ارواحو شوفو معاناتي

[مشكلتي]

السلام عليكم
انا امراة متزوجة كرهت حياتي صدقا
تخيلوا زوجي محسوب ديما في الدار معنديش حرية التصرف نحس روحي مخنوقة والله
يعني يخدم من 8 الى 5 وباقي الوقت في المنزل ياسر علي بصراحة
توحشت نرجع كيما كنت على الاقل
اعطوني حل لحياتي

[•~ندية الجوري~•]

و عليكم السّلام و رحمة الله ...~

ما فهمت وين المشكل
يغيب من 8 حتى 5 ....

يعني مثل ما قالو ناس زمان

يديــه اللّيل و يجيبــه اللّيل !!

فـ فيما حُريّة التّصرّف التي تودّينها
؟
بصراحة ما فهمت وين المشكل بالضّبط

.

[أم أماني أريج]

و عليكم السلام و رحمة الله و بركاته

و الله يا أختي مشكلتك تحير .......
اللهم إذا كانت هناك تفاصيل لم تذكريها ؟
مثلا إذا كان زوجك من النوع لي يقعد في البيت و يفتعل المشاكل ....لكن إذا لم يكن شيئ من هذا القبيل فأين المشكل ؟
احمدي ربي أن زوجك ليس من النوع الثاني لي ما يدخل للبيت غير للرقاد .......هذوك الرجال لي ينخاف منهم أما زوجك العكس تماما ممكن يكون مرتاح جدا معاك في البيت علابيها ما يحوسش على برا
ربي يحفظهولك و يحفظك ليه .....

[اياد حياتي]

وين رآه مشكل لم تذكري التفاصيل واي حرية تقصدي لما كنت عزباء الله يهديك

انا كي قريت عنوان قلت كارثة حتى دخلت والله جاني الضحك

[~أمة الله~]

منك بالصّح أختي ؟؟؟
المخلوق يخدم من 8 إلى 5 ، وزيدلها مسافة الطريق يلحق للدار وين حبيتيه يروح مثلا ؟؟؟
والله غريبة، النساء يتشكين من أزواجهن لي يروح يسهر مع صحابو ويخليها المخلوقة وحدها في الدار، ولي يروح عند دار ماليه ويخليها كيف كيف مخنوقة وحدها في الدار
يا أختي، استغفري الله وارقي نفسك لعلّ بك شيئا لأنّ موضوعك غريب...
ربي يهنيكم

[♥لَيْلَىّ♥]

lمافهمتش يا ختي وين راهي المشكلة في الموضوع ؟؟ وضحيلنا أكثر بلاك نقدرو نعاونوك ..
المهم ربي يهنيكم

[نصيرة الإسلام]

هذه معانات ؟
من 8 إلى 5 ماذا تريدين اكثر ... هذا وقت طبيعي للعمل
أختي احمدي الله عندك زوج يصونك و ساتر عليك و احمدي الله أنه بعمله فهناك من لا يعمل .و أحمدي الله أنه ينام الليل بجانبك و جانب اولادك
هناك المسكينات من أزواجهن يغيبون عنهم بالأشهر بسبب عملهم لي في العسكر و لي في الغربة و لي في الطريق يدي في السلعة ..و يتمنون لو يرو ازواجهم كل يوم و يعيشو حياة مستقرة كالتي تعيشيها انت
هناك من زوجها يذهب مع أصحابه يللهو و يلعب و لا يأتي إلا في أنصاف الليالي لا يبالي بزوجته و لا بأولاده ,,,,و هناك و هناك الكثير من الأمثلة
:
أختي هذا فراغ و وسوسة شيطان
استغفري مولاك و وجهي نظرك إلى الامور الإجابية في زواجك و عيشتك أكثر ..و احمدي الله يا أختي فانتي في نعمة.

[sarl02]

واش حابة تقعدي اديري وحدك؟؟اتقسري مع صاحبك فالفايس بوك ولا فالتلفون؟؟الراجل خدام على شر زمانو نهار كامل وكي يرجع اريح في دارو وليتي تكرهي منو؟؟والله انت لا تستحقين مثل هذا الرجل الذي انعم الله به عليك ...بنات اخر زمن الله يجعل ربي ما احملناش في وحدة كيفك سينو اندير جريمة.

[ابو-علي]

ياسبحان الله اين المشكل أم انك تريدين افتعال مشكل من لا شيء
الراجل يخدم من 8 حتى 5 يعني عشر ساعات بالتمام والكمال وانت وحدك بالبيت
كان ان تطرحي سؤالك بصفة عكسية يعني من 5 حتى 8 بالزاف وانا وحدي
السؤال المطروح بماذا تشغلين نفسك كل هذا الوقت ثم ماذا تريدين فعله دون علم زوجك
وانا لااقصد اي شيء حتى لا يؤول كلامي أو يفهم بطريقة خاطئة
كان من المفروض ان تفرحي بوجود زوجك و ان تكوني على احر من الجمر في انتظاره
عن العموم كما علق كل الاعضاء لاارى مشكل في طرحك أو انك لم تقولي كل شيء
الله يهديك اختي .

[محمد جديدي التبسي]

نظن صاحبة المشكلة اخطأت في الوقت ربما تقصد يخدم من 5 الى 8 صباحا ربما كوندستان او ما شابه عندنا امثاله
اذا كان الوضع هكذا ربي يكون في عونك

[سيف الدين الطيار]

كون جيتي تخدمي من 8 الى 5 و تحبيه قد ما يحبك تعرفي علاه يقعد فالدار و انا ما فهمتش واش حابا ديري و ماقدرتيش ديره قدامو
يخدم مسكين و انت حرية حرية
انه النظام الي عطاكم الحرية
طيعي زوجك و عاونيه على هم الدنيا

[رجل من هذا الزمان]

يقال ان الناس لا تعرف قيمة الاشياء الا بعد ان تفقدها حالة صاحبة المشكلة فلنفرض جدلا ان زوجك ما يخدمش و حياتو كلها البرا تقبلي ؟ ميش بعيد كنت تديري موضوع اخر باه نجيو نشوفوا معاناتك نلقاوها تمام النقيض...بصح هذا غير مستغرب على كل حال

[hajer.joujou]

مشكل متزوجات هذا الزمان تتزوج وتعيش عزابية

[أنور]

بأس الزوجة انت ،تفكيرك بالفعل مؤسف جدا

[sam2016]

لن اعطي رأيي حتى اسمع كل التفاصيل اختي ممكن تكوني ظالمة و ممكن مظلومة فرجاءا ااعطينا كل التفاصيل حتى نعطي الموضوع حقه