جماعة الي دخلو المحكمة العسكرية افيدونا الله يستركم

ghezal sofian · 2015-12-04, 11:30

جماعة الي دخل للمحكمة العسكرية للبليدة بملف كفالة نسقسيه هل صح كي تدي برائة من المحكمة يرفضولك الملف في مركز الخدمة الوطنية بحجة لم تقم بالفحص الطبي الي قبلولو الملف يحكيلنا و يعاونا خاوتي و شكرا

ghezal sofian · 2015-12-04, 18:35

لا اجابات ؟؟؟؟؟؟؟؟؟؟

haled Fr · 2015-12-04, 23:24

خويا انا رفضولي الملف بعد المحكمة
لم أجتز الفحص الطبي
واحد نعرفو يخدم في الـ Br قالي لازم يكون الأب متوفي
وبالنسبة للفحص الطبي صحيح لا يقبل الملف لأن البراءة في المحكمة هي من العصيان فقط

ghezal sofian · 2015-12-05, 20:37

خويا انت قلت لي لازم الاب متوفي و من بعد قلت لي الي ميشي مجوز الفحص الطبي ميقبلولوش الملف ؟؟؟؟؟؟؟؟؟ مفهمتش ؟؟؟؟

haled Fr · 2015-12-07, 23:41

يعني أخي لازم يكون الأب متوفي ودرت الفحص الطبي

ghezal sofian · 2015-12-08, 13:25

كيفاش خويا لازم مجوز الفحص الطبي الي يجوزو على المحكمة كامل عصاة انا حاب نعرف حالة الي قبلو فيها ملف الكفالة ملا هكذا يتعبو فينا برك

haled Fr · 2015-12-08, 18:37

شوف باه نفهم خويا لعزيز مليح
انا كي رحت للمحكمة على أساس لي قبلي كامل (أصدقاء ومقربون ) قبلولهم الملف تاع الكفالة ورجعولهم الـ ok وداو لا كارط
كاين حتى ليمفوتش الفحص الطبي لأن كان قانون في الجريدة الرسمية يقول البراءة من المحمة العسكرية هي براءة من العصيان + دراسة لملف الكفالة بدون فحص طبي
انا رحت على هذا الأساس بصح كي دفعت الملف قالولي بلي تبدل القانون وولت براءة من العصيان فقط
ونزيدلك حاجة كي ولات عام صعبو فيها
واذا عندك معريفة في الbr هاديك autre choses
ونتا تقول يتعبو فينا
خويا انا ننصحك نحي العصيان راهو مشكل كبير
مثلا انا بعد مانحيت العصيان قبلولي ملف التسوية ( لي كملو قرايتهم قبل 2011 )
وكاين ناس خرجلهم أمر بالإلتحاق ماقبلولهمش الملف
ربي يوفق

ghezal sofian · 2015-12-08, 21:19

انت خويا هل جوزت الفحص الطبي و هل رحت لمحكمة البليدة

haled Fr · 2015-12-08, 23:19

انا خويا مادرتش الفحص الطبي ورحت لمحكمة قسنطينة

ghezal sofian · 2015-12-09, 11:49

ربي يحفظك خويا لعزيز هكذا انا ملا مستحيل يقبلو ملف كفالة منروحش وخلاص جندي و محبس قرايتي في 2006 مواليد 89 وزيد متزوج ربي يفرج وخلاص عذبونا واش يحوسو منا اخي اذا قدرت احكيلي كيفاش كي تدخل المحكمة وانت سويت وضعيتك ولا مزال

haled Fr · 2015-12-09, 12:51

شوف خويا انت تقدر تسوي وضعيتك
انا بعد ما خرجت من المحكمة ورحت لمكتب التجنيد باه نسوي وضعيتي ودفعت ملف الكفالة وماتقبلش
تنحالي العصيان( وهاذيك هيا الفايدة) ودرت ملف التسوية كينا قتلك ( لي كملو قرايتهم قبل 2011 ) قبلولي الملف وعطاوني سورسي ( هادا في ما يخص تسوية وضعيتي )
انت أيضا يشملك قانون التسوية بشرط تكون حبست قبل 2011 ومازدتش قريت بعدها
حبيت نقلك بلي حكايت ماتروحش راهي ماهيش في صالحك
نرجعو للمحكمة العسكرية (قسطينة )
تدخل بالبرية يعطوك موعد بعد شهر او شهرين ويقولولك جيب معاك ملف طبي او كفالة
نتا واش حاب تفهم في المحكة exact ...

ghezal sofian · 2015-12-09, 15:01

بصح خويا كاين الي مقبلولهمش تسوية بعد البرآءة يقولولو استنا الاستدعاء والله يتمنكرو بزاف والا هذا حقي وهل تعرف ناس بزاف قبلولهم التسوية

haled Fr · 2015-12-09, 16:41

نعرف واحد جاري
واش صرالو صرالي بالضبط وعطاوه إستدعاء تاع التسوية ب3 أشهر كي رجع مدولو لا كارط جون
انا الفايدة لي ديتها من المحكمة هي البراءة من العصيان والحمد لله كانت في صالحي
خويا انت راك مزلت صغير فايتني بعام
يعني حتى لوكان تستنى إفاء 30 سنة مازال مطول (الله يطول في عمرك)
بصح كي تنحي العصيان في صالجك حتى كيما قلت في ما يخص التسوية ... malgré اذا كان القانون يشملك راك تتحصل على الإعفاء
تقدر حتى تروح لأي ثكنة ومع جرية خفيفة تخرج فائض ولا inapte وخاصة راك مزوج تساعدك bcp
mais مادامك عاصي راك لا حق لا محقوق ...

ghezal sofian · 2015-12-09, 18:45

ربي يحفظك خويا لعزيز المهم كاش جديد خبرني وخلاص انا والله ماني فاهم واااالو منقدرش نجوزها الوالدة وحدها في الدار شكرااااا

جمال المغاربي · 2015-12-10, 15:22

الله يعاونكم