الزواج

[مشكلتي]

السلام عليكم
مشكلتي هي اريد ان اعرف رايكم خاصة المتزوجين حديثا.
انا شاب 25 سنة انتهيت من الخدعة الوطنية واعمل حاليا في العقود ماقبل التشغيل وايضا اتاجر احيانا وعندي سيارة عادية واسكن مع اهلي في منزل كبير.
مشكلتي هي انني اريد الزواج لكن الذي يعرقلني انني لست عامل مرسم وليس لدي منزل خاص .
حسب راي المجرب هل يمكنني الزواج الان او سيكون هذا تسرع مني؟؟؟

[عائشة قدوتي]

و عليكم السلام و رحمة الله
نعم تستطيع بمأنك أنهيت الخدمة فقط كن جاد بعملك في التجارة و استخدم سيارتك في كسب المال ..و كن واضح بشأن وضعك مع من ستتقدم لها
توكل على الله و تزوج و أنجب أولادك صغيرا أفضل و كون نفسك أنت و زوجتك معا بالقليل و كافحا معا لتحسين أوضاعكما مع الوقت..هناك من أوضاعه أسوأ منك و تزوج و فتح الله عليه لأن الزواج من أبواب الرزق و النبي صل الله عليه و سلم يقول.." ثلاثة حق على الله عونهم: المجاهد في سبيل الله، والمكاتب الذي يريد الأداء، والناكح الذي يريد العفاف." حسنه الألباني رحمه الله
بالتوفيق لك

[سجل أنا جزائري]

تقدر خويا لكن أعرف فقط المرأة اللي تتزوجها

شوف بنت فامليا اللي ما تشرطش و اللي حابة تكون عائلة و مش اللي دايرة ان الزواج مشروع تع ربح لأنو كاين اللي تصبر معك حتى تكون عايش مع عائلتك تعرف كيفاه تتعايش كمعهم حتى يفرج عليك ربي و كاين من أول مشكلة

ما تنساش الحديث" ثلاثة حق على الله عونهم: المجاهد في سبيل الله، والمكاتب الذي يريد الأداء، والناكح الذي يريد العفاف." يعني بإدن الله ربي راح يعونك و يفتح عليك ربما أحسن من اللي كنت أعزب

[sadako]

ساهل اتكل على ربي ومتخممش مدامك خدام ربي يرزقك

[elhosseyn3483]

allah yssahalak
biensur tzawaj
mhm 3raf tkhayar
lazim bint famillya

[ManouraHilwa]

زوجي لم يكن مرسما في عمله عند زواجنا والان بعد 11 سنة زواج لديه بيت صغير اباغتومون وسيارة صغيرة واطار في عمله الحمد لله وما شاء الله اقدم الله معك

[samy algerien]

خاصة في وقتنا هذا تزوج افضل لك.

[ابو ارسلان]

توكل على الله و لا تنظر الى الوراء..ربي يوفقك لحسن الاختيار

[AMINA.Z]

توكل على الله
المهم تكون على قد المسؤولية و تعرف واش هو الزواج اصلا
و تحترم زوجتك و تحافظ على كرامتها و تصونها
الباقي ربي اكيد راح ييسرلك فيه
بالتوفيق

[RB59711]

مادام مكمل الخدمة الوطنية ماتستناش المرأة راهي تجي برزقها توكل على ربي .

[أمل94]

اخي نعم اختر لك زوجة وتوكل علا الله وكما قال الاخ المراة تجي برزقها .علاه لي راهم متزوجين كامل عندهم عمل مستقر ومنزل؟ عجل اخي ولا تسمع لمن يعرقل لك مشروعك لانك تسير في طريق الحلال

[ملاك ملاكي]

اخي توكل على ربي سبحانه وانما الاعمال بالنيات كونك حبيت تستقر من حقك
نصيييييحة فقط خاولي انك تختاري المرأة المناسبة لك من جميييييع النواحي
والله العلي اعظيم وربي شاهد انا امرأة مخطوبة وعرسي قريب ان شاء الله زوجي كذلك في عقود مابعد الارماج وانا كذلك وعنده لاكارت جون الحمد لله ومثلك راه عنده نشاط والحمد للله والسكن مع عايلته مي بطابق وحدنا والحمد للله
هو تاني كان بحالك ماحبش يستثر حتى بكون نفسه من جمييييع علنواحي حتي يرير بيت مستقل ويحكم خدمة مستقرة ولكن الحمد للله كي ناقشني قتله خلي نسهلوا والارزاق على ربي سبحانه يكفي اننا نوينا الحلال والحلال والله ربي يسهل فيه من عنده
انا امرأة ونوجد في اموري ياسبحان الله حوايج درتهم كيفاااااه الله اعلم وهذا بفضل تسهيل الله
وانا وياه مشتركين نساهموا مع بعض والحمد للله وهم من هذا مقتنعين ونساعروا بعض معنويا صدقني هذا اهم شئ
والحمد للله كملنا السكن وعمرناه وخلاص حدرنا يوم العرس ان شاء الله وهذا كله بفضل الله وبفضل النية والقناعة لي فبنا والله واحنا فرحانيييييين والحمد للله
اخي سهلها تيهال ان شاء الله
مي نصيحتي ليك خليك صريييييييح مع المرأة لي يكتبهالك ربي وكي نقولوا احنا اعطبها من الاخيييير قال يا بنة الناس هاااو واش عندي هاو واش قادر عليه هي عايلتي .......باه تكون البداية سهلة وصدقني الرزق على ربي وراني يردتلك نشواري والحمد للله العقوبة ليك ان شاء الله ربي يطيحك في بنت علحلاااال لي تفهمك وتسعدك وتحترمك وتصونك وربي سبحانه راه يرزقك من اين لا تدري
بالتوفيييييق واعتذر على طول الرسالة
ربي يسهل لك وبتمم اك على خييييير وبالهناء ان شاء الله

[صفيان 11]

يا خو توكل عل الله نيتك راي في الحلال ربي يبارك واحد في العمر تاعك يخمم كيفاش يزها ز انت الله يبارك راك حيب تستبيت و تعف روحك ربي يبارك يا خو اتوكل عل الله و شوف واحدة تخاف ربي و بنت عائلة هي لي تصونك و كيما قال حبيبنا المراة جيب الرزق معها

[أمة الله 12]

يا اخي باه تتزوج لازم بكون عندك دخل دائم معقول، لا قدر الله صرات مشاكل بعد الزواج ماتكونش الامور المادية عائق.
لانو ماكانش كي السكن المستقل بعد الزواج، ما تقدرش تعرف اذا زوجتك راح دير اهلك كيما اهلها و لا، و الا اهلك راح يديرو زوجتك كيما بنتهم و لا لا.
نصيحة اصبر حتى تستقر امورك اكثر

[imene ter]

اتزوج اخي واش تستنى اكثر ؟
اذا كنت ناوي الحلال وتبحث عن الاستقرار فتزوج
و اختر وحدة قنوعة لان بنات العصر يتشرطو بالزاف