خطوبتي حيرتني

[مشكلتي]

السلام عليكم ورحمة الله وبركاته
نتنمنى الكل يكون بخير اخوتي في الله
اعندي مشكل نتمنى تساعدوني فيه
انا كنت مخطوبة لشخص لمدة 4 سنين و لعدة اسباب انفصلت عليه بعد العقدد المدني والشرعي لي بيناتنا والحمد لله هذا لكثرة استخارتي لله طوال 4 سنين لاني لم اشعر بالراحة ابدا الحمد لله الحمد لله
بعدها بشهر تقدملي انسان محترم متربي مخالف للاخر تماما قع ناس يهدرو عليه بالخير اقبل بيه بصح البروبلام قاتلي ختو نهار لي جات اعطيه نيمغو يهدر معاك يفهم علاه ووو النخ اانا معارضتش الفكرة وخصوصا انو المرحلة لي راني فيها صعيبة ونتنمنى نهدر معاه باه ينسيني في الاخر وفي هدرة الناس بصح ماما قاتلها لا متهدرش معاه باسكو خافت لنكتشف عن طريق التيلفون وش كتشفت في الاخر ونبطل قلب الام الله غالب ..هو مسكين مورا سيمانة تع الخطبة جا وكل وفتح يعني ردني حلالو وفي شعال من مرة قاتلي ختو وخالتو غلى التيليفون ..انا راني باغية نهدر معاه سيغتو كي رانا في الحلال وراني باغية ننسى معاه ونضحك وننسى دمعتي معاه بصح ماما فات فيها الحال وهدرت ..دروك انا منيش عاررررررررررفة كيفاش ندير مجاياش نقولهم بغيت نهدر معاه معرفتش قع شا ندير نتمنى منكم تعاونوني وترايو عليا قوليلي لكان جاية تتزوجي بواحد مهدرتيش معاه قع انا راني خايفة ومضعورة مالغري راني خالتها على ربي الكبير مي راني باغية نعرفه كي داير نقلع لابريسيو هديك والخوف هدي عشرة تع عمر مشي نهار ولا زوج ان شاء الله تكونو فهمتوني وشكرا

[لمسة ابداع]

انا نظن بلي والدتك الكريمة مخطأة من حقك تحكي معاه و تعرفو عقلية بعضاكم و زيد تعرفي عيوبو اليوم احسن من غدوة كي تتزوجي بيه و زيد مفتحين يعني حلالك بصح اكيد رايحة تحكي معاه في حدود مناه قوة المشايخة تجيب غير المشاكل
المهم ماتخافي ما والو زواج مكتوب ربي
انشاء الله ربي يكون الخير

[الطيب الجزائري34]

توجد النظرة الشرعية ممكن تتعرفي عليه + الاستفسار عليه يكفي لمعرفة شخصيته عموما + رغم الانسان يعرف بعد المعشرة + والدتك لها الحق + لا تستعجلي كل شئ ياتي بعد الزواج + اكثري من صلاة الاستخارة و الاستغفار.

[طيور الجنان]

اختي ربي يكتبلك كل خير و اكيد راح يكونو زيارات ليه عندكم في العيد مثلا و راح تحكيو مع انه لامشكلة في كلامكما الان فانت زوجته شرعا ربي يهنيك ان شاء الله

[محمد جديدي التبسي]

ما فهمتش القصد من الفاتحة رغم اني اسمعها كثيرا هنا ؟ هل تعني عقد شرعي؟
اما قراءة الفاتحة في الخطبه طلبا للتيسير والبركة اظن هذه بدعة وليست من الشرع في شيء
بما أن أخته وخالته تلحان عليك في مكالمته المرة المقبلة اخبريهم انك موافقة وينتهي الاشكال وربما هو سيتصل بك قبل أن تفعلي انت لكن لا أنصحك بالهاتف لانه يزيد المشاكل خاصة وانت تريدين الضحك والسمر معه وهو ليس زوجك بعد!!
لابد ان تستفيدي من أخطائك في الخطبة الأولى فاكيد ان طولها جعلها تفسخ لذلك عجلوا بالزواج ونقصوا الشروط والماديات والشكليات التي لا قيمة لها ليبارك لك في زواجك وينتهي على خير...ربي يفتح عليك