الذ المعجنات و الفطائر من مطبخ عزووووووووفة ولا اروع و بعجينة واحدة

عازفة الناي · 2016-03-17, 22:27

السلام عليكم

حبيباتي كل عشاق و مُحبي المعجنات اليوم جبتلكم تشكيلة متنوعة و هاااااايلة من المعجنات
ان شاء الله تنال اعجابكم
نبدى بالمقادير:
3 كوب فرينة
ملعقة كبيرة خميرة خبز
ملعقة كبيرة خميرة حلويات
3 ملاعق حليب بودرة
ملعقة سكر
ملح، ماء دافئ للعجن
و 3 ملاعق زبدة
التحضير:
نخلط المقادير كلها مع بعض ماعدا الزبدة والملح ونبدى نلم في العجين من بعد نضيف الملح و نزيد الزبدة حتى تتداخل مع الخليط
نغطيها ونخليها تخمر و من بعد نهبطها ونزيد نغطيها للمرة الثانية تخمر و بعدها نشكل

خبيزات التون و البيشاميل
علبة تون زيت
البيشاميل
2 ملاعق زبدة نذوبهم على النار و نضيف عليها 2 ملاعق فرينة نتركها دقيقتين على النار ونضيف الحليب حتى نتحصل على خليط متماسك نزيد 4 حبات فرماج مكعبات نتركها تبرد و نستعملها
نعمل كويرات من العجين ونحلهم بهذا الشكل

نعمل البيشاميل و بعدها طبقة من التون ونبشر فرماج

ندهنها بصفار البيض مع قليل من القهوة و نتركها ترتاح 10د و نطيبها في فرن ساااااخن

وهنا للزينة حطيت زيتونة ههههههههه

وهنا من الداخل امممممممممم خفة وبنة رهييييييييييييييييبة

خبيزات محشية باللحم المرحي و الفرماج
عملت نفس العجين لكن نقست نصف كوب فرينة و عوضته بنصف كوب شعير
نشوحت اللحم المفروم مع البصل و التوم و البهارات و المعدنوس
حليت كويرات العجين على شكل مستطيل و حشيت الوسط باللحم المفروم واضفت الفرماج و غلقت بهذا الشكل و عملت تشريحة بالسكين و بعدها دهنتها بالبيض و خليتها خمرت و طيبتها في فرن ساااااخن

وهنا من الداخل اممممممممممممم

وبنفس العجينة اللي بالشعير عملت الدوائر : حشيهم نيشاميل و لحم مفروم وفرماج

وهنا عملت الحشو طماطم دوائر رقيقة و رشة زيت زيتون و زعيترة و فوقها فطر مشوح فشوي زيدة و رشيت عليها فرماج امممممممممممممممم رووووووووعة

وعملت بيتزا

قوارب السبانخ ذوقها رااااااااااااااااااااائع و رهيييييييييييييب
السبانخ شوحتها فزيت و توم و ملح وفلفل اسود
اللحم المفروم كذلك شوحته مع البهارات و البصل و الثوم والمعدنوس
حليت العجين على شكل قارب و دهنته بطبقة الفرماج مكعبات و بعدها و ضعت اللحم المفروم و السبانخ و برشت علي فرماج دهنت القارب بالبيض و رشة جلجلان ويرتاح 10 دقايق و الى الفرن الساااااخن

فطيرة المحنشة بالشاورما
الشاورما : نتبل دجاج مع شوي ثوم و زنجبيل و ملح وفلفل اسود وهريسة و بهارات و كركم و رشة صغيرة كمون و نخليه يريح من بعد نقليه فشوي زيت و نضيف موطارد و كريم فراش و معدنوس
انا الدجاج رحيته

