مشكلتـــي

[مشكلتي]

سلام عليكم
ان شاء الله راكم لباس والله كل مااقوله صحيح
عندي مشكلة هو اني اعجبت بطفلة في سنة 3 ثانوي مجرد اعجاب فقط
قبل هذا عندها صاحبتها تحبني وهي عارفة
تقربت من صخبتها شوية مبعد لقيت رووحي منحبهاش وليت نتحاشى فيها
واعجاب رجع مع الاخرى .. الا انو جامي هدرت معاها في حياتي بصح تعرفني ونعرفها
وبعد حوالي عام عرفت انو مش اعجاب برك بل اكثر من ذلك
جيت نتقرب منها لقيتها في تهدر مع واحد قدام القسم تاعها
من تما قلت غير اخطيك منها متستهلش
مرت الايام مانيش نشوف فيها حسيت بلي نسيتها
الى ان العام اللي فات 2015 تلاقيت معاها صدفة في الجامعة كانت مع صحباتها ضحكت شوية معايا
المهم زاد رجع حبي ليها اكبر واكبر لدرجة انو البنات اللي يقراو معايا وليت منحبش نهدر معاهم غير سلا م وفقط
اي وليت نشوف فيها غير هي وو
كل مرة كنت رايح نروحلها معرفتش واش تقرا ووين
مرة كنت طبعت بوليكوب مع وزوج صحابي في الجامعة وراجع الاقامة باش نريفيزي
الصدمة اني لقيتها مع نفس الشخص بعد مرور اكثر من عامين ونص قاعدين في مكان معزول نوعا ما وجزت عليهم
حسيت روحي رايح نطيح تما منقدرش نوصل كيفاه كانت حالتي يعني قلت نسيتها علاه تفكرتها
حتى ليكنترول مقدرتش نقرالهم والحمد لله راني سنة 3
المشكلة مقدرتش ننساها
صليت ودعيت استغفرت
سجلت في المنتدى وراني عضو قديم هنا باش ننسى شوية مكانش
حتى اللي نجي نحكيلو همي مع صحابي نحس بلي غادي يعقب فيا برك وماهوش معايا
بالرغم انو شحال من طفلة تحوس تكون معايا بصح محبيتش الى ان حسيت البعض يقول راه معقد من البنات
وانا الله غاالب قلبي تعمر بيها ومبقاش حتى مكان لاي شخص
ختى في العائلة ساعات نكون سامط وقلبي وجعني ياسر
كل مرة وليت نروح للديبارتمو تاعهم باش نشوفها بصح منلقهاش يمكن تزوجت او بطلت او محوستش عليها مليح
ادعولي يااعضاء من قلبكم واسمحو لي عن الاطالة وشكراا

[ام رضوان]

السلام عليكم
اخي اسمحلي على كلامي بصح راك غالط
هذا ذل ماهوش حب
في الحق اللي راك تقرأ وتتعب باه تكمل قرايتك وتبني مستقبلك راك قاعد تضيع في وقتك على واحدة ماشي ليك.
كيفاش يا اخي لقيتها مع واحد وهي معاه اكثر من2عامين وشفتها بعينك ومازلت طامع تديها؟
ولنفرض انو لا قدر الله انفصلت عن هذا الشخص انت قابل ترتبط بيها؟
يا اخي خليك راجل واعفس على قلبك اللي ذلك وقهرك .
عزز نفسك وابحث عن من تستاهلك
الشريفة النظيفة العفيفة
ربي يهديك ويصلح بالك ويرزقك كل طيب.امييييين

[toulay]

وعليكم السلام ورحمة الله تعالى وبركاته
لباس حمد الله وانت ان شاء الله تكون ça va بعد مافرغتي قلبك
Bon انت كانت البنت عاجبتك mais رحتي تقربتي من صحبتها et après فقتي بلي البنت الاولى كنتي معجب بيها صح بصح مين رحتي لقيتيها مع انسان خلاف وقلتي اخطيني متستهلش زعمة انت مين تقربتي من صحبتها نورمال بصح مين جات فيها متستاهلش
بعدها vous vous êtes rendu compte بلي مشي اعجاب برك وليتي تحب تشوفها اكثر والصدمة لكبيرة لقيتيها مع نفس الشخص
واش نقولك يا اخي ربي يفرج عليك ان شاء الله وركز مع قرايتك واقرا مليح باش تنجح master ومع الوقت راح تنسى
بالتوفيق

[جمعي البشاري]

ربي يهديك وينور دربك

[om_nour]

اللَّهُمَّ اغْفِرْ لِجَمِيعِ مَوْتَى الْمُسْلِمِينَ. اللَّهُمَّ نَوِّرْ عَلَى أَهْلِ القُبُورِ قُبُورَهُمْ. اللَّهُمَّ وَاغْفِرْ لِلأَحْياءِ، وَيَسِّرْ لَهُمْ أُمُورَهُمْ. اللَّهُمَّ تُبْ عَلَى التَّائِبِينَ، وَاغْفِرْ لِلْمُذْنِبِينَ،

وَاقْضِ

الدَّيْنَ عَنِ الْمَدِينِينَ، وَاشْفِ مَرْضَانا وَمَرْضَى الْمُسْلِمِينَ، بِرَحْمَتِكَ يا أَرْحَمَ الرَّاحِمِينَ. اللَّهُمَّ أَعِذْنا أَنْ يَتَخَبَّطَنا الشَّيْطانُ عِنْدَ الْمَوْتِ. اللَّهُمَّ اجْعَلْنا يَوْمَ الفَزَعِ

