عجوزتي الحقودة

مشكلتي · 2016-02-17, 09:11

صباح الخير انا راني منهارة نفسيا من عجوزتي لي منيش عارفة واش محسبتني ىوانا نشوف فيها ام ثانية نعاملها بالطيبة ونهديلها ونديرلها رايها ومن فوق شاكة فيا سارقة هه مخلية معاها حفيدتها 15 سنة وخوها17 سنة ابلا ولادها 2واحد 27ولاخر 34 بلا زواج قلت معليش مرا كبيرة متقدرلهمش انا ف بلاصتها قلت عل الخدمة قاتلي عندنا عيب وهي بناتها يخدمو قلت نخرج نحي عل خاطري قاتلي مستحيل قلت معليش اول عام زواج بلعقل في حقهم ومن جهة اخرى مش محسبتني اذا خرجت متسمعنيش نهائيا تروح مع حفيدتها حتوتغلق البيبان بالمفتاح وتروح مرة جاوني ضياف من اهلها وهي راحت وما قاتليش وتبهدلت قدامهم لا سرفيس فناجل لا سنيوة لاوالو كلش دايراتو ف الصالون وغالقة عليه قلت بالاك من هذي تفهم روحها والله والو عندهامرض التخبية وكلش لازم يفوت عليها وتعرف خبز خضر فواكه لحم غير الشيعة راني حاكمة الكوزينةكلش عندها حتى من الخبزيا ربي وما دابيها تاكل هي برك وبناتها ك يجو ضياف حتى يروحو وانا نطيب ونغسل ونرفد وحاكمة فمي ونقول الله غالب وراجلي عندو عاااااديالشي هاد كامل تعايرني قدام بناتها بي منعرفش نطيب خاطر مش من منطقتهم انا من منطقة بعيدةنختالفو في الاكل ومش دايرة على كلامها ونقول كاين ربي وضرك الاسبوع هادا راح دير عقد لوليدهاماقاتليش نهائيا راح ديرو في داربنتها ومش راح تديني معاها يعني هي وبناتها واختها لحد الان مفهمتش واش ندير معاها وانا حابة نخرج منعندها نهائيا نشوفها غير ف الزبارات وخلاص بصح ضميري ما خلانيش نقول حرام عليا لكان تزعف والله حاسة روحي خادمة نتاعها معندبش قيمة ف الدار وراجلي مع امو ظالمة او مظلومة ودارنا لكان بعرفو هاد الشي ميعجبهمش الحال نهائيا خاطر زوجوني باه نتهنى في داري مش باه تبهدلني هدي العجوزة
انصحوني صح محتاجة نصيحة راني في انتظاركم

faty05 · 2016-02-17, 10:50

الله يصلح احوالك اختي
كلمي زوجك اذا قادر يخرج بدارو وحدو لما لا و تتهناي من مشاكل تجيك من عباد ماكيش ملزمة بخدمتهم
اذا مش قادر اصبري
انتي ديري لي عليك
ماكيش خدامة اختي كبري من روحك ديري
يعني ديري الضروري في شغل الدار
و كي يجو بناتها ياك دار باباهم يشمرو علا يدهم يعاونو امهم
بالنسبة للتخبية خليها تخبي تربح بيهم
انتي كي تسخفي لحاجة قولي لراجلك يشري و خبي حتى انتي !
بالنسبة للخرجات و العرضات نقولك حاجة تتهنيتي من التعب تع التوجاد
هزيها من الجانب الايجابي
لكن راها غالطة بالطبع انها ما تحضركش للعقد
المهم
اختي الرسمي في راجلك اتهلاي فيه
و ينهلا فيك
اصبري و فوضي امرك لله و استغفري و ادعي و اذكري الله كثيرا يجعل لك مخرجا
تحياتي لصمودك

RAHETBAL45 · 2016-02-17, 11:19

ربى يقدرك اختى صعب تعيشى فى هذه الظروف لان الانسان حتمابطبعه اجتماعى يحب ان يشارك و يبدع فى محيطه و لكن فى مثل هذه الظروف صعب فانت تجرى عكس التيار و هذا سينعكس عليك عاجلا او اجلا نفسيا و عضويا لذلك يجب ان تخبرى زوجك و ان يكون فى الصورة لانك امانة فى عنقه و ان يصع النقاط على الحروف ربى يفرج اختى

لامْية · 2016-02-17, 11:49

انشاله رب يهدي هذ العجوز وهذ الزوج الساكت عن الحق

كاميلا · 2016-02-17, 13:29

انت سرقتك في اللحم والخبز والمواعين واش تقولي في اللي سرقتها واتهمتها وهي لابسة ثوب العرس الابيض بسرقة سنسلة تاع دهب هههههههههههههى

تتخيلي هذا ؟بعد عرسي وفي بلاد الناس تعيطلنا عبر الانترنت وتقوله سنسلة فلانة تسرقت وين كانت قاعدة زوجتك يقولها هو كيفاش تقوله مكان غير مرتك اللي كانت قاعدة في غرفة تبديل الملابس كي قالها ومن بعد قاتله نقصد اللي معاها خخخخخخخخخخخخخخخخخخخخخ

غزلانْ · 2016-02-17, 15:06

و لكن ما السبب الذي جعلها تعاملك وتتهمك بالسرقة؟
ثم كيف لك أن تستغني عن ابنك و بنتك أين أمهما؟
و بالنسبة لتضايقك من موقف رفضها لعملك
لا تضعي و لا تقارني نفسك و بناتها
فبنتها أصبحت خارجة سلطتها و لها زوج
يرضا بأن تكون زوجته عاملة و أنت لها حق عليك
في أن ترفض أو تقبل عملك و السبب أنك زوجة ابنها
و تحملي اسم العائلة و ابنها مع كلمة أمه. وعن مسألة ضيافة بناتها
فهم أولى بخدمة أنفسهم بأنفسهم و يبقى المنزل
منزلهم و يبقى حلك في يد زوجك
ان كان بمقدوره أن يوفر لك بيت مستقل
لتفادي مشاكل اخرى

