مشكلة وفضفضة

[مشكلتي]

كنت يوما اظن ان الزواج شيء ايجابي
لكن بعد دراسة وسماع حكايات وجدته اول مرضض خطير فلعالم
وخاصة فلاااونة الاخيرة
كان متعلق قلبي بوحد الانسان بدون اي علاقة ولاحرام ولكن هو لي بدا كانحاب يكلمني ايا جبدت روحي لاني استنتجت انو ولاد الحرام يجو متاقه وولاد الحلال والفاميليا يقصدوك ملباب
جبدت روحي وخليتو فحالو ايا بعدهاوشدار تزوج
عرفت بلي الدنيا راهي تمشي بلمقلوب
لي يشد في مبادءو يعتبر معقد وميحبوهش الناس
المهم تزوج هزا المخلوق ودار ودار وملقاش روحو وحدث عدم توافق بين زوجتو وتطلقو
رجع بحوس عليا
كرهتو الصح تاع ربي وطردتو بصح تمسك بيا
وبكى قدامي وبرهنلي بلي كان غالط في قرارو
قتلو عمري منسامحك بصح نبقى نشفق عليك برك
حاول بكل الطرق يثبتلي بانو يحوس عليا بصح انا مبغيتش جيني بطرق ملتوية
ومع مرور الوقت اكتشفت بلي فيه عيوب لاتحصى
يكلم البنات
ومالانترنات مايخرجش
ومضحك وللعب والقصرة ومضيع صلاتو
وزاهي ولاهي وزهواني
ايا قبل ان يتقدم لي رسميا وقبل ان يسقط الفاس فراسي تفطنت للامر واستيقظت
وقلت ربي ماينحيلك حاجة الا فيها مضرة
وحمدت ربي لانو ماتسرعتش
المهم قلبي تعمر للدرجة بدا يوجعني بزاف وعقلي موليتش نلقاه فراسي
انسان معوج عمرو ولا يسقم
مهوش تاع زواج
منها بطلت وفهمت بلي زواجمش محتم وكاين بزاف يبكو ويشكو ملعنوسة
العكس تماما العنوسة جنة ورحمة ولي يرضة بمكتوبو ربي يرضيه ويوسعها عليها
هزا الانسان عبرتله بلي منيش باغيا نكمل معاه وخليتو فحالو من مدة طويلة ونسيتو
بصح هو مزالو يحاول فيا وانا مش معمرا راسي بيه
والله معلابالي بيه قتلو تزوج ربي يسهللك

منيش عارف وش صرالو
راه شاد فيا كالخيط تاع تريسيتي
وانا علابالي كون نقبل كيشغل حفرت للروحي قبري بيدي
وزيد تاني عايلته مشي مليحة وتحب الام والاخوات يسيطرو ويحكمو فولدهم
وانا قلبي يكفيه وش فيه
والله غير تعمر
كرهت مظلم وكرهت ملعباد لي راها حالتها متبدله وقاعده تعس غير ففلان شاعندو وشا شرا وشالبس ووين راح
قولولي راني مهنية في دارنا علاه نزيد ندمر حياتي بيدي
وفي دارنا معندو ماخصني والله متخصني حاجة ومستقبلي مضمن
علاه نزيد للعمري عضال قبل مايجيني
هزا وش حبيت نحكي ونفرغ ونفضفض
اليكم الخط
كرهت العباد تبدلت وراها تزيد مالسيء للاسوء
للدرجة اني وليت كيما اصحاب الكهف منسمع بحد منشوف حد
الهربة تسلك
ياحفيظ يالطيف العباد جهلت وهبلت

[نور لاتراه]

السلام عليكم
"مرض خطير في العالم" من اين لكِ هذه النظرية
بالعكس شرعه الله لحفظ النفس وليعف به عباده,ليس عبثا إنما هي حكمته سبحانه
لا قدر الله من يضمن لك وضعك
إقرئي عن الجانب الايجابي ,بمنظروك هذا فان كل بيت في غم وهم ونكد وحروب
كلا
اما تلك الحالات فهي ليست لعدم التوافق في الاساس بل لعدم التحمل ,فاحد الطرفين لايريد ان يضحي والاخر لايريد الاستمرار
الكلام الذي لم تقوليه مباشرة هل انت مجبرة على قبوله بالذات؟
هذا امر يخصك
وانت ادرى الناس به
فاستخيري واستشري

[toulay]

سلام عليكم
اختي الزواج مشي كل شيء فالدنيا هاذي والحمد الله عندك داركم وراك عايشة فيها كيما la princesse حاجة ماتخصك
ومشي اي واحد تقبل بيه وطيش روحك
خمم فالمستقبل وخمم لبعيد
وربي سبحانه وتعالى يشوف الخير للعبد تاعو مالا دير ثقة في ربي وراح يرزقك الزوج الصالح ان شاء الله
بالتوفيق

[إسلام الفاروق]

جاك انسان واحد حكمت بلي عنوسة جنة ورحمة الله يهديك ؟
سلام

[AMINA.Z]

قلبك جرح من طرف انسان لا يمت للرجولة بصلة
و يبدو ان الالم دفعك للقول بانك ترغبين بالبقاء وحيدة
مشكلتك دواؤها الوقت ....فمع الوقت ستنسين هذا الانسان و سايرزقك الله بمن يغير نظرتك للزواج ...المهم لا تتسرعي و واصلي حياتك بشكل طبيعي و دعك من هذه الوساوس

[Golden Princess]

لا تتسرعي فمازال الوقت امامك في الاخير تبقى مكاتيب

ربي يزرقك بولد الحلال ان شاء الله

[ابو ارسلان]

الحقيقة ان ناس هذا الزمان صار تفكيرهم دنيوي بحت .. بحيث لو لم يتحقق له مطلب من مطالبه اما يفقد عقله او ربما ينتحر!!
حرام يا ناس ما وصلنا اليه.. جعلنا الوسيلة غاية.. الاكل و الشرب و الزواج و التعلم و العمل كلها مجرد وسائل لتحقيق غاية واحدة هي عبادة رب العالمين.
لكن للاسف بعض الناس يظن انه ان لم يعمل فقد انتهى و ان لم يتزوج خلات عليه!
لا كما قلت يا اختنا هناك ناس متزوجون و هم في المشاكل و هناك من يعمل في منصب عظيم و هو في العذاب يتالم
خلاصة القول: ان سر السعادة هو الرضا بالقسمة و شكر الله عليها مهما كانت و الاتفاف الى الغاية الحقيقية التي من اجلها خلقنا و هي توحيد الله عز وجل و عبادته.. و من يشكك في كلامي فليجرب و سوف تصبح كل مشاكله مجرد ذباب يحط ثم يطير.