كرواصو بعجينة عاديه

الأمنيات · 2016-01-18, 08:47

كرواصو بعجينه عاديه
للاخت ام ايهاب مع بعض التغيير
درت كميه صغيره 500غ فرينه اربع ملاعق كبار سكر واربع حليب غبره لحظه واربع زيت وبيضه وملعقه
صغيره فاني ملح وحده خماره تاع القاطو وملعقه كبيره خمار الخبز نجمع المل ونعجن بشوي ماء دافئ
ونشكل 8كويرات ونخليهم عشرين دقيقه يرتاحوا من بعد نفتح كل كوره وندهن الوجه بملعقه صغيره زب ه طريه
ونزيد فوقها كوره الثانيه وهكدا تقدري ديري كل الكورات ولا تقسميهم على زوج كل ربعه وحدهم
انا درتهم ثمانيه مع بعض والاخيره ماندهنهاش بالزبده وندخلها الكونجلاتور حتى تشد روحها وتجمد الزبده
من بعد نخرجها ونرش مكان العمل بالفرينه ونفتح الكورات مره وحده على شكل دائري تجي كي طريقه
عجينه فيلو من بعد نقطع الدائره على ربع وكل جزء اي ربع اما تقطعيه على زوج او ثلاثه حسب شكل الي تحبي
انا درت 16 حبه وتخليه يخمر ساعه تقريبا من بعد دهني الوجه بحليب لحظه ثقييييل وطيبيه

عاودت كتبت الوصفه في صوره ممكن غيرت شوي في تعبير ههههه

ام امجد14 · 2016-01-18, 09:15

بااااااااارك الله فيك جااااك يهبببببل روووعة المهم حبيت نسالك على الزبدة الى تدهنى بيها بين الطبقات واش استعملتى خاصة لتوريق او عادية 444444444444444

سمراء الدنيا · 2016-01-18, 09:45

يعطيك الصحة الامنيات خرجلك روعة
و شكرا على الوصفة المصورة سهلتو علينا الاحتفاظ بالصور
بارك الله فيك

ام هاديل وياسين · 2016-01-18, 10:03

بارك الله فيك امنيات خرجلك هايل يعطيك الصحة

ام احبتي · 2016-01-18, 10:10

يعطيك الف صحة هايل بمعنى الكلمة

أم ياسين الزهراء · 2016-01-18, 10:16

هايل وساهلة الله يسهلها عليك وعلينا انتضري تطبيقي لحد الان مازال مارضيتش على وصفات الكرواصون اللي نديرها ماتجينيش مليحة ان شاء الله هدي تصلحلي بوركتي حنونة

الأمنيات · 2016-01-18, 10:53

اقتباس:

المشاركة الأصلية كتبت بواسطة ام امجد14

بااااااااارك الله فيك جااااك يهبببببل روووعة المهم حبيت نسالك على الزبدة الى تدهنى بيها بين الطبقات واش استعملتى خاصة لتوريق او عادية 444444444444444

الله يسلمك اختي استعملي اي نوع اكيد تاع التوريق تجي احسن ونتيجه مليحه بصح الذوق يختلف انا استعملت صول

الأمنيات · 2016-01-18, 10:54

اقتباس:

المشاركة الأصلية كتبت بواسطة شوق الليالي

خرجلك يشهي
44444444444444

الله يسلمك شكرا على المرور

الدر المكنون 7 · 2016-01-18, 11:08

ربي يباركلك في عمرك أختي الأمنيات خرجلك هايل مشكورة على الوصفة خاصة كي درتيها في صورة طريقة عملية جدا والشكر موصول للأخت أم ايهاب
باش نأكد للأخوات أنا طبقت الوصفة وخرجت روعة مع أن الشكل تاع الأمنيات أروع لكن أنا درت زبدة التوريق وهي تجمد بالخف ما تحتاجش دخليها للثلاجة

fadila34 · 2016-01-18, 11:08

براك الله فيك ويعطيك الصحة كرواسو ساهل صح

oumhana · 2016-01-18, 11:27

بارك الله فيك وربي يخليلك صحتك ويبارك لك في كل عزيزأختي الأمنيات خرجلك أكثر من رائع شكرا لك و لأم إيهاب و كل الفحلات الحاضرات و الغائبات. أختي معليش نسقسيك هدرولي على نفس الوصفه ونفس الطريقة بصح قالو بلي في باصة الزبدة تحطي الزيت و النشا لي تكوني حظرتيهم من قبل و خدمتيهم كما لمايوناز و تاخذي بانسو وبين لعجينه ولعجينه تدهني يعني نفس طريقتك. انا مزال ماجربتهاش وحشمت نسقسي لي كانت تمد فالوصفة .المهم حنا انا نتعلمو ولي يعرف ما يبخلش وإن شاء الله لي جرب يقوللنا.بوووووسه يا أحلومممممماح