فهموني واش قاعد يصرالي

[مشكلتي]

السلام عليكم و رحمة الله و بركاته
اما بعد:
دائما تراودني نفس الاحلام يعني على الساعة 2و 3 صباحا و نعيط و نبكي باعلى صوت و انا راقدة و مانيش فايقة و ساعات نفطن و نلقي روحي ميتة بالخلعة اغلبية هاد الاحلام يقر كبير يجري من ورايا و لا يجي في طريقي و ما نقدرش نفوت و دايما نشوووف السحور في المنام
كيما المنامة تاع البارح مثلا واحد معنبليش شكون هو قاعد يقولي ماتتزوجيش خلاص انت مملوكتي انت ملكي انا و نسمع غير في السحر
علما اني فتاة على قدر من الجمال خطبت كثيراااا و لم اوفق في الزواج و كنت مخطوبة من قبل و فسخت الخطبة لانني عقدت في البلدية اجراءات الطلاق طولت 13 شهر كنت نتخطب بزاااف و يضلو يجو الخطابة و يستناو في ورقة الطلاق
لكن من اليوم اللي جبت ورقة الطلاق و لا واحد تقدم لي انا خايفة بزااااف سيرتو مابقيتش صغيرة 24 عام
ايضا قبل سنتين رقيت رقية شرعية و لقيت روحي مصابة بسحر بصح نورمالمون شفيت
رجاااءاا فهموني واش كاااين عادي الشيئ هدا اللي قاعد يصرالي
على الاقل دعوة في ظهر الغيب تكفي

[محمد1482]

اكثيري من الاستغفار و قراءة القران و الدعاء
ما تخميش بزاف بأمر السحر لكي لا تأتيك الاحلام المزعجة ( انزعي السحر من رأسك)

[مصطفى_س]

السلام عليكم و رحمة الله

حاولي ترقي نفسك دائما موش يعني كل يوم و نما ساعات
و صلي صلاتك في وقتها و اكثري من الاستغفار بالصح بقلبك
متنسايش الاذكا هوما لي يحفظوك ان شاء الله من الاحلام المزعجة المهم قبل مترقدي انفضي فراشك و اقراي اذكار النوم و انفثي في يديك و امسحي بكل جسمك ....الخ

اما عن الخطبة و الزواج فهو مكتوب كيما مكتوب العيش سعيد او شقي و الاجل و الرزق و....كل شيئ
لا تقلقي من حالك داومي برك على الاذكار و الاستغفار و ساعة ساعة ارقي نفسك حتى و تحسي روحك مليحة

الله يوفقك

[نصير24]

السلام عليكم

اقرأي ادعية النوم بما فيها اية الكرسي ...قبل ان تنامي

[وسيمツ]

السلام عليكم
في المنتدى قسم للرقية الشرعية باشراف الأخ أ.بو همام جزاه الله خيرا
سيفيدك بشكل كبير
ربي يفرج عليك ان شاء الله

[طاعة زوجي ..]

اعانك الله اخية .. حاولي أن لاتتركي صلاتك وأكثري من قراءة القرآن والأذكار وحصني نفسك جيدا. ولاتدعي هذا الأمر يصبح هاجساً لديك كي لاتتعبي أكثر
ربي يفرج عليك اختي. ورزقك من حيث لاتحتسبين

[AMINA.Z]

نحي فكرة سحروني و ما نعرف واش
ارقي نفسك و صلي صلاتك و التهاي بامور اخرى في حياتك
و كي يجي مكتوبك يجي وحدو
ماش لانك قلتي تطلقت لازم يجي واحد اخر و الا اني ٢٣ لازم درك يزيد يجي اخر.
ما بقاتش هاد العقلية
ربي يفرج عليك