عاونوني

[مشكلتي]

مشكلتي بلاك تبانكم ماهيش مشكلة بصح بدات تقلقني
هدا خطيببي ندنا اربعة اشهر خطوبة ومانحكيوش بزاف في الهاتف دايما يقولي خدام
هو يعمل في الشرطة ولما نسقسيه واش خدمتو اكزاكث يتهرب ومايحبش يجاوب
انا ماعنديش فكرة على الشرطة يعني انا حابة نعرف اسكو يخدم في حركة المرور او اي حاجة اخرى
هوماحبش يهدر انا بديت نقلق
مالا تعيشو فهموني طبيعة عملو بالضبط مع العلم انو عندو سنة ثالثة ثانوي
و عندو عشر سنوات عمل
محتاجتكم
وبارك الله فيكم
بدون تجريح

[أم رقية نسرين]

ختي هادي من البدابة كي جا يخطبك تعرفو واش يخدم يعني اكيد اهلك سقساو عليه قبل ما يقبلو بيه والله حيرتيني
ربي يهنيك و يكملك

[طيور الجنان]

اختي وانتوما كي سقسيتو عليه واش قالكم يخدم ؟؟؟!! هذا حياتك ولازم يكون عندك علم بطبيعة عمل الرجل اللي رايحة تعيشي معاه ربي يسهلك و يسخرلج زوجك ااااامين

[hichemhad]

اختي الكريمة اظن انكي تأخرتي في طرح هذا السؤال
المهم من حقك ان تعلمي وظيفة زوجك المستقبلي
لكن ان كنتي تقصدين تفاصيل الوظيفة و الامور التي يقوم بها فلا اظن انه سيخبرك لان بعض المناصب في سلك الشرطة تعطي اهمية كبيرة للسرية.
او هناك احتمال آخر ان خطيبك لا يريد ازعاجك بأمور عمله
اما بخصوص الهاتف فمن الاحسن ان تبقوا هكذا لان الهدرة بزاف تجيب المشاكل و حتى في الشرع تعتبر المكالمات الهاتفية بين المخطوبين بمثابة الخلوة لان هذا الرجل لحد الآن اجنبي عنك.
ربي يهنيكم

[فاتي تيارت]

هذ شك و خطيبك حشام استغفرى