أختكم محتاجة نصيحة

[مشكلتي]

السلا عليكم
ملقيت كيفاه ندير هذا الذنب كل ما نتوب منو نرجع ديما ندعي في ربي يهديني بصح نتوب ونرجع كرهت روحي يا ربي .مشكلتي مع الفيسبوك كان عندي فايس أضغت فيه بعض الأصدقاء الكلام بيننا عادي جدا لكن أنا في قلبي منيش نحوس نهدر مع حتى راجل بصح منفيقش نلقى روحي استرسلت في الكلام بصح صدقوني كلام عادي لا أكثر نحيت الفايس هذاك لأني حبيت نتوب و زدت فتحت واحد جديد و درتو ما يقدر يبعثلي حتى واحد اضافة تهنيت بعض الوقت لكن دائما تجيني رسائل و ما نردش عليها لأني حلفت لكن في أحد القروبات واحد حط منشور رديت عليه بكلام من الدين بعثلي مسج في الخاص بأنو يتيم الأبوين وكره من الدنيا هدرت معاه لأني أشفقت عليه .ابعد يومين قالي حبيت فوطوك ورقم تيليفونك رقضت بصح فتحت الكام لمدة ثانية شافني وأنا لابسة الحجاب بصح مزال كلامنا عادي . ضميري يأنب فيا والله غير كرهت نفسي عائلتنا محافظة وانا هكا ما كنتش هكا تبدلت ياسر بعد الطلاق ادعولي تعيشو أنصحوني راني أختكم ساعات نحسن باللي ربي سبحانو مهوش راضي عليا لأنو ما وفقنيش باش نتوب .ادعولي و أنصحوني

[ايمن تلمسان]

ماشي حاجة بصح خطيك من هذ المعارف المودرين كاين الذيابة بزاف...

[كلنا راحلون]

مشكلتكن لا تسمعن حتى سقوط فاس فراس
واش فايدة فيسبووك_ وحتى هاتف ليلا_

حط فراسك رزقك مضمون وحابة زواج ماتدخلي في هفوات وثغرات شيطان

المشاركة الأصلية كتبت بواسطة مشكلتي

فتحت الكام لمدة ثانية شافني وأنا لابسة الحجاب

لا تعليق
الله يسهل.................

[متعلم انجليزي]

السلام عليكم
اذا حابة الفيسبوك لهذه الدرجة ديري عضوية لكن بجنس ذكر اذا اردت ان لا تاتيك الازعاجات او بلوكي جميع الرسائل الا من الاصدقاء
واخطيك من واب كام ،و مخاطبة الرجال لان جل رجال الفيسبوك الذين يتحدثون مع الفتيات بغية الزواج هم ذئاب بشرية منهم المتزوج ويريد يفاجي على نفسه ومنه من يريد ان يبوح بمشاعره ومنهم من يريد ان يلهو فقط
وعند الصح يتزوج باخرى لانه ما يديرش الثقة في من تتكلم معه عن طريق الفيسبوك او الهاتف "كما تكلمت معه تكلمت مع اناس اخرين وكما راى صورتك راوها غيره هذا هو تفكيره"
وليكن في علمك يستطيع اخذ صورتك عن طريق واب كام ويبتزك مستقبلا
تاكدي ان الرزق بيد الله والزواج رزق ، وهو مكتوب وابتعدي عن خطوات الشيطان
"ربي يرزقك الزوج الصالح والذرية الصالحة"ويهديك ويهدينا الى الاستقامة

[سيف الدين الطيار]

ضعفك هي انك مطلقة...لذلك فعلت دلك...
و اعلمي انك اخطاتي...لكن خير الخطائين التوابون...
رزقك عند ربي....صحيح ان مجتمعنا لا يرحم لكن...ان لم تتزوجي في الدنيا..
فربنا ملك الاخرة قادر على كل شيئئ...
ارجو ان لا تنزعجي بردود الغاضبين...
و اتركي الفايسبوووووك سلااااااااام

[ing.Youcef]

قال الله تعالى في الحديث القدسي: (يا عبادي كلكم ضال إلا من هديته فاستهدوني أهدكم)

[AMINA.Z]

