ساعدوني ولو بكلمة

[مشكلتي]

خاوتي وخواتاني نكتب والدموع طايحييين عليا والله متهنيت ومافرحت نهار زي لبنات
ليوووم طلعتلي لاطونسيون
مشكلتي من لي كنا صغار نضنا ملقينا اب حنين لقينا اب قاسي وام ذليلة تخدم غير على جالنا تصبر على جالنا تحمل الذل على جالنا
وتقول منيتمش ولادي مهما كان الثمن رباتنا بدمها ربي يحفظهالي هي سندي الوحيد في هاذ الدنيا
كبرت في هاذ الجو نعاني وحدي نصبح على دموع امي ونمسي عليهم قررت وعزمت اني نقرا على جال امي باه نفرحها وكنت نقرا ونخرج على 5 ونص تاع
لعشية بابا عندو 2 سيارات ميجيش يديني تجي ماما مبللة بالمطر فالظلمة تديني وقريت والحمد لله تحصلت على شهادة البكالوريا وقريت فالجامعة وقريب
نتخرج باذن الله
منكذبش عليكم تخطبت ودرت الفاتحة ودارلي بابا مشاكل كبيرة باش قبل بانسان صدقوني تربية واخلاق دارلي المشاكل على جال زوالي قد حالو ماهوش مرفه حتى ادخلو ناس كبار وتوسطولو باه قبل واحمدت ربي وقلت تهنيت
ظهرتلي ختو بحكم هو وحيد والديه يصرا بيناتنا مشكل تعيطلي وتتدخل فيما لايعنيها وتحب تفهم كل صغيرة وكبيرة قلت معليش تمادات وعادت تدخل بيناتنا وتفهم كل شي قلت بالاك هي هكذا عقليتها نسايرها وخلاص صرا مشكل بيني وبين خطيبي عيطتلي مريبونديتش عليها بعثتلها ميساج قتلها سامحيني راني مقلقة كي نتكالما ضرك نهدر معاك كان ردها قاس جدا ردتلي كلام جارح وهانتني وجرحتني حكيتلو قتلو هدر معاها وقالي معاتش تزيد تعاود
بقات مدة وضركا جبتلها امانة تاعها من وان نقرا ونضت الصباح ولمطر داير حالا حتى تبللت مديتلها امانتها وحكيت معاها على اكلة قالي حضريهالي هزت صوتها عليا وقاتلي عفيه راه شبعان كلش عفيه برك تصدمت وغاضتني روحي روحت للدار حكيت لماما كلش قاتلي يابنتي الدنيا مبنية على وكي مقدروكش ضركا مبعد تعاني
عيطتلو وقتلو ختك تكرهني منجمش قادر ديبروبلام ممبعد ولاقلق ويعيط وقالي منسمحش فيك يالوكان نمووووت
هو جامي غلطت جامي قاسني بكلمة لقيت فيه الحنان اللي افتقدتو من بابا
وانا حصلت نوروني انا قررت نفسخ الخطبة عالى جال خايفة من المستقبل لانندم
نوروني بارائكم راني في ظلمة

[rose de sable s]

ربي عوضك براجل يعوضك حنان انت حاولي تتجنبي اخنو قدر مستطاع وادا قدرتي ديري غرفة و مطبخ في بيت اب زوجك احسن حتي تتفادي اختو هي غاير منك و زيد قولي لراجلك باه يطلب من اختو متدعل فيكم ربي يهنيك

[خالد عنابي2]

تفسخي الخطبة ؟ هههههه لالا

مالا مكرة في باباك واختو تتزوجيه بالسيف عليهم

فقط تجاهليها وخليها تخبط راسها على الحيط

[فايزة1207]

يااختي اذا كان الوحييييييييييييييد وزيد عايشة معاكم اخته تاكدي بانه راهم يشوفو فيه ملكهم
هذا عن تجربة
يعني يا تقبلي وتحملي اذا كنت تحبيه حتان يفرج ربي
يا تحبسي وتهني راسك
شوفي انت شخصيتك كيفاه

[اياد حياتي]

