الزواج من مغتربة

[مشكلتي]

اخوتي انا مغترب منذ مدة قليله و لم اتجاوز بعد ايام الفيزا التي ستنتهي قريبا مع اني انوي المكوث بطريقة غير شرعية و ايجاد حل بديل و حل لنفسي المهم ليس هدا موضوعي فموضوعي كبير عليه بصراحه اعرف فتاة في هدا البلد بعيدة عني اعرفها و تعرفني كنا ندرس مع بعض مع العلم هي غادرت البلاد مند ثمان سنوات لاكمال دراستها هنا و فعلا هي الان دكتوراه في الطب اما انا فتوقفت عني الدراسة بصراحة من شدة اعجابي بها راقبتها و سألت عنها و تبين لي انها ليس مخطوبة و لا متزوجة فرحت جدا و لكن للاسف وراء هاته الفرحة كانت صحوة ضمير و مراجعة الحسابات و استحيت من نفسي حتى فكيف لي ان ادهب اليها بهاته الوضعية لا دراسة لا بيت و لا مال و فوق هدا في بلد اجنبي و ساكون قريبا في وضعية حراق مع اني اخر لقاء معها كان و نحن ندرس معا و كنا متفوقين نتنافس عن المرتبة الاولى
لو تقدمت لابيها سيرفض حثما و سيعتبر اني ساقصدها من اجل الاوراق هدا ان لم ترفضني هي بنفسها او تسخر مني و بصراحة شخصيا عندي النيف و لا اريد و ضع نفسي في موقف ذل
فهل لو تقدمت لها لاعطاء الكلمة فقط اكون في وضعية ذل و رخس ؟ بصراحة نيتي انا ليس طمعا في مالها او مال ابيها و انما فعلا اريدها زوجة لي و ساعمل اي شيئ من اجلها لكن ؟

[نور لاتراه]

السلام عليكم
ربطتم التقدم ب"لو"
فإن لم تقطعوا الشك باليقين أمام تلك الإحتمالات ,ستسعملونها كثيرا فيما بعد
لذا وجب شرح وضعكم ومستقبلكم المهني
فالأرزاق بيد الله
تُنال بالسعي ,وليس ب "لو"
فإن كان خيرا كُتب لكم
وإن كان غيرا فليس لكم فيه نصيب

[toulay]

سلام عليكم
يا اخي انت درتي النية وربي سبحانه وتعالى علابالو واش كاين فالقلوب مالا اتوكل على الله وروح اتقدملها
وتاني من الاحسن ترجع للجزائر قبل ماتولي حراق تاع الصح وحوس على كاش خدمة باش توجد للعرس ان شاء الله انت فهم la famille تاع البنت في la situation تاعك وراح يتفهموا ومتدريش بلاك هي لراح تكون un support ليك
ربي يسهل
بالتوفيق

[adam1990]

يعني انت صاح باغي تزوجها على جال الاوراق ماتكذبش على روحك في نفسيتك راك عارف بلي انت ماكش باغي هذا الزواج
كون عند الاوراق نضمنلك بلي ما تخممش هكا
ريح معا روحك مليح قبل ما دير حتى حاجة

[محارب الحمق]

واش من نيف يرحم باباك؟ انت باغي تحرق في بلاد الناس وباين باللي راك في بلاد كفر, هذا كامل ومازالك تهدر على النيف !!!!

[AMINA.Z]

كون غيركان عندك مستوى دراسي ...نقولك تقدم و الدار و المال يجيو مع الوقت ....مي صراحة راك بعيد عليها بزاف
و اول فكرة تجي في البال على واحد كيما حالتك ..هي قاصد الطفلة على جال الاوراق.
صراحة ما عندكش باه تقابل ..ماكالاه تبهدل بروحك

[hiso4a]

المشاركة الأصلية كتبت بواسطة محارب الحمق

واش من نيف يرحم باباك؟ انت باغي تحرق في بلاد الناس وباين باللي راك في بلاد كفر, هذا كامل ومازالك تهدر على النيف !!!!

وش دخل النيف فالحرقة يا وسمك كل واحد عندو ظروفوا خويا ماشي كيتكون نتا عايش مليح معناها الغاشي كامل راهم عايشين فالهنا هوا زعما هاهو حاب يحرق ؟ لوكان لقا الخبز هنا ميروحش يحوس عليه برا و من المفروض تنصحو و تعطيلو حل مش تفرشو بالهدرة العيانة

[blanche rose]

عندما نحب نفعل أي شيء من أجل من نحبه
أليس كذلك أخي؟؟

لو كنت تحبها فعلا لأكملت دراستك..لتثبت لها أنك تستحقها..
لو كنت تحبها لأثبت ذلك بالعمل لا بالقول..

ان كان هناك أمل في أن تكمل دراستك فأكملها أولا...

أما وأنت بلا مستوى علمي ولا مستوى مادي
فبماذا ستتزوج؟؟
ومن أين ستأت بالشرط ومصاريف الزواج ..ومن أين ستصرف على أسرتك ..وأين ستسكنان؟؟

لست أحاول احباطك لكن..ارجع للدراسة..وان امكن اطلب منها مساعدتك في ذلك..
ويمكنك بعد العودة للدراسة ان تخبرها بنيتك..واخبرها انك لن تتقدم الا بعد ان تنهي دراستك وتعمل وتكون قادرا على تحمل المسؤولية..لكن لا تطلب منها انتظارك..اعلمها..فان ارادت انتظرتك وان لم ترد تزوجت

لكن لا تتقدم بيدين فارغتين..

ربي ييسرلك امورك

[mrmilano1984]

سبحان الله كل شيء باين بين علي جال لي بابيي علاه لي يسرق يقلك سرقت لي ينوي حاجة بروفيتاج من فتاة يقلك ينوي بروفتاج ههه باينة اخي رانا كبار الان كامل ونعرفو نوايا بعضنا ماناش صغار في عقولنا

[عين الصقر]

لا غير اخطيك تحرج نفسك بدون فائدة
دكتوراه في الطب وفي فرنسا وزيد لم تكلمها منذ أكثر من 8 سنوات وتريد التقدم لخطبتها مباشرة . امر لا يتقبله عاقل ولا يدخل المخ قطعيا سيكون جوابها الرفض
عد لبلادك وماتحرقش الفيزا . تعرف على فتاة قصد الزواج وعاود دير دوموند فيزا وان شاء الله ربي يسهل