الأَكْبَرِ مِنَ

الآمِنِينَ. اللَّهُمَّ اجْعَلْنا عِنْدَ النُّشُورِ مِنَ الْمُطْمَئِنِّينَ الفائِزِينَ. اللَّهُمَّ اجْعَلْنا فِي زُمْرَةِ سَيِّدِ الْمُرْسَلِينَ. اللَّهُمَّ اسْقِنا مِنْ حَوْضِهِ، وَأَدْخِلْنا الْجَنَّةَ مَعَهُ بِرَحْمَتِكَ يا أَرْحَمَ

الرَّاحِمِينَ. اللَّهُمَّ اجْعَلْنا مِنَ الْمُقَرَّبِينَ، يا أَكْرَمَ الأَكْرَمِينَ، اللَّهُمَّ إِنّا نَعُوذُ بِكَ مِنْ ظُلْمَةِ القَبْرِ، وَنَعُوذُ بِكَ مِنْ زَلَّةِ الصِّراطِ، اللَّهُمَّ إِنّا نَعُوذُ بِكَ مِنْ جَهَنَّمَ وَمِنْ عَذَابِ

النّارِ, يا رَبَّ العَالَمِينَ.

اللَّهُمَّ اسْقِنَا الغَيْثَ وَلاَ تَجْعَلْنَا مِنَ القَانِطِينَ بِرَحْمَتِكَ يَا أَرْحَمَ الرَّاحِمِينَ

[lمنال]

يااخي انت مازلت ما كونتش روحك باش تدخل في هاد الحكايات انا انشوف فيها نزوة تاع مراهقين ما تتقلقشي من كلامي ولكن راني نعرف الجامعة وشفت حكايات كثيرة حاول ان تلهي نفسك بالدراسة وحاول ان تتجنب الفتاة قدر الامكان يجي نهار وتضحك على روحك هدفك الان هو النجاح في الدراسة وبس وكل شيئ يجي في وقتو
موفق اخي واسال الله ان يهديك ويوفقك في دينك ودنياك

[AMINA.Z]

قضية وقت فقط
ارادة فقط و ستنساها
و نصيحة تجنب البنات ما استطعت حتى لا يتكرر الموقف
عندما تكون مستعدا للزواج انظر للنساء

[نور لاتراه]

السلام عليكم
دائما تسلكون الطريق الملتوية
الحلال بين وطرقه شرعية
معظم المسائل في هذا القسم بعض النظر عن التفاصيل التي يذكرها صاحبها
فالسبب واحد في أصله, والنتيجة كذلك
الفراغ والبعد عن الدين (تطبيقا)
سأغير المقولة
أن تسيقظوا متأخرين خير من أن لاتسيقظوا أبدا (الموت)
إستدركوا فالعمر حساب

[أم زايد]

السلام عليكم
..............................
ما عرفت شو أقوبإلا الله يهديك ... ويبعدك عن العلاقات المحرمة .....

[نسيم الريح ش]

انساها والهى في قرايتك

[kameljijeli]

السلام عليكم
يقول الشاعر : '' و إن أَحَبَّ الفتى من لا تٌحِبُهُ فَمِثْلُ ذلك الحُبُّ لا يَصْلُحُ

'' و من يُحِبُّ التي تُحِبُّ غيْرُهُ فذلكَ في الحُبِّ عارٌٌ أَقْبَحُ



من يقول أن الأباء بعثوا أبناءهم للدراسة و ليس للحب, فهؤلاء الأبناء ليسوا مخلوقات آلية مبرمجة, ولديهم عواطف وطبيعياً يحدث التجاذب بينهم و مع الإختلاط فلن يستطيع أحد إيقاف إعجاب الذكر بالأنثى أو العكس,

[LINDA68]

رب يسر في الحلال والحلال فقط

[يسمينة الزهور]

السلام عليك اخي
حبك لهذه الفتاة دليل على ان قلبك فارغ من حب الله والرسول وبسبب فراغ قلبك من حب الله وحب الرسول وجد الشيطان لك طريق فملئ قلبك بحب غير الله
فستغفر اخي وكلما تذكرتها إستغفر
هكذا حدث لشاب اعرفه حتى انه فكر في شرب الحبوب لينام ولا يفكر لكن الحمد لله استفاق وعندما قلت له ان قلبه فارغ من حب الله ورسوله قال لي عنك حق
وقال لي اصبحت كلما تذكرتها استغفر الله ولا أفكر إلى في ذراستي
لذلك أخي تقرب إلى الله عزوجل وصلي صلاتك في المسجد وفي وقتها وبإذن الله سيزول عنك هذا البلاء وإجعل محبة الله ورسوله ثم والديك هي الأولى الى قلبك

إملأ قلبك بحب الله وسترى وإنشاء الله سيعوضك الله فتاة أحسن منها بإذن الله

[مـــاهـــر]

الحل الوحيد ماتزيدش تروح باش تشوفها ويلزمك الصبر برك مع انك راح تعاني شوية
واياك الدخول في دوامات ستندم عليها لاحقا

[مسلمة عفيفة]

سقسي عليها بالاك هاداك اللي شفتها تهدر معاه واحد من العائلة ولا ممكن قادر يكون خوها لانك شفتها مرة فقط معاه او مرتين.......سقسي عليها مليح و ادا كانت مرتبطة اتكل علي ربي و انساها و ادا كنت غالط فيها ان شاء الله تكون من مكتوبك