كل مرة يجيني بفكرة

[مشكلتي]

السلام عليكم باختصار شديد تطبت و انا خدمتي بمرتب مليح لكن انا اكبر منو بعامين تجاوزنا العقبة هاذي و بعد استخارة تيسرت الأمور حمدا لله قبلت بوضعو المادي القليل و ما شرطنا عليه والو كلشي قلنالو واش تقدر المفاجأة نهار الخطبة قدملي أشياء رائعة و مفاجئة مذهلة للجميع و جابلي احسن من أي واحدة تشرطت و قاها حرفيا راح نفرحك و خلى حتى عايلتي مذهولة لانو تصورناها فعلا على قد حالو
المهم المشكل حاليا متذبذب مرة يقلق دون سبب و يقلي تضغطت مرة يقلي ماديا مانيش لاحق و كي نقلو ما تجيبلي والو يقلي حاجتي خاطيك .. الامس جاني باقتراح صاحبو اقترح عليه يروح يخدم في الصحراء كنترا خلاصهم افضل رفضت انا و قالي حتى هو رفض ؟؟؟؟
احساسي انو مضطرب او يجرب فيا الله اعلم لكن خفت يكون حتى اختياروا ليا تحت لحظة ضعف ز يجي نهار يندم إحساس خلاني نبكي و ماعلاباليش واش ندير هو انسان كتوم جدا لكن ؟؟؟؟؟؟؟؟؟؟؟؟؟؟؟؟؟؟؟؟ واش رايكم ؟؟؟؟؟؟؟؟

[AMINA.Z]

اعتقد ان هذا مجرد ضغط تحضيرات الزواج
و اذا جاه عرض يخدم في الصحرا ...علاه ترفضي !!! هو ادرى بظروفو المادية و اذا هاذ العمل راح يريحو و ينحي عليه هاذ الضغط . علاه ما توقفيش معاه !!!!
المهم ..ماكالاه تتوسوسي و تقولي ماهوش حابني و ما نعرف واش
كون ماكانش حابك ما يتقدملكش و ما يديرش المستحيل باه يفرحك
استغفري ربي و انعلي الشيطان و كوني سند لزوجك
ربي يهنيكم

[amine009]

اودي قاع يسرا كيما هكا انا خالي رانا خاطبينله هادي 5 سنين و هاد العام ان شاء الله العرس ولا كل يوم يبدل الرائ > مرا يقول مارس مرا افريل مرا سبتمبر >> مرا يقولك مزال ملحقتش دراهم مرا يقولك نكري مرا نسكن معا جداتي منيش لاحق ! >>> هدي امور مادية و الواحد كي يشوف لي قبله و بدراهمهم و حاصلين حتى هوا يخاف يتمرمد ... انا واحد كل مرا مرا يجيك واحد لاحق فالشهرية و كلش يقولك سلفلي من دراهم الحانوت حتى لتالي الشهر و انا تاني كي نشوف هكا نخاف نولي من واحد الواحد ..مرات قاع نقول ليما خطبيلي نتزوج صغير و ممبعد نرجع فالقرار و نخاف نغبن المرا معايا >>>>>> و هدا انسان يحبك و انسان راجل ميحبش يغبنك حابك نهار تجي تجيه بالشان و كلش واجد

[نورسين.داية]

و هل تستهينين العمل في الولايات الجنوبية ؟؟؟؟؟؟؟؟؟؟؟؟؟؟؟؟؟؟ من جزائرنا الحبيبة

حنونة دلك الجنوب هو البقرة الحلوب لجزائرنا الحبيبة ....إسألي أل حاسي مسعود و حاسي الرمل شحال جيبو في النهار ؟؟؟؟؟


أجر إداري برك خير من إداري في العاصمة هههههههههه و الله صح نحكي بجدية
وزيد جي للجنوب يتزوج زواج جماعي ياعني فعليا ما يخسر فيه والو ..........................