ا اختي اذا رايحة تسكني معاهم كوني اكيدة نقوللك بصراحة راح تلقاي اكثر اذا عندك قدرة احتمال على جال راجلك تصبري ولا خوها يوقفها عند حدها هذي اختو ماشي امو حتى ميقدرش يهدر معاها وانتي غلطتي الي بديت تهدري معاها درك كون خليتي شخصيتك غامضة حتى تروحي عندهم وتعاملي برسميات اذا شفتي فيهم حاجة ما هيش مليحة وخطيك من تدلاق بمعنى تسايريها انت مرا وهي مرا وكل واحد في حدو احترام وكفى الله يفرج عليك وشوفي اذا تقدري ديري دار مستقلة عليهم وحتى وان قريب ليهم.

[aroua]

سلام ربي يكون معاك اختي
نصيحتى لليك هي ما ديري حتى حاجة سلبية بفسخ او مشكل لزوج ديالك لي راه في جنبك
بالشوية برك ومادام زوجك في صفك ماتخافيش بربي اختو ماعندها ماتقضي حاولي تتجاهليها وخليها هي تغلط فيك وانت ماتغلطيش فيها حبيبتي مع الأيام ذرك تتصلح الأمور ,اصبري وكوني في جنب راجلك وماتعكسيهش وحاولي تحافضي على براءتك امامو , وديما ديري لبنصائحه ,قوليلو قولي كيفماه نتعامل معاها .
وكاين حل اخر ,حاولي تشري هدايا وتبعثهملها مام من فوق قلبك مع الزوج انتاعك وحذاري لتعايبيها مدام زوجك في صفك .
حبيبتي ادام الله محبة زوجك لك وربي يهنيك ومن اراد بك سوء فليجعل الله تدبيره في تدميره أمين يارب العالمين .

[فاطمة الزهراء 29]

السلام عليكم
راكي لقيتي لي ينجيك من قسوة باباك و يعوضلك الحنان علاش راكي تحوسي تفرطي فيه
و ختو دوك يجي مكتوبها و تتزوج و تتهني منها ،،

ربي يكون في عونك و يكملك ان شاء الله

[marwa2020]

ايه يا ختي راني حاسة بيك اللوسة سوسة لوكان تسقيها بالعسل المهم انت متفاهما مع خطيبك هدا هو الصح و ربي يجازي كل واحد على حساب افعالو خلي ايمانك بربي كبير و اكيد ما يخليكش

[mrmilano1984]

نورمال اخطك منها اتهلاي فيه راجلك هو الصح صراحة هو لي يدوملك مع اولادك صدقني

[AMINA.Z]

حطيها في الثقيل
تعيط ما تهزيش ...تحوس تفهم قولها حاجة ما تخصكش ..يعني العقالة اللي كنتي فيها بطليها ...حطيها عند حدها.

[sunshine2013]

استخيري اختي و ربي يفرج

[blanche rose]

كل ما يصرا مشكل بينك وبينو تتدخل

شكون اللي حكالها؟؟

اشترطي بيتك لوحدك مع زوجك ولو بالايجار
ولو تتعاوني مع راجلك وتسلكوه..

أما السكن مع أهله وأخته من ضرك ما حشمتش وزيد هو يحكيلها كلش.. فالنتيجة الله عالم بها..

بيت مستقل هو الحل..
انت رايحة تبني اسرة ماشي رايحة تحاربي

لا يصلح الهروب من جحيم الى جحيم

ربي يعينك

[aissambayern]

السلام عليكم
الاخت هذه انت لي عطيتيلها سلطة بقبول اتصالاتها
لكن عادي ماهيش دايمة تتزوج و تخطيك
تهلاي في زوجك هو لي يدوملك

[CHEERS]

الباب لي يفوت ريح سدوا واستريح

اداكان مش قادر يوضع حل وانتي بعيدة تخيلي وانتي وهي في بيت واحد

المهم الله يفرج عليك اختي ويسهلك ما صعاب

[oum Haroun]

الرجل هو الصح ولا كان مليح معاك واش همك في الاخرين خاصة الاخت بعيدة لو كان امه بلاك ولا تحبيه وهو احبك ماتفرطيش فيه