السلام عليكم
بالنسبة لما ذكرته اخي هم شهادات تتالت على مر الانظمة التعليمية في الجزائر
بالنسبة لليسانس اكاديمي اخي يكون جامعي حاليا تقدر تكمل بيه ماستر اكاديمي ودكتوراه اكاديمية يعني تقدر تكمل بيه دراسات عليا
بالنسبة لليسانس المهني اخي داروه باش توجه بعده للحياة العملية ومتقدرش تدخل في الدراسات العاليا لكن في بلادنا راهم حلولو ماستر مهني وكاين حتى لي ادمجوهم ماستر اكاديمي بليسانس مهني وكملوا الدكتوراه عادي
بالنسبة لتقني سامي ومهندس دولة هذو كانو في النظام لكلاسيكي لي يقرا ثلاث سنوات يولي تقني سامي ولي يكمل خمس سنوات يولي مهندس دولة
وحاليا راح هذا النظام في الدولة
والتقني والتقني السامي راهم بقاو في التكوين المهني وفي جامعة التكوين المتواصل فقط
وبخصوص فرص العمل اخي راهم كامل كيفكيف في بلادنا متجي وين تلقا خدمة بالسيف لكن في الوظيف العمومي للرواتب كل واحد وشحال يخلس
تلقا اصحاب التقني في السلم 10 على ما اعقد
اصحاب الليسانس 12
اصحاب الماستر والمهندس 13
اتمنى انك استفدت
( تقرير عن مشاركة سيئة )، و الموجودة أسفل كل مشاركة .
2016-04-10, 15:48
ماهو الفرق بين شهادة
العرض العادي
