تــائه جداَ

[مشكلتي]

السلام عليكم ورحمة الله
بسم الله الرحمان الرحيم والصلاة والسلام على اشرف المرسلين
يقولون : اليأس كفر ادا ماحل صدر فتى
----
عشقتني الهموم وارتبط بي عدم التوفيق فلم يفارقانني حتى اركعاني ارضا
ندخل في المفيد
دوك انا طالب جامعي في عمري 21 ونص
شخص اجتماعي جدا ومحبوب اسكن بحي شعبي
مشكلتي بدات كي دخلت للجامعة لاول مرة دخلت بروح عالية و تفائل كلش انتيك
فترة قصيرة بعد بداية الدراسة بدأ يتملكني اليأس والملل قلت حالة عاادية كيما قع الناس بصح الحالة بدات تزيد ومخي بدا يتجمد ويبلوكي ويدا يحكمني شرود دهني كاني في عالم آخر مكتئب مهموم نحكم البولي كوب ساعة وانا نشوف فيه ويشوف فيا والو مافهمت فيها سماطتلي قاع لقرااااية كرهت جد باباها قع ففشلت ولم اكمل
العام لي موراه دخلت بروح جديدة وعزيمة وفي تخصص آخر طب اسنان بديت شوية نفس السيناريو يتعااااااود بأدق تفاااصيله كيف كيف فشلت ولم اكمل
هاد العام جددت النية ودخلت بعزم واصرار وغيرت المدينة قلت بالاك نقرا وحولت ايضا التخصص هاد المرة درت طب وقلت هادي يافيها ياماقيهاش
كيما كان الحال شهر شهرين ويتعاود الفيييلم بنفس التفاصيل
علما اني كنت من المتفوقين في الباك وتم تكريمي من بين الاوائل
مافهمتش واش نديييييير نكمل لقراية نحبس ولا واش ندير نتاجي تزوجو و راهم يخدمو وانا قاعد هكذا
انا جد متعب من التفكير ماني فاهم في جدها والو وين راهي ماشية ووين راني رايح ولا واش راح ندير ا
انا ضاائع
سلام

[toulay]

سلام عليكم
يا اخي نقولك حاجة اذا مشي قادر على الطب غير اخطيك راهي 7 سنوات قراية ويلزم تركيز وفهم وانت في شهرين كرهتي كل شيء
الطب يلزمها الصبر
اخي علاش مديرش pétrochimie راهي مليحة وممكن جدا تتبدل النظرة تاعك
درك هي لازم عليك تنحي التشاؤم هذا و en plus علاش تكره 21 سنة راك jeune خلاص وتاني ربي يعيشك خلينا من la comparaison هاذي تاع نتاجي نتاجي ربي يسهل عليهم انت اقرا ومبعد يفرجها ربي ان شاء الله
بالتوفيق

[yassefe]

وعليكم السلام
قصتك تشبه قصتي من الياس والملل والاكتئاب اقول لك ان مشكلتك انك ليس لديك هدف في الحياة
ياخي ضع هدف لحياتك سيزداد طموحك ولي فات مات مزالك صغيير
حافض علي صلاتك واليك طريقة ساعدتني وهي قراءة كتب التنمية لابراهيم الفقي ستغير من تفكيرك

[AMINA.Z]

حيرتني يا الاخ ...لاه كل ما تحس روحك ماش قادر تبطل و تبدل !!!!!
ضيعت ثلاث سنوات ...بهاذي نورمالمو تفيق
اذا المجال الطبي....ماش عاجبك ...لاه ما بدلتش المجال و شفت حاجة تعجبك
يا اخي مادوملك غير قرايتك....الكسل و الخمول من الشيطان ....تعوذ بالله من الشيطان و توكل على ربي و زير روحك.
دراسة الطب ماش ساهلة ...و ماش تاع واحد غير يحس روحك مل يبطل .....هذا تخصص يحتاج انسان يحب المهنة و يحب ينجح فيها.
خمم مليح ...قبل ما ضيع و ضيع صغرك

[blanche rose]

أخي أعتقد أنها عين أصابتك
ما يجعلك تكره كل شيء وحتى النعم تراها نقم
ضف الى الاكتآب واليأس ..الخ

وكل انسان منا قد يصاب بها
خصوووصا المتفوقين. .