مسلمة81 · 2016-02-19, 13:53

يا اختي حلك الوحيد ادا راجلك قادر يكريلك خير من المشاكل

دينا10 · 2016-02-19, 17:50

اختي بعدي من المشاكل واكري دار تريحي انت فعلا امراة فحلة

AMINA.Z · 2016-02-20, 00:26

واش من حرام ...راكي تحكي من نيتك
هاذو يعاملو فيك كي الخدامة و ماش مدايرينلك قيمة
حالتك ما تتسماش عقالة و تربية . تتسمى جياحة
كيفاه بناتها يخدمو ..ماش عيب و انتي تخدمب عيب !!!!!!!
كيفاه تقفل على كلش و انتي راضية ...نا فهمتش واش من صفة عندك في الدار
و هاذاك اللي يسمى راجلك ....واش حكايتو ..لاه جابك من طرف الدنيا لدارو و هو ماش قادر يحافظ عليك و يتحمل مسؤوليتك
اختي انفضي عليك الغبار و فيقي لروحك.
ربي يهدبك و يفرج عليك

متعلم انجليزي · 2016-02-20, 01:24

السلام عليكم
اين هو زوجك من كل هذا ،ربي يهديها ،اذا تقدري تخرجي مع زوجك غير اخرجي،راها عندها زوج اولاد تزوجهم وتسكنهم معاها ،انت انسانة لست جارية كما عندك واجبات لك حقوق وابسطها الاحترام ، اصبري حتى تفرج كربتك ،ربي يفرج عليك

RB59711 · 2016-02-20, 02:10

الحل الوحيد انو راجلك لازم يكريلك وحدك .ربي يسهلك .

nan719 · 2016-02-20, 18:17

ربي يهديها

مواطنة · 2016-02-20, 19:20

حييك على صبرك و ربي يكملك
حتى اذا مداوكش للوليمة هادي حاجة مليحة ليك
اتهلاي في راجلك و خدي حقك لي عطاك الله لكن بالشوي بلا ما تفسدي زواجك
ادا خلاك تخدمي اخدمي بلا ما تشاوري العجوزة المهم زوجك مخليك و يكون سر حتى تلقاي خدمة
روحي زوري مواليك من داك باش تنحي على خاطرك او اقترحي على راجلك تروحو يومين تبدلو جو بالوقت يفهم ضرورة الاستقلال
باش تبدلي الوضع امشي بالعقل و بخطوات رزينة متظلميش و تخليش حقك يضيع ياك في الدين ديالنا حقك تكون عندك جهة مستقلة يالوكان غرفة صغيرة و حمام باش متخلطيش مع الرجال لي في البيت
ملازمش نقزلك اكثر لانو من التحريض
اتهلاي في راجلك و احترمي عجوزتك انا بانتلي مشي حقودة و انما طبايعها هكدا يا اختي كامل الناس كيما انت متعامليهمش كيما انت
لي لازمك تبدلي جهد كبير معاه هو راجلك مديريش حاجات باش ترضي الجميع و ضيعيه لانو الراجل يفهمك النهار الاول و التاني يقول راهي تعاونهم
من بعد يولي يشوف بلي انت مقصرة و يبقى متأثر بمواليه و كانو التأثير ديالك مكاش
اطلبي حقك بكل انوثة على شكل اقتراح لا بكاء ولا حساسية
اما عجوزتك ادا ميعجبهاش طيابك ادخلي معاها للكوزينة وعاونيها ولا قوليلها علميني كيفاش ديري هدي الماكلة العجوزة تحب تكون المعلمة تاع الطبخ و تفرح اكيد جربي صح ادا متحبتش كي طيبي اجبدي يدك
ربي يقدرك يا اختي

زبدة ذايبة · 2016-02-20, 19:35

ماراكيش وحدك

ماكاش إمرأة جزائرية ماجوزتش مع ناس دارها

واحد مايكذب عليك

وبالشوية تصلحت اللأمور

لكن نعتب عليك في حاجة

كاين حاجات ماتسكتيش فيهم دافعي على نفسك

خاصة الإهانة ماتتقبليهاش نهائيا

إذا عفسوك برجليهم راكي رايحة تبقاي حياتك كامل على هذا النحو

ومهما بذلتي من جهد باش تبدلي صورتك في وسط العائلة ماتقدريش

وياريت يتوقف الأمر عندك برك رايح يمتد حتى لولادك اللي ماراحش يكون عندهم قيمة

نقولو في علم النفس أن الإنسان لايهان إلا بإذنه

يعني ماكاين حتى واحد يقدر يهنيك لوكان ماتعطيهش ok صافي عاودي راجعي تصرفاتك

أخدمي معاهم الشغل وعاونيهم وديري واجبك معاهم

لكن في حدود كلشيء بالمعروف

قنعيهم بلي راكي إنسانة صالحة وماشي جايحة يبيعو ويشرو فيك وانت لاخبر لادراية

ماتخليهمش يتعداو عليك في شخصك وفي نفسك

حافظي على كرامتك

وحافظي على نفسك

وحافظي على بيتك

وبعد هذا مايهمك حتى واحد تكون لعجوزة أو غيرها حقود أو بأي صفة سيئة كانت

الياس14 · 2016-02-20, 20:48

الله يصلح الأحوال