محاورة وردة

بوبكر بن علي · 2016-02-15, 13:13

البارح قابلت عــــــــــــيني وردة*** تتلطم ملريح تشــالي بمـــــيـــــول
صافع خدودها يهب بشـــــــــدة*** تنثر ورقها قسمو ع الطــــــــــــــول
قلتلها جيتك سايل يـــــــــاوردة*** كانش في لغزك نلقى حلــــــــــــول
راه قلبي من كيدكم صــــــــــدا *** وعدت شــــقل العبد المثــمـــــــــول
تنكرو الحب وتنساو المــــــــودة***تخــــــــــلو القلب عاثر مختـــــــــول
تبخلو بريحانكم عنا جــــــــحدة***وليطلب ريحكم تسموه مهــــــــــــبول
قوليلي وعلاه ورقـــــــــــــك ندا *** وعلاه جسدك في حالو مبـــــــلول
غير البارح ناصـــــــعة في جدة***واليوم ورقك ناكــــــــس مذبــــــــول
اه ياورد مافي كمــــــــش هدة *** عييتو قلوب وقداهن مذلــــــــــــــول
قالتلي ناكنت في شاو المبدا***في طفحة عايشة ايامي بلاهـــــــــــول
حتجاني فيسابق ايام معــدة*** صاحبني تراس وطـــــــنو مجهـــــــــول
ياتيني زاير دايرلي عـــــــــهدة*** يتلطف بكلامو يحسن في الـــــــقول
حسبتو مولا خير ومـــــــــــودة*** اعطيتو عطري ويــــــداه مجمـــــــول
كلصباح شانق ريحاني بشدة*** وفيلمسا يلطم عـــضدي برجـــــــــــول
ضنيتو حرطاني عنورقي يتعدا*** ماهوشي نيفي ولاتراس قبــــــــــول
في لمهانة خلالي عضادي تـردا *** زنجرت عروقي صــدات ع الطــــول
مارحمش عطشي في بر الكودة*** ماقالش ذي ولفــــــي عزة ومــــثول
ونسقي عروق صافية البـــــــلدة *** خيرها سابق علامدار الحـــــــــول
عشرت في ترعتها وضالي مدة*** وكانت ونيستي في محــــنة معـلول
ملي كان هالك ضايق في لشدة *** مانخس ولايوم بجواري يــــــجـــول
واليوم كي تعافى من ذاك الــــدا *** ولايتنكر يعقب قدامي مشـــــغول
الاسالوه عني يتبدا يامــــــــــردا*** معدن هذالوقت في سع يــــــحول
بعثت تولو خطار بلعــــــــــــــــدة *** ياضيمي عييت قداهن مرســـــول
الـــــــبارح فاض وادي لســـــندة*** ومسخ جيراني ماترك ســــــــبول
وبقيت علاذي الحالة في وحدة***نبكي لاصحة ماطقت لحمــــــــــــــول
حت عيني عادت بكايا رمــــدة *** في حالها متحير باقي مذهـــــــول
حينعرفت همومها قلبي هـــدا*** ومن هم الناس ياك هــمك يـــــــــزول
الله يهدي من جار عليها تعــدا*** لوقرضي نقطعو بســــيف المــــسلول
ولي جرح برعمها يجرح لابـــدا***ويعزل من خلاها في البر المــــعزول
وجميل السماح يازينة الثمدة*** ربي يزين احوالنا بجاه الرســــــــــول
وبجاه جميع اصحابو الســادة*** وبجاه كل الانبيا وبجاه المنـــــــزول

نوفمبر 2014

بقلمي(زفزافي الحاج)

فاطمة شلف · 2016-02-15, 13:53

السلام عليكم ورحمة الله وبركاته
الله يبارك ويزد
ان شاء الله مستقبل زاهر معطر بريحان الورود
حروفك لحن منشود
ووصولك اكيد الى ابعد الحدود
الله الله عليك اخي بوبكر
اني سعيدة باول مشاركة
موفق ان شاء الله

بوبكر بن علي · 2016-02-15, 15:23

الله يدوم فرحك اختي....شكرا على مرورك الكريم ياشاعرة
تحياتي

medcherif03 · 2016-02-15, 20:51

يا مضنوني محبتك جاتني كودة***********في عشق وردتك ما عندي مانقول
احليلك مهموم في حالة سودة***********نطلب ربي يصبرك الاعندي لقبول
امهول وادك راه فاق اتعدى***********و سحذر يا بوبكر لا يديك الحامول
ان شاءالله اطوعلك هاذ الوردة*********** ما تعيا فرحان بيها وسط اطبول

قصيدتك فاقت الروعة و أثرت فيا كثيرا بارك الله فيك في الاتقان و الوصف و الاختيار الجميل للكلمات... داوم

فاطمة شلف · 2016-02-16, 08:52

قصيدتك راهي روعة
وزادة روعتها كلام ابوبكر المعسول
راه سحرني وفي كلاموا نكهة
طيبة داوي من كان معلول
ياربي تحفظ هذا الولد ليوم وبكرة
وجعل اياموا ضواية شمعة نهار وليل
هذا الكلام موفق فالقول
يقوي ممثالك يصونك ربي المولى
تحية وتقدير يااخي بوبكر

بوبكر بن علي · 2016-02-16, 11:47

يامحمد مول المحبة حالو يردا.....ويشتت خاطرو من فيض علول
مفاجي ظوهار مافيها جحدة......لعل يصحا ويطفى مشعول

بارك الله فيك اخي...مرورك يسعدني

بوبكر بن علي · 2016-02-16, 11:55

بنت الشلف جا وادها مسكلف.....وهاجت باشعار وزين قوافـــــي
غامر بيها بري عشـــــا يلقف.......اخضارت منو معاذر واعطافي
يافاطمة راه اليوم القــلب رف.....وكلامك حنين هز قع اعرافـــي
وادك قجوال بمياهو ماينشف....يازينة الاوصاف والقد الوافــــي

بارك الله فيك على الكلمات الجميلة ياشاعرة....تحياتي اختي...