لذلك
حصن نفسك يوميا أخي
لا تنسى
اذكار الصباح والمساء
او على الاقل
قراءة الفاتحة مرة
الاخلاص والمعوذتين ثلاث مرات
آية الكرسي مرة
هذه نقطة مهممممممة فلا تهملها اخي
لأنك تحميييك..وتحصنك من اذى الناس ووسوسة الشيطان وووو


الصلاة..الصلاة..الصلاة..موعد لقائك مع الله عز وجل..لا داعي لوصف أهمية ذلك اللقاء..فالاكيد انك تعرف
أكثر من قول
حسبي الله ونعم الوكيل
لا حول ولا قوة الا بالله العلي العظيم
الحمد لله
الاستغفار
التسبيح
والذكر عموما
التقرب لله عز وجل والابتعاد عن السيئات والذنوب
فعل الخير ولو لحيوااان او اغرس شجرة
الدعاء
الصدقة ولو بلل خبز في الماء وحطوه للعصافير..
او وكل قطط ..
وانواع الصدقات وفعل الخير كثييييييرة..

وهناك رقية شرعية في الانترنت..اختار. منها ما ترتاح له.
..واشحنها في فلاش ديسك..واسمعها متى شئت..

ويمكنك رقية نفسك بنفسك أيضا

ثق أخي أن كل شيء بيد الله عز وجل.

جرب وثق أن الله لن يخيبك


انا شخصيا كي ما نطبقش هذه النقطة في يوم تلقى المشاكل يطيحو عليا من كل حدب وصوب وما نفهم فيها والو..

ربي يعينك

[محارب الحمق]

هاذا بينوار طاح عليك خويا كيما قالت الاخت قبلي, انا تاني كنت قراي وهباش وحد الوقت, بصح لسانات الناس هلكتني وضيعتلي عامين من عمري, لدرك ومازالو لاحقين وراي وهدرتهم مازالت تجيني, هافلان قاري هافلان انتيليجون هدير كيما فلان نسمي ولدي كيما فلان باش يخرج كيفو حتى خسروني في ربع سنين ماقدرت نقرا فيهم ماقدرت نخدم فيهم ربطوا جد يديا ورجليا ماقدرت نتحرك خلاص, حتى ولليت ندير فالرقية باش عادى بدات العقدة تتحل, بصح بعد ما هلكوني وجابوني مع الارض. المهم انت دير رقية وواضب عليها وشوف اذا راك تحب الطب دير الطب وما تبدلوش واذا راك تحب الصيدلة دير الصيدلة واذا راك تحب البتروكيميائيات او الاعلام الالي او الالكترونيك ديرها في مدرسة وطنية, ومازالك صغير, شكون هاذا اللي راهو يتزوج في 21؟ يتعدو على الصباع, مازالك قادر تعوض, بصح كون تقعد كيما هك راك تخسر كلش

[Nada Sweet]

