كيكتي الرائعة بدانيت الشوكولا وكريمة القهوة ممممم

om mouez · 2016-03-11, 15:36

البسملة1

السلام عليكم كيف حالكم يا اخواتي اليوم جبت معايا وصفة رائعة لكيكة بدانيت الشوكولاطة وكريمة القهوة خاصة لعشاق القهوة والشوكولا مثلي وهي حقا رووووعة وتحمر الوجه قدام الضياف بدون اطالة نروحو للمقادير
(العبار بعلبة الدانيت )
5بيضات -3 عبار سكر_4/3 الكيلة زيت – علبة دانيت شوكولا-نصف الكيلة كاكاو – نصف الكيلة قهوة سريعة الذوبان (نسكافي)-2 خميرة الحلويات -3 كيلات فرينة

في عملية الخلط استعملت الخلاط الكهربائي حطيت الزيت والقهوة و الدانيت والسكر خلطيهم مليييييح

ثم ضيفي البيض بالوحدة يعني حطي بيضة وخلطي حتى تكملي حتى نتحصلو على خليط مملوء بالفقاعات

فرغي الخليط في اناء وضيفي عليه الفرينة الممزوجه مع الكاكاو و الخميرة مغربلين مرتين وخلطي بالسباتولا من الفوق للتحت

في مول مدهون بالزبدة ومرشوش بالفرينة فرغي الخليط و ديريه في الفرن المسخن مسبقا على درجه 200 بعد 10 دقائق نقصي الى 180 درجة حتى تطيب

هنا مين طابت حطيتها فوق المشبك

نروحو لتحضير كريمة القهوة نحتاج الى المقادير التالية
كاس حليب يعني 4/1 لتر
نصف الكاس قهوة سريعة الذوبان (نسكافي)
80غ شوكولا
3 م ك سكر
3 م ك غبرة الكرييم باتسيير لي تتباع في اكياس
عطر القهوة انا ماكانش عندي
م ك زبدة

في حمام مائي نذوبو الشوكولا مع الزبدة

في كسرول نحطو الحليب و السكر والقهوة وغبرة الكريم باتسيير ونخلطو حتى تتحلل الغبرة مليح ثم نحطوها فوق النار ونبقاو نحركو حتى تعقد نحيوها من على النار ونضيفولها الشوكولا الذائبة ونخلطوهم مليح رح نتحصلو على اروووع كريمة قهوة تقدرو تستعملوها كحشوة للعديد من الوصفات مثل لي زكلار او لامونة...الخ

لما تبرد الكيكة نقسموها على زوج ونحشيوها بالكريمة ثم نغطيوها بالطبقة التانية من الكيكة وندهنو الحواشي ونزينوهم بالشوكولا فارميسال

بالنسبة للقلاصاج ذوبت 100 غ من الشوكولا على حمام مائي مع شوية زبدة كي ذابت ضفتلها دانيت شوكولا ومزجتهم ملييح ودهنت بيها الكيكة من الاعلى

كذلك ذوبت شوية شوكولا بيضاء خلطتها مع شوية دانيت كراميل ودرت نقاط كبار ثم درت خطوط عشوائية حتى تحصلت على شكل رخامي ورابيت شوكولا بيضا وزينت الحافة وكل وحدة واش تحب تزينها

نتمنى تجربوها وتعجبكم لانها فعلا تستحق التجريب ودعوة خير تكفيني
سلااااااااام