الفراغ و الاحساس بالوحدة
سهل على الشيطان عمله معك
و لا تكوني غبية لدرجة انو راجل يحكيلك زوج كلمات تامنيه !!!!! وينو عقلك يا الاخت !!!!
الاحين تشوفي كاش خدمة تعمري بيها وقتك
ربي يهديك و يثبتك على طريق الهداية

[ابو ارسلان]

والله يا اختنا ان الفيسبوك مثل الخمر و الميسر ضره اكبر من نفعه..
ربما الوحدة و الفراغ يجعلان الشيطان لعنة الله عليه يسجل علينا بعض الاهداف لكن يا اختي الضربة القاضية عليه هي التوبة
و انصحك باستعمال البدائل فمثلا هاهو منتدانا المبارك لا نجد فيه الا خيار الناس ينفعون و ينتفعون
تشاركين الناس في الخير لا في الشر و هاهم الاعضاء بارك الله فيهم يقدمون لك النصائح دون ان يعرفوك.
سبحان الله لماذا معظم النساء ساذجات الى هذه الدرجة بمجرد كلمة تبوح بسرها
الانترنت عالم افتراضي ملئ بالماتاهات و الاشخاص الخبثاء
فعيشي في العالم الحقيقي وتوجهي بالدعاء لرب العالمين و التزمي بدينك و ان شاء الله يتحقق لك ما تريدين

[RB59711]

ربي يهديك ويثبتك على طاعتو .

[زبدة ذايبة]

يا أختي استخدمي عقلك قبل ماتتصرفي

هذا هو المشكل اللي عندك

اللي هو ماتفكريش في عواقب الأمور

كاش وحدة تخلي راجل يشوفها بالكام ؟؟؟؟؟؟؟ أو تعطيلو تصويرتها؟؟؟؟؟

مالقيتي مع من تهدري غير مع الرجال

ماكانش جنس آخر موجود على هذ الأرض غير الرجال تعلقي على منشوراتهم !!!!!!!!!!!!!!!!!

وعلاش تعلقي عليهم ؟؟؟؟؟؟؟ واش الفايدة اللي راكي تجيبي فيها غير الندامة

هذا حرام ومايجوزش

ماراكيش مشرفة اجتماعية تحلي للرجال مشاكلهم

حافظي على دينك وشرفك قبل ماطيح الفاس في الراس كيما قالولك الإخوة اللي سبقو

[أحمد دواجي]

السلام عليكم
مررت بمرحلة في حياتك
مرحلة ضعف جعلتك تبتدعين قليلا عن الله عز وجل وعن طريق الحق
فضعف ايمانك في هذه المرحلة
ابليش والنفس الامارة بالسوء استغلا هذا الضعف وغرسا هذه العادة عادة الفايسبوك بالتدريج ويدخلون في ذهنك اسباب ترينها صحيحة لكن في الحقيقة هي خاطئة
اذن ما الحل؟

الحل أولا أن يعود ايمانك كما كان او اكثر
طاعة اكثر صلاة اكثر قرآن اكثر صدقة اكثر اعمل خير اكثر حتى تحسي انو ايمانك زاد وتزيد قوتك ضد الشيطان وضد نفسك
بعد ذلك
لا تتوقفي عن الفايسبوك لكن لا تدعي الشيطان يملي عليك افعالك
اي شيء ترين انه لا يرضي الله بطريقة او اخرى لا تفعليه مباشرة

والله اعلم المهم اهم شيء يعود ايمانك كما كان
بالتوفيق
"إذا أحب الله عبدا ابتلاه"
اذا اراد الله ان يسمع صوت عبده فانه يأجل الاستجابة لدعواته لكي يسمعه في كل وقت
والله اعلم

[kameld1982]

الله مع الجميع

[رزيقة16]

با التوفيق اختي ا ربي يسر امرك

[غزلانْ]

و هل بذكرك أنك مطلقة هي حجة
المهم ما حدث قد حدث لاتخطئي مرة ثانية
فلربما يستغلك أي شخص و تصبح صورك متداولة
و على حساب من أشفقت عليه لا تثق بأي كان
و ان شاء الله تكون عبرة لكي

[nan719]

ربي يهديك اختي