أخي لازم عليك تقعد مع روحك شي ساعة ولا ساعتين وارفد ورقة وستيلو وفهم روحك واش راك حاب من هاذ الدنيا العمر قصيرة ما تضيعش وقتك في باطل ولا تقعد تشوف في فلان وعلان
نظن التخصص اللي راك فيه ما شاء الله وأي واحد يتمناه واهم شيء تربح فيه الأجر من عند ربي
مشكلتك ماكاش حاط أهداف في حياتك وعلى هاد الشي دايما تحس روحك عايش في فوضى
لازم تعرف الغاية من حياتك وهي الهدف الأسمى : طبعا رضا الله سبحانه
ومبعد سطر أهدافك : ولازم تكون قصيرة المدى ومحددة مثلا في حالتك أنك تطلع الاعم بالمعدل كذا..أو انك تغير الشعبة هاذ الشي يرجعلك شوف انت واش حاب
ومبعد لازم تتوكل على ربي وتثق فيه وتكون متأكد انك راك تنجح أصلا نح احتمال الفشل من راسك اللي ربحوا ماهم خير منك بوالوا
ودايمن كرر : انا ناجح ..انا واثق بقدرتي في النجاح..أنا سعيد..أنا منظم "لأن الاشياء اللي نأمنوا بيها تصبح حقيقة مثلا في حالتك من كثر ما أمنت انك فاشل وضايع اصبحت صح ضايع"
وبعد ما تحضر العامل النفسي مليح وطبعا العامل الروحاني...لأنو قد ما تبعد على ربي قد ما تضيع...حافظ على صلاتك ماكاش أهم منها ..أقرا كل يوم ولو صفحة قرآن "خير الاعمال ادومها وان قل" ..الأذكار كل صباح باش ربي يفتح عليك وفعلا العين حق كيما قالت الأخت blanche rose ...ولكن ما تخممش واحسن الظن بربي وقول يا ربي انا أثق انك رح تنجحني وتوفقني وتهديني وتثبتني على الحق "أنا عند ظن عبدي بي فليظن بي ما يشاء" ...والله هاك تحس بوحد الراحة نفسية فولي قدر تهد جبال مش غي تفتح بوليكوب ههههه
كيما قلت بعد هاذ التحضير النفسي والروحاني تبقى اخر خطوة واسهلها وهي التطبيق العملي ..نظم وقتك ودير جدول للاعمال اللي حاب ديرها وحاول تبعد قدر المستطاع على الملهيات اللي لا فائدة منها كالفيسبوك وغيره
انصحك ايضا ان تشاهد فيديوهات على اليوتوب لابراهيم الفقي ما شاء الله ...والله كنت دايمن نفكر كيفك لكن من يوم قريت كتبو وتبعت محاضراتو تبدلت 180°
تقدر تبدا بكتاب : قوة التفكير الايجابي..قوة التحكم بالذات..طريق الامتياز ..واذا ما عندكش وقت شاهد في اليوتوب كما اخبرتك...تجد ايضا فيديوهات عن تنطيم الوقت وتحديد الاهداف في قناة على اليوتوب اسمها اسلوب osloop رائعة والله
وفقك الله الى كل خير يحبه ويرضاه
تحياتي

[نور لاتراه]

السلام عليكم
(الَّذِينَ آَمَنُوا وَتَطْمَئِنُّ قُلُوبُهُمْ بِذِكْرِ اللَّهِ أَلَا بِذِكْرِ اللَّهِ تَطْمَئِنُّ الْقُلُوبُ)
تمسكوا بالله في كل أموركم
لستم في حاجة للفهم او الحفظ , بل فقدتم الحافز,وعليكم إيجاده من جديد
لذا حاولوا ايجاد رفيق (طالب) تثقون فيه يعينكم ويجعلكم تشعرون بالتحدي
وفقكم الله

[first first]

ماقاله الاخوة اخي الفاضل كافي ووافي

في الاول والاخير التوفيق بيد الله....صحيح يجب الاخد بالاسباب....................وحتى الاخد بالاسباب توفيق من الله.
تقرب من الله...........واستعن بالله.................وحصن نفسك....................ونضم وقتك.
ومافات قد فات......................ليس هناك من لم تضع سنين من عمره في فشل او نتيجة سوء اختيار...............او لمجرد الانتظار.
البلوكاج هدا زار العديد................ووراء كل بلوكاج هناك ديبلوكاج بادن الله......... ينسيك في كل مامضى.

21 سنة لم يفتك شيء.
بالتوفيق...............مادام ليس بك تخلف عقلي فانت مؤهل لان تنجح..........وفي اي تخصص بادن الله.

[mimi anastasiadz]

اخي خلي ايمانك بالله كبير
ولا تفكر لأن 21 سنة مر القليل ففكر في القادم و نوكل على الله