من فضلكم ساعدوني في اختيار الوان الذهان المناسبة لمنزلي

ام مؤمن · 2016-01-24, 13:35

السلام عليكم

من فضلكم انا بحاجة الى مساعدة تتعلق بذهان منزلي سنقوم ان شاء الله بصبغ كل غرف المنزل الصالون و غرفة النوم و غرفة الاولاد و الكولوار

الكولوار الفايونس تاعو فيه باج و مارون كلار و رمادي كلار و فونصي

زوجي جابلي كاطالوغ صبغة نوعها Meteor و احترنا في اختيار الالوان انا نفضل الالوان الفاتحة الباج و المارون كلار و زوجي يفضل الازرق و الموف

يا ريت تنصحوني بالوان باهية و تناسب كل غرفة على حدا وما هي الالوان الدارجة لهذا الموسم؟؟

اذا ممكن تساعدوني بالصور اللي صبغت من فترة قصيرة و خرجلها لون شباب تصورلي و لو جزء من الحائط

أتساءل ما هي الالوان المناسبة لكل غرفة في البيت؟؟ خاصة اننا نريد صبغ كل حائط بلون يعني 2 حيطان بلون و 2 الباقيين بلون
بالنسبة لخزانة الصالون تكون مابل اللون بني و الاريكة على الارجح باج اما خزانة الاولاد ممكن بني ممكن بيضاء مازال ماشريناش مابل جديد

في انتظار ردودكم لا تبخلوا عليا بالنصيحة بارك الله فيكم

dalal2008 · 2016-01-24, 22:50

dalal2008 · 2016-01-24, 22:53

ام مؤمن · 2016-01-25, 13:35

بارك الله فيك اختي dalal2008 ربي يعطيك ماتتمناي الالوان روعة ماشاء الله

ساحتفظ بهذ الصورتين و اطلع زوجي على الالوان انا بطبيعتي نحب الالوان الفاتحة

شكرا و نتمنى يزيدو يفيدوني الاخوات

القائدة · 2016-01-25, 14:49

شوفي لون فايونس الكولوار لا علاقة له بلون الغرف يعني مش شرط تدهني غير بالبيج أو البني
انا احب و اميل إلى الأبيض فقط أحب كل البيت يكون ابيض ناصع و لا أحب الفايونس في الكولوار ...... بما انك اخترت فايونس بهذه الألوان فأرى أن الكولوار و الصالة يكونوا متماشيين مع لونه مثلا البيج و اجعلي في الصالة حائط بني اكسري به البيج و حطي عليه مثلا تلفزيون معلق أو إذا التلقزيون يكون في طاولته فهنا علقي على الجزء البني للجدران غارنيتير أو كوادر أو شيء من هذا القبيل .
اما اللون الأزرق الذي أشار به زوجك فهو مش
مناسب يذكرني هذا اللون في الغرف ب سبيطار تع ليزاني سواسونديس أقصد الازرق السماوي أما ما عداه فلا بأس به.
اللون الرمادي على الفضي مناسب لغرف الكبار و الصغار و هو عالموضة ممكن تجعلي حائط رمادي ارجونتي مع حائط آخر روز بال أو روز فوشيا اذا الغرفة لفتيات اما اذا للذكور استخدمي الرمادي الفضي مع مثلا الجون كناري الفااااتح أو الأزرق التكنو . ..
مادام مازلتي ماشريتيش خزانة للاولاد فلا أنصحك بالبني و انما خلي لونها متناسق مع الحائط و فيه حيوية كما يحب الأطفال و حاولي الفرشة تكون ألوانها متناسقة مع الجدران و الستائر .

ام مؤمن · 2016-01-25, 15:31

بارك الله فيكي اختي على اقتراحاتك راكي مديتيلي فكرة مليحة ربي يجازيك

التلفاز رانا درنالو خزانة رخامية في الجدار و نعلقوه باذن الله

بالنسبة للفرش و الاثاث كي نكملو ذهان ان شاء الله نقتنيو ما يناسب و ان شاء الله نراعي لون الاريكة و الزرابي و الستائر

غرفة الاولاد بحكم الضيق و انا عندي بنت و ولد رايحة تكون مشتركة بيناتهم حتى يفرج ربي يعني جزء من الغرفة للبنت و الاخر للولد

