دولمة حوت من عند ام رحاب

[x ام رحاب x]

بسم الله نبدا بالمقادير
السردين فنجال ونص روز طايب -ثوم -حشيش مقطفة يعني الكسبر
2 ورقات رند -فلفل اكحل-عكري-ملح-زيت-طماطم مصبرة

طريقة الطبخ
نرحي السردين مليح بالفرشيطة ولا بيدك وانحطلو ملح كمون شوية عكري والروز والحشيش مقطفة وانخلط مليح وانديرهم ليبولات
والان انحضر المرق
انحط في الطنيجرة الثوم مرحي مع الملح والكمون والعكري قيس مغرفة كبيرة وانحط طبعا الزيت وانقليهم مع الطماطم المصبرة وبلاكي اتقوي النار يتحرقك الدرسة وانحط 2 وريقات رند يرة وانمرق شوية برك وكي اتوجدي ليبولات تاعك كي اتشوفي المرقة غلات حطي ليبولات تاعك غير بشوية وامرقي غير شوية الانو السردين ايطيب بلخف واتقعدلك المرقة بزاف لازم ماتكثريش المرقة وخليها اطيب على نار قليلة احسبي 20دقيقة واطلي عليها كي تلقايها عقدت المرقة ارميلها الكسبر من الفوق

[I

ام شاء الله يعجبكم الموضوع وادعولي دعوة الخير في ضهر الغيب