رفض خاطب

[مشكلتي]

هل عليا اثم ان رفضت خاطب بسبب عائلته? مع العلم انو انسان مليح برك ميعرفش يحكي مع الناس ميعرفش يواجه مهوش اجتماعي مهوش مثقف ميجبدش مواضيع نقاش يظل ديما ساكت نحسو انسان معقد بصح غمضت عيني من هاذ الجانب و قلت معليش لمهم دينو. عايلتو متكونة من امو و خوه ( ديما طامع فيه يمدلو دراهم) و 5 بنات لا خدمة لا زواج لا صنعة لا زين لا ثقافة... مفهمتش اذا مكتوب ولا سيرتهم مش مليحة. باباه معاود الزواج مع واحدة قد بنتو و جايب 6 معاها و مهوش سامع بيهم قع, خممت نبطل بزاف لي قالولي الفايدة فيه هو مش عايلتو مام مراحش نعيش معاهم بصح خفت اولادي يجبد فيهم العرق...راني حاصلة

[AMINA.Z]

اكيد العايلة مهمة

[عائشة قدوتي]

لم أفهم مالمشكلة مع عائلته ؟ أم أنك لم تذكري التفاصيل..
عدم زواج أخواته قضاء و قدر و سيأتي في الوقت المناسب و لا علاقة له بالمؤهلات
فهناك فتيات تتوفر فيهن كل المؤهلات لكنهن بدون زواج
هذه آية من الله على أن الأرزاق هو من يتحكم فيها كما تحكم في المؤهلات.
لا أظن عليك إثم فالزواج ليس أمر سهل و مع ذلك عليك التأني و لا تتسرعي فتندمي
نصيحتي استخيري كل يوم مرارا وادعي الله إن كان خيرا أن يتم زواجك و إن كان شرا أن يصرفه عنك.
بالتوفيق أختي.

[MAHA26]

و ما ذنبه هو في عائلته لو كنت مكانه واش تحسي كي يخليك إتقي الله

[النجمة القطبية]

مفهمتش المشكلة وين بالضبط ؟
في الخاطب نفسه اللى ميعرف يتكلم وﻻ يناقش
او في خوه اللى يطلب منو دراهم
او في اخواته البنات اللى مجاهمش المكتوب
يعن هذه العائلة تعانى من ابتﻻءات كغياب اﻻب وعدم زواج البنات وربما بطالة اﻻخ
وهذه اقدار هو ليس مسؤول عنها ربي يفرج عليهم
اﻻوﻻد مستقبﻻ انتى وتربيتك والتوكل على الله
لكن السؤال اﻻهم هل عجبك الخاطب نفسه ؟

[aissambayern]

لا حول ولا قوة الا بالله

[محمد جديدي التبسي]

اذا راح تسكني مع أهلو ممكن يكون عندك حق ترفضي
أما قضية الثقافة والنقاش لا أدري ما تقصدين بهما ؟
هل ستتناقشين مع زوجك حول أسعار البترول والعملات؟!
الزواج أبسط من ذلك هو عشرة طيبة هو ود ورحمة وتعاون على أتعاب الحياة وتحصين للنفس قبل كل ذلك
ربي يفتح عليك
على الهامش/ لقد بالغت في وصفك لأخواته ويبدو ان لديك نظرة ازدراء للغير !

[فافا مينوشة]

مادامك مش حتسكني معاهم وهو انسان مليح من حب يبني بيتو ربي يسهلكم معندو حتى ذنب اتفدايهم برك ولادك انتيءوتربيتك ربي يهنيكم

[نور لاتراه]

توكلي على الله
استخيري

[snoopie]

ميعرفش يحكي مع الناس ميعرفش يواجه مهوش اجتماعي مهوش مثقف ميجبدش مواضيع نقاش يظل ديما ساكت نحسو انسان معقد

حاولي تعرفي مستواه الثقافي و الطريقة تفكيرو ولا واش راهو حاب يدير في المستقبل وبالفعل ماشي غير بالهدرة .... اذا قنعك ولقيتيه فاهم معليش ولكن اذا مكان والو راح تعاني معاه في المستقبل والله أعلم

[الفارس الجدَّاوي]

السلام عليكم:
إذا كنت تحبينه فستنجحين بعون الله في تغييره نحو اﻷفضل.
لك أن تشترطي السكن المستقل.
لعلك تكونين سبب سعادته ونقطة تحول فارقة في حياته.
ومع ذلك لا إثم عليك إن قررت تركه.
والله أعلم.

[fella111]

من حقك تختاري اللي يريحك و لا اثم عليك و اللي يقول لك انك ستتزوجين به هو ليس عائلته راهو غالط جدودنا كانو يقولونا الزواج ربط عائلة مع عائلة اختاري العائله قبل الزوج و الدليل ان المراة تنكح لنسبها يعني العائلة لها تاثير مهم في الزواج سواءا من المراة او الرجل

[خالد عنابي2]

بكل صراحة النصيحة ليست بالسهلة

لكن اذا شفتي ان خلفيته سيئة وسيكون هناك تاثير سلبي عليكي الرفض احسن

واذا كان عكس ذلك دبري راسك وشوفي وش يخرج عليك

كل انسان وله طموحات واهداف مختلفة في هذه الحياة ويسعى لتلبيتها بافضل شكل ممكن

[S-KISHK-B]

المشاركة الأصلية كتبت بواسطة مشكلتي

هل عليا اثم ان رفضت خاطب بسبب عائلته? مع العلم انو انسان مليح برك ميعرفش يحكي مع الناس ميعرفش يواجه مهوش اجتماعي مهوش مثقف ميجبدش مواضيع نقاش يظل ديما ساكت نحسو انسان معقد بصح غمضت عيني من هاذ الجانب و قلت معليش لمهم دينو. عايلتو متكونة من امو و خوه ( ديما طامع فيه يمدلو دراهم) و 5 بنات لا خدمة لا زواج لا صنعة لا زين لا ثقافة... مفهمتش اذا مكتوب ولا سيرتهم مش مليحة. باباه معاود الزواج مع واحدة قد بنتو و جايب 6 معاها و مهوش سامع بيهم قع, خممت نبطل بزاف لي قالولي الفايدة فيه هو مش عايلتو مام مراحش نعيش معاهم بصح خفت اولادي يجبد فيهم العرق...راني حاصلة

دار أباك أولا لك من الجحيم...كل المشاكل تحل...أما دار فيها كمشة تاع بنات مقابل عروسة واحدة ....المعادلة واضحة والماتش باين5 مقابل 1 الفريق مهزوم.جملة وتفصيلا

[قدور بن عاشور]

أنت لم يعجبك لا الخاطب لا عائلته، فلماذا تسألين؟ حابة تسيفيه على روحك؟ ما عجبكش خلاص، خليه يشوف من جهة أخرى.
الزواج عشرة و حياتك المستقبلية، لا تجعلي منها ورشة لإصلاح الناس، ماعجبكش ربي يسهل، و لا أدري أين الإثم في هذا.