فادتني اقتراحاتك ربي يجازيك

واش رايك في اللون البنفسحي اي الموف كلار يصلح لغرفة النوم و ماهو اللون الذي يناسبه بالمقابل

ربي يخليك اختي و الف شكر ليك

نسمة صبح · 2016-01-25, 15:57

jaune moutarde yji m3a l gris hayl

ام مؤمن · 2016-01-25, 17:15

الوان هايلة يعطيك الصحة نسمة

bouchraamine · 2016-01-25, 19:31

سلام عزيزتي فكرتيني في روحي ايامات الي كنت نصبغ في داري المهم نقترح عليك الالوان الي درتها انا اعتمدت على الالوان الفاتحة في الصالون درت زوج حيوط عسلي (jaune mautard) والخرين ابيض صدقيني خرج تحفة والي يدخلو يقلي الصالون نتاعك مريح ,,,,,,,,بيت الاولاد درت الازرق زوج درجات على شكل امواج البحر و الابيض الكلوار و الهول باج و بيت النوم موف و غوز كلار

ام مؤمن · 2016-01-26, 11:06

اقتباس:

المشاركة الأصلية كتبت بواسطة bouchraamine

سلام عزيزتي فكرتيني في روحي ايامات الي كنت نصبغ في داري المهم نقترح عليك الالوان الي درتها انا اعتمدت على الالوان الفاتحة في الصالون درت زوج حيوط عسلي (jaune mautard) والخرين ابيض صدقيني خرج تحفة والي يدخلو يقلي الصالون نتاعك مريح ,,,,,,,,بيت الاولاد درت الازرق زوج درجات على شكل امواج البحر و الابيض الكلوار و الهول باج و بيت النوم موف و غوز كلار

يعطيك الصحة بشرى و ربي يهنيك اقتراحاتك عجبتني و هايلة ناخذها بعين الاعتبار ان شاء الله

الوان هادئة و مريحة الله يريح بالك

شكرا حبيبتي

القائدة · 2016-01-26, 19:30

اقتباس:

المشاركة الأصلية كتبت بواسطة ام مؤمن

واش رايك في اللون البنفسحي اي الموف كلار يصلح لغرفة النوم و ماهو اللون الذي يناسبه بالمقابل

ربي يخليك اختي و الف شكر ليك

نعم اكيد يصلح
و لكني أنا شخصيا لا أحب الألوان في الحائط اميل إلى الأبيض فقط
مثلا غرفة نومك رح تكون صغيرة و لون الحائط رح يكون بذلك بارزا فيها و قد لا يتناسب مع ألوان اغطيتك أما الابيض يخرج معاه كلش .
عموما اذا حبيتي الموف خليه و زيدي معاه الاوبرجين كلير يعني ديريه تدرج موف كلير ثم اوبرجين . و الاوبرجين يجي فونسي على الموف لذلك الجدار الفونسي هو اللي تعلقي عليه أو تحطي فيه السرير أما الكلير خليه فاضي حتى يعكس اتساع على الغرفة .
ربي يهنيك ببيتك و يفرحكم به

القائدة · 2016-01-26, 19:36

الأخت اللي فوق حطت صور بارك الله فيها و هاذ الألوان نصحتك بها من قبل في غرفة الأولاد و هي الرمادي الفضي مع الجون كناري .... اختي الرمادي الفضي راهو طريزالامود هات برك تلقايه و يعرفو كيفاش يديروه لأنه فيه لمسة فضية هايلة و حتى مع الموف في بيتك يخرج هايل خاصة اذا تدرجتي في الموف و ادخلتي فيه الاوبرجين.

*سندوسة* · 2016-01-27, 18:44

السلام عليكم
جبتلك مجموعة من الصور ونتي دي افكار منها

[IMG]https://review.topmaxtech.net/*******/uploads/klasik_salon_0117.jpg[/IMG]

نات · 2016-01-28, 22:41

البيت هو ملجأ للراحة، لا تختاري الألوان الغامقة بفعل المودا، إختاري الالوان التي تريح البصر مثل الابيض. الموف لأ أنصحك به، إلا إذا أردتي أن تضعي لمسة من الموف في غرفة البنات. بالتوفيق

أم الحبايب 26 · 2016-01-31, 23:13

اختاري الوان لتريح الاعصاب مننصحكش بلالوان غمقين بصاحتك عقوبا كتكاملي وتحطينا تصاور نشوفهم