السلام عليكم ورحمة الله وبركاته
،،،
حبيتكم تفيدوني في هذا الموضوع أو على الاقل اذا تعرفو انسان يمكن يفيدني في هذا الموضوع
تسقسوهلي وتردولي الخبر
أنا انسانة نقرا القرآن عادي جدا وتقريبا نقراه كل يوم ونحب نقراه ونرتاح وانا نقراه
بصح كي تجي للاستماع ليه من عند شخص اوخر نتضايق بزاف ومنحبش
نتجنب نسمعو نهائيا ونفضل القراءة فقط
حبيت نعرف اذا هذا أمر طبيعي ولا لا ؟
الشي الثاني
عندي 9 أو عشر سنوات وأنا نوم في نفسي نقرا المعوذات وآية الكرسي وسورة الاخلاص في منامي
اول مرة كنت نوم قطط سوداء تحب تاكلني وكي نقرا عليها المعوذات وآية الكرسي تخرج حاجا من فمها
وكنت نشوف هذي القطط السوداء لأيام متواصلة ولكن مع كل مرة نقرا المعوذات في منامي ولات متجينيش في المنام
وقلت خلاص
لكن بعدها بمدة حكمني وسواس شديد سببها مرة قريت قرآن وجاتني وحد الفكرة في راسي على ربي منقدرش نقولها وسوفريت ودعيت ربي يرحمني
وارتحت
بعدها وليت نشوف الجن في منامي ساكن في البيوت وكنت كالعادة نقرا عليه الاخلاص وآية الكرسي والمعوذات وكان الجن ميقدرش يأذيني
وبعدها وليت نشوف الجن متلبس بأفراد من العائلة تاعي ونبدا نقرا عليهم أكثر حاجا سورة الاخلاص
صح نقصت هذي الاحلام في الآونة الاخيرة
ولكن مزالني نشوفهم عدة مرات في كل عام
ومرة شفت جني حب يكفرني وانا كنت نقولو ربي هو الله وكان هوا يقولي وماذا عن ،،، كان يذكرلي اسم ومشفيتلوش مي كنت نقول ربي هو الله
حتى اللي كانت معايا في الغرفة قاتلي كنتي كي شغل تنازعي
وآخر مرة نمت روحي نشوف في شاشة حاسوب مطفية يعني نقدر نشوف انعكاسي فيها وشفت نفسي ولكن كأنوا معنديش عيون ولا منعرف كأنوا مش انا اللي في الصورة
وبديت نقرا في سورة الاخلاص عاد ولكن كي لحقت نقرا سورة الفلق جاتني صعوبة وانا نقرا فيها وجاهدت نفسي وقريتها غصبا عن كلشي وانفاسي تتقطع ومبعد نضت من النوم وأنا نقرا فيها بصوت عالي
مع العلم انها مش اول مرة لانو مرة قبلها نضت وانا نقرا في سورة الاخلاص
الصلاة نصلي نورمال ومنيش متثاقلة عليها الحمد لله ولكن كي نجي باش نصلي ننسا وينا صلاة راني ناويا نصليها
بصح ثمثم نرجع نتفكر وش راني حنصلي
راني حابا نفهم هل بيا شي ولا أمر عادي
رجاءا اللي يعرف يعاوني او يسقسيلي انسان يعرف
( تقرير عن مشاركة سيئة )، و الموجودة أسفل كل مشاركة .
2016-04-03, 14:24
يتكرر الأمر معي منذ عشر سنوات ،،، ساعدوني
العرض العادي