و في الأخير أنتي رفضتي هههههههههههه و الله ضحكتيني متى كان الرجل في شؤون العمل يستشير خطيبته ؟؟؟ جديدة هادي

خليه خليه حداك ...............................هههه
عموما وفقكي الله عزيزي

[dyna asma]

خليه يروح يجرب حظو بلاك تصلحلو في الصحراء

[ManouraHilwa]

اللهم اصلح الاحوال

[nour88]

مجرد ضغط و الباقي وساوس من الشيطان الله ينعلو

[mrmilano1984]

يا اصبري واش بيك الزواج حلو بزاف يسقم الراس والعقل للراجل والمراة استقرار كبير رغم مشاكل مهم سترة كبيرة وهو يولي شبعان ومتهني ونتي ايضا خله بشوية عليه راكي مليحة كي راح تتزوجي بنات 50 سنة ماتزوجوش عايشين في معاناة داخلية شديدة من فراغ وصمت وعيشة ضنكة دون رجل واولاد ودفء عائلي

[زبدة ذايبة]

راني نشوف فيك انت اللي مدبدبة ماشي هو

هو إذا فكر في الصحراء لأنه يريد أن يسعدك

ماشاء الله رب يكملكم

وش حبيتي قالك مارانيش قادر

وكانو أهلك ناس ملاح وعذروه

وطلع راجل بأتم معنى الكلمة ودار واجبو معاك وماحشمكش في وسط أهلك

وقالك مارانيش قادر وقلتيلوو مادير والو

وطلع راجل وقالك هذا الشي خاطيك

دبر عليه صاحبو باش يروح للصحراء على جال المال وكي عطيتيلو رايك قالك رأيك صحيح وافقك على الفكرة

ومن بعد انت

وقيل ماشي مقتنع بيا ....... وقيل راه غير جاتو الفكرة هكاك برك ......؟؟؟؟؟؟؟؟؟؟؟؟؟

واشنو هذا يابنتي حابة تخربيها وتقعدي على تلتها وتقولي ياندامتي وش درت

فكري للقدام وخليك من الأفكار اللي تخربلك حياتك

اقطعي دابرها من الآن

إذا خليتي هذا الباب مفتوح راح يخربلك حياتك

ماتبقايش تدي وتجيبي بلا فايدة

دبدبي روحك ودبدبي راجلك معاك

راكي مقبلة على زواج خلاص

شمري على سواعدك وابني بيتك مع زوجك

واخطيك من وساوس الشيطان اللي راه يتلاعب بيك ويقولك بلي راجلك مدبدب

التوتر تاعو والقلق عاديين جدا

راه مقبل على تكاليف العرس وهذا ماشي ساهل

أعذري زوجك وكوني ليه متفهمة وكوني ليه الصدر الحنون اللي يرتاح ويبكي عندو كي تضيق عليه الدنيا

ماتكونيش إمرأة تثير المشكال والشكوك

رب يهنيك ويسعدك صراحة حسيت زوجك عملة نادرة في الرجال -رب يحفظهولك-

[blanche rose]

شوفي يا عروستنا
فرق السن وووووو..ماكيش الاولى ولا الأخيرة هذي الحاجة الاولى..

الحاجة الثانية بخصوص التردد
أغلب الرجال ..بعد ما يخطبو..رجل لقدام ورجل اللورا..
وكل ما طولت الخطبة ..كل ما زاد التردد..

وحتى بعد الزواج
كاين اللي بعد أول شهر يبان الهم تاع الدنيا كامل طاح على راسو
علابالك علاه؟؟

ماشي لأنو فيك ديفو أو ما شابه..
لأنو كان عصفور طليق ودخل للقفص برجليه..وتلقايه يقول في قلبو .. "واش درت في عمري هههههههه ".
خصووووصا اللي ما عندوش حس المسؤولية

وأنت اللي عليك أنو تنحيلو احساس التردد بذكااااااءك
بحيث تحسسيه باهتمامك ورعايتك وحرصك وكذا

يعني مرحلة وتفوووووت
سطاج يعني

ربي يسعدك حبيبتي

[وَحْـــ القلَمْ ـــيُ]

اريد ان افهم رجاء انت دائما تاتين بمواضيع متناقضة من نفس النوع
فهل انت مشرفة تقوم بطرح مواضيع الاعضاء؟

[blanche rose]

المشاركة الأصلية كتبت بواسطة MOFIDA13

اريد ان افهم رجاء انت دائما تاتين بمواضيع متناقضة من نفس النوع
فهل انت مشرفة تقوم بطرح مواضيع الاعضاء؟

اختي ادخلي لهذا الرابط وسوف تفهمين
https://www.djelfa.info/vb/showthread.php?t=1726293