|
في حال وجود أي مواضيع أو ردود مُخالفة من قبل الأعضاء، يُرجى الإبلاغ عنها فورًا باستخدام أيقونة ( تقرير عن مشاركة سيئة )، و الموجودة أسفل كل مشاركة .
آخر المواضيع |
|
|
أدوات الموضوع | انواع عرض الموضوع |
2016-02-20, 18:21 | رقم المشاركة : 1 | ||||
|
ممكن مساااااعدة
تقدرو تعاونوني راني حاصلة في الجواال و عندي وظيفة الدوال ماراني فاهمة فيهم ممكن واحد يفهمني فيهم بليييز ربي يخليكم
|
||||
2016-02-20, 18:40 | رقم المشاركة : 2 | |||
|
أي جزء لم تفهميه في الدوال؟
|
|||
2016-02-20, 18:51 | رقم المشاركة : 3 | |||
|
التالفية و الخطية نعطيك مسألة نحلوها مع بعض ؟؟ بليز لازم غدوة نسلمها |
|||
2016-02-20, 19:12 | رقم المشاركة : 4 | |||
|
عادي أختي،أعطيهالي و نحلوها مع بعض
|
|||
2016-02-20, 19:36 | رقم المشاركة : 5 | |||
|
مــســــألـة : |
|||
2016-02-20, 19:37 | رقم المشاركة : 6 | |||
|
هياا بليز اختي ياربي نكملو |
|||
2016-02-20, 21:18 | رقم المشاركة : 7 | |||
|
1/أ)ساهلة،نضربو الايام في الثمن بالصيغة الأولى 60x8 و رح تتحصلي على 480دج و بالنسبة للصيغة الثانية 40x8+300 و نتحصلو على 620دج
*إذن الصيغة الرابحة هي الصيغة الأولى ب)و نفس الشيء نعاودوه بصح نبدلو 8 ب16 و رح نتحصلو في الصيغة الأولى على 960دج و في الصيغة الثانية 940دج *إذن الصيغة الرابحة هي الضيغة الثانية ملاحظة:الصيغة الرابحة نقصدو بيها الصيغة الأقل تكلفة 2/هادي تاني ساهلة ===>P1=60x 3/بالنسبة للمعلم ارسمي معلم متعامد و متجانس نقطة تقاطع المحورين سميها O و مبعد كل 1سم في الفواصل اكتبي مضاعفات 2 يعني في 1سم الاول اكتبي 2 و في 1سم الثاني اكتبي 4 و هكذا و ما بين O و 2 اكتبي الحرف i و نفس الشيء على محور التراتيب كل 1 سم اكتبي مضاعفات 100 يعني في 1سم الاول اكتبي 100 و في 1سم الثاني اكتبي 200 و هكذا و مابين النقطة O و 100 اكتبي الحرف j *الأن بالنسبة لرسم المستقيمين d1 و d2 لازم نعرفو اولا نوع الدالة في الصيغة الاولى عندنا دالة خطية لانها فيها فقط عملية الضرب 60x أما الصيغة الثانية فهي دالة تآالفية لأنها فيها عملية الضرب و الجمع 40x+300 *و الآن رح نقدرو نرسمو المستقيمين *ملاحظة:لرسم مستقيم يكفي إنشاء نقطتين من هاد الملاحظة نستنتجو انه لازم نحددو نقطتين مالا تبعي معايا و شوفي كيفاه نحددوهم الصيغة الأولى هي دالة خطية و راكي تعرفي كي تكون عندنا دالة خطية المستقيم لازم يشمل المبدأ O يعني حنا الآن رانا لقينا نقطة لرسم مستقيم و هي O و الان لازملنا النقطة الثانية،و بش نلقوها لازم نلقو إحداثيتا هاد النقطة رح نفرضو أنه النقطة هادي اسمها A اذن كيما قلت لازم نلقو فاصلتهاx و ترتيبهاy الآن رح نشكلو الدالة تاعنا f(x)=60x x راها باينة في الدالة تاعنا و الان تبقالنا y إذن ماهي y؟؟ f(x)=y يعني y هي 60x و الآن رح نختارو وش تكون النقطة x انا نفضل تختاري رقم من مضاعفات 2 لانه محور الفواصل معلم على اساس مضاعفات 2 مثلا نختارو x=2 و منه y=60x2 إذن y=120 اذن احداثيتا النقطة A هي 120;2 حاولي تعيني هاد النقطة بواسطة الاحداثيتين و لما تكملي تعينيها اربطي بين النقطة A و O و رح تتحصلي على المستقيم d1 و ما تنسيش تكتبي في المستقيم y=60x الصيغة الثانية هي دالة تآلفية و راكي تعرفي من قبل بلي كي تكون عندنا دالة تآلفية دائما المستقيم لا يشمل المبدأ O في هاد الحالة لازم نعينو نقطتين بش نرسمو المستقيم و بنفس الطريقة لي وريتهالك سابقا عيني احداثيتي النقطتين لي رح ترسمي بيهم المستقيم و كي تكملي رسم المستقيم ما تنسيش تكتبي فوقو y=40x+300 4/هادي حاجة ساهلة،عندنا في السؤال الاول نشوفو الصيغة الرابحة يعني الثمن لي يكون قليل مقابل حضور 8مقابلات نتي في محور الفواصل روحي عن الرقم 8 و ارسمي مستقيم عمودي و شوفي مبعد هاد المستقيم العمودي وين راه يقطع المستقيم d1 و d2 على اساس محور التراتيب و رح تلقي نفس النتائج لي لقيناهم في الاعلى 5/المتراجحة شيء سهل هي نفس طريقة حل معادلة 40x+300<60x 300<60x-40x 300<20x 300/20<x 15<x قد تجدين أنني قد قلبت الإشارة حين بدأت الحل السبب هو أنه سوف نقوم بنقل 40x الى 60x فيصبح لدينا 60x-40x و بالتالي فان 300 اصغر من 60x-40x و أنا قمت فقط بنقل 300 الى الجهة الاخرى لتصبح 60x-40x اكبر من 300 لان الاستاذة دائما تقول لنا بان نجعل x هو الاول دائما *التفسير:إذا كان عدد المقابلات أقل من 15 مقابلة فإن الصيغة الثانية تكون أكبر من الصيغة الأول أتمنى أن تكوني قد فهمت حلي دمت في رعاية الله |
|||
2016-02-21, 22:22 | رقم المشاركة : 8 | |||
|
بارك الله فيك و جزاك كل الخير ان شاء الله شكرا لك اختي ^^ |
|||
2016-02-21, 22:25 | رقم المشاركة : 9 | |||
|
العفو أختي،و إن وجدت أي غموض أخبرني لأجيبك عن استفساراتك،ولا تنسيني بصالح الدعاء
|
|||
|
|
المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى
المنتدى غير مسؤول عن أي إتفاق تجاري بين الأعضاء... فعلى الجميع تحمّل المسؤولية
Powered by vBulletin .Copyright آ© 2018 vBulletin Solutions, Inc