 مالقيتلو حتى تفسير السيارة الوحيدة اللي الكابو تاعها خارج على البارشوك وهذا مشكل كبير


محرك السيارة 3 سيلندر العيب تاعو صوتو عالي شوية لكن ماشاء الله عليه بالنسبة ليا مساعدني الحمد لله سافرت بيها اكثر من مرة اكثر من 600 كلم ثبات وكونفور وامان
استهلاك البنزين 6ل/100 كلم في الطرق الطويلة بسرعة ثابتة 120 كلم

مشكلة انها هابطة شوية سيرتو كي تكون معمرة

بروبلام تاع كاتاليزور كاين اللي شتكى منو لكن نظن انو المشكل في ليسانس تاعنا مع انو كاين اللي نحى الكتاليزور باه ما يوقعش في المشكل

كاين اللي يقولو تنقص الزيت لكن هاذ المشكل كاين في 301 اللي فيها موتور 4 سيلندر اما موتور 3 سيلندر موش معنية بهاذ المشكل

سمعة السيارة ذات المحرك 3 سيلندر في السوق عيانة بالزاف اللي تسقسيه يديرلك فيها 100 عيب ويقلك قالو وقالو
لكن كي نسمعهم يحكو هكذا نتفكر واش كانو يحكو على 406 في بداية الالفينات و ال symbole في الاعوام الاخيرة وضركة اللي عندو وحدة غير ينوي يبيع يبيع بالسومة اللي يحبها

على كل حال الخلاصة السيارة مليحة واللي حاب يكسبها لازم مايسمعش لهدرة الناس ويشريها عن قناعة واللي تاثر فيه هدرة الناس يروح يشري اكسنت لا كونفور ولا امان ولا ثبات وتوكل ليسانس ولاشن تاعها تتبدل في ربع ساعة

[adidas1989]

من ناحية المظهر رائعة و لكن المحرك ضعيف

[نمس تندوف]

المشاركة الأصلية كتبت بواسطة geophysicien

هاذي تكنولوجيا جديدة تاع بيجو ولاشان كي تدور في الزيت تزيد في مدة استعمالها
و لاشان على حسب كاتالوج 301 تتبدل على 180000 كلم بالنسبة للاستعمال العادي او الاستعمال الغير عادي

الحاجة اللي حبستلي مخي هو الكابو تاع 301 مالقيتلو حتى تفسير السيارة الوحيدة اللي الكابو تاعها خارج على البارشوك وهذا مشكل كبير


محرك السيارة 3 سيلندر العيب تاعو صوتو عالي شوية لكن ماشاء الله عليه بالنسبة ليا مساعدني الحمد لله سافرت بيها اكثر من مرة اكثر من 600 كلم ثبات وكونفور وامان
استهلاك البنزين 6ل/100 كلم في الطرق الطويلة بسرعة ثابتة 120 كلم

مشكلة انها هابطة شوية سيرتو كي تكون معمرة

بروبلام تاع كاتاليزور كاين اللي شتكى منو لكن نظن انو المشكل في ليسانس تاعنا مع انو كاين اللي نحى الكتاليزور باه ما يوقعش في المشكل

كاين اللي يقولو تنقص الزيت لكن هاذ المشكل كاين في 301 اللي فيها موتور 4 سيلندر اما موتور 3 سيلندر موش معنية بهاذ المشكل

سمعة السيارة ذات المحرك 3 سيلندر في السوق عيانة بالزاف اللي تسقسيه يديرلك فيها 100 عيب ويقلك قالو وقالو
لكن كي نسمعهم يحكو هكذا نتفكر واش كانو يحكو على 406 في بداية الالفينات و ال symbole في الاعوام الاخيرة وضركة اللي عندو وحدة غير ينوي يبيع يبيع بالسومة اللي يحبها

على كل حال الخلاصة السيارة مليحة واللي حاب يكسبها لازم مايسمعش لهدرة الناس ويشريها عن قناعة واللي تاثر فيه هدرة الناس يروح يشري اكسنت لا كونفور ولا امان ولا ثبات وتوكل ليسانس ولاشن تاعها تتبدل في ربع ساعة

متنساش لازم زيت خاص بيها يا اخ وانا مدخلش في مخي قاع تاع لاشين كروا في زيتن لان كروة تتاكل بسبب الزيت كما ان اشخاص عودوا لاشين وما صدقتلهمش بلافونات

[نمس تندوف]

انسحك ب سيتروين افضل

[yoori]

c élysées بلا ماتخمم الفرق كبيربينهما

[samirkrk]

بسم الله الرحمن الرحيم والصلاة والسلام على اشرف المرسلين اما بعد السلام عليكم ورحمة الله

اللهم اجعلنا من المتقين

[raouf1981]

3.01 سي اليزي كلاهما من المصانع المغربية و نفس المحرك المحرك ما يصدقش ضعيف و فعلا ينقس الزيت أنا شفت ايليزي موتورها فتح أربعة مرات لأجل تغيير السيقمو

[hamid.agha]

ماهو رأيكم في المحرك 1.6 بنزين أربع أسطوانات في نفس السيارتين أي 301 و c elysees لان لهما نفس المحرك

[علي لقواطي]

في زوج خردة