ما الإيجابية في التعجيل بعقد الزواج والفاتحة

[moussaamin1982]

انا على وشك ان أعقد مع خطيبتي في بلديتنا، ولا يزال العرس بعيد نسبيا حوالي 5 أشهر من الآن، حسب رأيكم ما هي الإيجابيات في هذا الموضوع وماهي السلبيات إن وجدت....تفضلوا بصراحة تفيدونيني وغيري خاصة المتزوجين تفضلوا بأرائكم وارشاداتكم.

[nihal159]

الإيجابية الوحيدة إذا كنت عامل عند الدولة؛ كي تعقد يمدولك لابريم تاع العرس و تزيد شهريتك ب 600 دج تاع الزوجة إذا غير عاملة.
أنا عن نفسي كي بقى شهر على العرس باش عقدت؛هكذا خير يبقى القدر و الإحترام بيناتكم؛ لأنك كي تعقد و تطوّل كما حالتك؛ حواجز بزاف رايحين يزولو بيناتكم و تكثر لمشاكل؛ نتمنى تكون فهمت قصدي.

[bip bip]

المشاركة الأصلية كتبت بواسطة moussaamin1982

انا على وشك ان أعقد مع خطيبتي في بلديتنا، ولا يزال العرس بعيد نسبيا حوالي 5 أشهر من الآن، حسب رأيكم ما هي الإيجابيات في هذا الموضوع وماهي السلبيات إن وجدت....تفضلوا بصراحة تفيدونيني وغيري خاصة المتزوجين تفضلوا بأرائكم وارشاداتكم.

مبارك لكما أخي
المعقول هو التعجيل بالزواج قدر الإمكان....و ذلك تفاديا للمشاكل التي قد تحدث ما بين فترة الخطوبة و الزواج
للمعلومة حال إتمام العقد و الفاتحة يصبح الزواج صحيح مما يتيح شرعا للرجل الإختلاء بالزوجة...هنا تكمن المشكلة بحيث إن كانت هناك معاشرة فهي مشروعة لكن من الأحسن تفادي الإختلاط بالزوجة لحين الدخول بها لأنه هذه دنيا لا يؤمن عواقبها
أخي إن لم يكن بإمكانك تقديم الزواج فنصيحتي هي عدم الإكثار من اللقاأت
مع الزوجة تفاديا و حفظ لها من ألسنة الناس حتى إن كان حلال عليكما الخلوة

[moussaamin1982]

بارك الله فيكن..على كل حال خطيبتي ستنهي دراستها بحول الله في شهر ماي ...على أقصى تقدير...بداية جوان....بعدين تكون في شهر رمضان و عطلة الصيف لهذا فضلت في هذا الوقت تحديدا على الأقل كي القيها نحكيو في مستقبلنا وأسرتنا بحول الله ..كما أنني أضفي على لقائي بها طابعا شرعيا كي لا احصل ذنوبا من ذلك.......بالإضافة غلى انني موظف ونحتاج العقد في ملف منحة.

[nihal159]

ربي يوفقك و يجمع بيناتكم في الحلال؛ ألف مبروك.

[أمل94]

مبروك عليك اخي .....يلا راك عالعقدالمدني تع البلدية راه مليح بالنسبة للي يخدمو عند الدولة يزيدلهم فالرتبة عفوا معرفتش كفاش نعبر عليها مثلا استاذ قبل الزواج تكون عندو نقطة كي يعقد ولا يزوج يولو عندو زوج نقاط وكي ينجب ولد يولو عندو ثلاث نقاط وأكييييد راح تفيده.....والعقد المدني مليح ايضا بالنسبة لطلبات السكن راح يعتبروه متزوج....أما سلبياته أنه يلا مكتبش المكتوب بين الخطيب والخطيبة وفسخو الخطوبة راح يكتبلو هو فدفتر مطلق واسم الزوجة الاولى.....وهي ايضا يكتبولها فدفتر مطلقة ......واسم الزوج الاول.....أما بخصوص العقد الشرعي لي هو الفاتحه .مالاحسن يديروه خير لانها الخطيبة تولي حلالو وهو حلالها...سورتو كي يتكالمو عبرالهاتف ويتجاوزو الحدود......مع اخذ الحيطة والحذر والتزام الحدود....ولا يجوز التسيب والتفسح تحت غطاء العقد الشرعي الى غاية الوصول الى مالايحمدعقباه .....عفوا اخي اسمحلي خرجت بزاف عالموضوع المهم ان شاءالله نكون أفدتك ولو بالقليل

[moussaamin1982]

المشاركة الأصلية كتبت بواسطة nihal159

ربي يوفقك و يجمع بيناتكم في الحلال؛ ألف مبروك.

يبارك فيك اختي الكريمة ..ربي يحفظك

[kader001]

حسب شخصية السائل يكون الجواب فان كان ذا شخصية قوية كاريزماتية فان المطلوب التريث و عدم الاسراع في توقيت عقد الزواج حتى يتمكن من اختيار شريك حياته في روية و اناة اما اذا كان ذا شخصية انطواية انعزالية متردده فعليه محاولة الاتفاق مع الطرف الاخر دون اطالة غير مبررة لاجل عقد الزواج .. وهكذا لكل مقام مقال . و شكرا