مذا افعل

[مشكلتي]

السلام عليكم
انا شاب عمري فاق 33 سنة و متخرج من الجامعة منذ 2008 اعاني من مرض الربو و استعمل البخاخة
شاركت في عدة مسابقات توظيف منذ 2009 وانا اشارك و دائما النتيجة سلبية
فقدت صبري خاصة في المسابقة الماضية للمقتصدين عندما تم الاعلان عن النتائج وجدت في القائئمة ( 4 بنات) يسكنون بقربي واحدة فيهم من مواليد 1993 تخرجت العام الماضي فقط و3 الاخريات اصغر مني ايضا بكثير و هذا لان المسابقة كانت على اساس الاختبار و ليس الاقدمية ( اللهم لا حسد)
الان تم فتح مسابقة جديدة وهي للامن الشبهين و الملف يضم شهادة طبية من مختص امراض الصدرية و العامة
انا في معضم الاحوال امون سليمة الا احيانا و في الليل اصاب بضيقة في التنفس
اريد ان استخرج هاته الشهادة و اعلم ان الطبيب لن يكتشف الامر
انصحوني مذا افعل و خاصة ان اعلان التوظيف هذتا فيه مناصب عديدة
فقدت الامل في التوظيف عبر المسابقات الاخرى التي يطلبون فيها 4 مناصب او اقل
فيانتظار نصيحتكم

[toulay]

وعليكم السلام ورحمة الله تعالى وبركاته
اولا ربي يجعلك الشفاء ان شاء الله
انا حابة نفهم برك علاش النساء فيها فيها تجبدوهم باي طريقة اخي باركلهم وخلاص وربي ينوب عليك كيما رزقهم وهاذي هي
اخي تساعفني تحب تبدا خدمة ابداها على الصح ونظن فهمتي قصدي
ربي يفرج عليك ان شاء الله
بالتوفيق

[محارب الحمق]

الله المستعان, فتحوا العشرات من مناصب العمل في ادارة جامعة سكيكدة في مختلف التخصصات على اساس الشهادة ما يقارب 90 بالمئة من الناجحين نساء, هذا البلد يتجه الى الهاوية, ربي يستر برك. المهم اخي على حسب ما فهمته, انت تريد "تزوير الشهادة", التزوير حكمه معلوم شرعا اذهب الى امام حيك (ان كان ثقة) واستفته وقص عليه حالك لعل هنالك ما يخفى علينا في موضوعك.

[زبدة ذايبة]

يا أخي ماننصحكش تروح لقطاع الأمن وانت مريض

شهادة مزورة أو غير مزورة الطبيب اللي رايح يخدملك الشهادة الطبية راك رايح تديه للهاوية

ماعندك الحل سوى الصبر والدعاء

وابحث عن العمل الرزق على رب العالمين

هذه كلها ابتلاءات وامتحانات من الله لعباده

وكل أمرك لله واطلب الرزق بالحلال تريح انت ويريحو الناس اللي تخدم عليهم

الحلال يا أخي الحلال. ماتعرفش الخير وين

ويبقى الخير فيما اختار الله

لو يكون رزقك في صخرة رب العاملين يفرجها على جالك وتاخذ رزقك

إذن

تقوى الله يا أخي وطلب الحلال أهم شيء

نتمنالك كل التوفيق

[first first]

ربي يفرج عليك

فوق ايدي الجميع يد الله سبحانه وتعالى ............ربي يرزقك من فضله وكما رزق الاخرين يرزقك فثق بالله وتفاءل.

من المفروض حتى اقدمية الشهادة تاخد بعين الاعتبار............ولكن نحن في الجزائر؟


صح كاين لي ينجحو المسابقات ويتوضفو بنزاهة ربي يباركلهم نساء او رجال ................لكن التوضيف راهو بالمعريفةغالبا ..............يتخرجو في جوان يتوضفو في سبتمبر واصحاب الشهادات القديمة كل عام يجيب خوه..........عام في الانتضار ............. وعام قلق ........وعام نرفزة .....وعام كابة .........وعام قنوط .........وعام استسلام..................والله المستعان (هذا هو الواقع لي قاعدة نشوف فيه ).............لكن الفرج ات بادن الله.

ونشكو كامل من المعريفة لانها تهدم الكثير...................وفي الحقيقة نبحث عليها ليل نهار ؟؟؟او على الاقل لي يلقاها مايقولش عليها لالا؟؟؟

[RAHETBAL45]

رزقك محفوظ عند الله عز و جل فما عليك اخى الا الصبر و الدعاء ان يفرج همك و يزيح غمك ان شاء الله

[sinou19]

وعليكم السلام

طهور ان شاء الله


بالنسبة للعمل

اتكل على ربي وحط دوسي في اعوان الامن الشبيهين نعرف جماعة يخدمو حالتهم كثر منك

اتكل على ربي وجامي تقنط من رحمة ربي

ماتهابش من مرضك وين تسمح الفرصة طيش دوسي وخليها على ربي

ربي يفرج عليك خويا لعزيز

[الرميصاءْ]

ربي يشافيك ويرزقك العمل عاجلا غير اجلا

[11mohamed17]

كل ما عليك فعله هو قيام الليل و سال سؤلك تعطه باذن الله
فصدقني يا اخي ان فيه خيرا كثيرا نحن المسلمون غافلون عليه

و انصحك ايضا بكثرة الاستغفار سيرزقك الله من حيث لا تحتسب