بطاطا مع المعدنوس
نقلي البطاطا و نضيف لها المعدنوس و الملح

نحل العجين بهذي الطريقة طويلة و رقيقة و نحط الحشو

ونغلقها

ندهنها بالبيض و الجلجلان

و عملت كرواسون و رولي اممممممممممممم

الرولي : حلت العجن مستطيل و دهنته بالمعجون و رشيت زبيب و جوز مهرمش

اسمحولي الصور بزااااااااااااااف
لكن صراحة العجينة خفيفة قطن و بنينة تهبل
و الاشكال و الحشوات رووووووووووعة
ماتترددوش في انكم تجربو و تعملو انتم تاني اشكال اخرى و حشوات متنوعة
دعوة خير لي و لعايلتي تكفيني
دمتم اوفياء
واذا كانت هناك اخطاء او شيء نسيته ذكروني و اسمحولي لانه هبلتني النت و عندي تقريبا 4 ساعات وانا نحمل هههههههههههههه

مياسم الصمت · 2016-03-17, 22:37

روعة روعة روعة
شهيتني وجوعتيني

يعطيك الصحة وربي يسلمك
أحلى تقييم

ويثبت الموضوع

زينب 83 · 2016-03-17, 22:42

تحففففففففففففففففففففففففة كم احب إبداعاتك يا عازفة ، انت شاف مع سبق الإصرار و الترصد ههههههههه

عازفة الناي · 2016-03-17, 22:45

اقتباس:

المشاركة الأصلية كتبت بواسطة مياسم الصمت

روعة روعة روعة
شهيتني وجوعتيني

يعطيك الصحة وربي يسلمك
أحلى تقييم

ويثبت الموضوع

انت الاروع استاذة و الله عجز لساني عن التعبير و الكلمات خانتني من الفرحة
الف الف شكر استاذة وان شاء الله نكون دوما عند حسن ظنك

عازفة الناي · 2016-03-17, 23:21

اقتباس:

المشاركة الأصلية كتبت بواسطة زينب 83

تحففففففففففففففففففففففففة كم احب إبداعاتك يا عازفة ، انت شاف مع سبق الإصرار و الترصد ههههههههه

نورتيني يا باغلى مشرفة واحلى شاف
والله فرحت بردك المشجع
ربي يخليك و يحميك

khadidja50 · 2016-03-17, 23:29

بارك الله فيك

ام هدول · 2016-03-17, 23:34

روووووووووووعة احلى تقيم

om kamilia · 2016-03-18, 15:45

آممممم عزوفة وين خبيتي كل هذو الخيرات , رائع كروعتك دائما معتدادين على شطارتك

حياة نور الدين · 2016-03-18, 15:49

رووووووووعة يعطيك الصحة يستاهل التثبيت واحلى تقييم

yukimaroua · 2016-03-18, 15:56

ما شاء الله بارك الله فيك و جزاك كل خير

عازفة الناي · 2016-03-18, 15:57

اقتباس:

المشاركة الأصلية كتبت بواسطة khadidja50

بارك الله فيك

وفيك الف بركة حبيبة

اقتباس:

المشاركة الأصلية كتبت بواسطة ام هدول

روووووووووووعة احلى تقيم

تسلميلي هذا من ذوقك

اقتباس:

المشاركة الأصلية كتبت بواسطة om kamilia

آممممم عزوفة وين خبيتي كل هذو الخيرات , رائع كروعتك دائما معتدادين على شطارتك

حبيبتي نورتيني و الله كلامك الاروع و طيبة قلبك الاجمل ربي يخليك

اقتباس:

المشاركة الأصلية كتبت بواسطة حياة نور الدين

رووووووووعة يعطيك الصحة يستاهل التثبيت واحلى تقييم

الف شكر حياة هذا لطف منك حبيبتي

ام ايمان 11 · 2016-03-18, 16:11

روووووووووووووووعة ابدعتي اخيتي تسلم ايديك يافنانة ما شاء الله .

القناعة كنز · 2016-03-18, 16:24

هايييييييييييل فور بارك الله فيك

ام نوردين · 2016-03-18, 16:48

رووووووووووووووووووعة يعطيك الصحة عزوفة ابدعت كلشى تووووووووب الله يبارك جاري التطبيق و رايحة نخبيهم لرمضان ادا كنا من الحيين ان شاء الله
شكرااااااااااااااااااااااااااااااا

رزان. · 2016-03-18, 17:04

روووووووعة
يعطييييك الصّحّة أختي