ضائعة

[مشكلتي]

السلام عليكم ورحمة الله وبركاته





مشكلتي انني ماكثة بالبيت ترشحت عدة مرات فالباكالوريا ورسبت خفت نسجل هاد المرة ولكنني ترددت خوفا من الخسارة ولان هاد العام يكون ف شهر رمضان وانا وحيدة امي راكم تعرفو الحالة ولاني ساجتاز الامتحان في غير بلديتي ومن جهة اخرى خايفة نضيع فرصة ونندم تخلطت عليا مادرت والو في حياتي غير القعاد نتاع الدار والحمد لله راضية ولكن خايفة مالمستقبل خايفة يجي نهار نحوس على خدمة ومانلقاش لانني ماعنديش مستوى ..ماعرفتش واش ندير شورو عليا ..وادعولي بالتيسير

[thorpe]

استخيري
وديري واش ترتاحي ليه
ربي يوفق
سلام

[Om Abdul Malik]

ma 3ando ma khssarti zidi jawzih had el am w atakli 3la ALLAH 3AZA WA JAL

[الرحالة المغامر]

البكالوريا لن تتزامن مع رمضان هذا العام يعني يمكنك المحاولة مجددا .... أكبر مغامرة يقوم بها الإنسان أن لا يقوم بأية مغامر .... يعني أنت لن تخسري شيء سجلي وإستعدي جيدا له والله لو تريدين النجاح ستنجحين الأمر بسيط جدا يعني الألاف ينجحون ولم لا تكونين واحدة منهم ..... أدعوا الله أن يسعدك ويجعلك من الناجحين أختي الكريمة ..

[ندى العالم]

زيدي شاركي و توكلي على الرزاق
كاين اللي عاودو الباك 5 مرات ثم اداوه

[ManouraHilwa]

رايي ان تستفيدي بستاج في اي مجال احسن الباك اليوم ماهوش مستقبل ذلك كان في القديم ربي معاك

[غصن زيتون]

راي انك تدخلي في معاهد التكوين المهني احسن من البكالوريا والدراسة في الجامعة بدون فائدة

[~ دروب الخير ~]

اختي انصحك توكلي على ربي و عاوديه وربي راح يسرلك امورك ،، انت ماخليش فراغ في حياتك
اجتهدي اجتهدي قدر المستطاع و تقربي من الله الذي لن يخيبك

[منار 96]

نتي ياك راكي قاعدة في الدار قاعدة سجلي وخليها منا لوقتها اذا ما قدرتيش تروحي تعقبي خلاص واذا سهلتلك وقدرتي تروحي اوموا ماتندميش فوتيه اذا ربحتي اللهم بارك واذا ماربحتيش المهن المحاولة
وزيدي ابحثي على الحرف و على ديبلومات في اي مجال ديري الماكسيموم مش شرط الباك برك الصنعة ثاني راه فيها مستقبل كبير وؤبح مادي
ربي ينجحك في الباك ان شاء الله

[..بسمة أمل ..]

السلام عليكم

انا نقلك اتكلي على ربي سبحانو

وسجلي و لي فيها لخير ربي

يجبهالك

ربي ينجحك

[أم عبد الكريم]

ننصحك ديري خياطة ولا حفافة احسن من لقراية و القعاد

[عبد الله 22]

السلام عليكم سجلي في البك مادام الوقت محدود بعدها قرار المشاركة والتحضير يكون فيما بعد بالتوفيق لا يجب الانسان أن يستسلم من المحاولة إن شاء الله تكوني ممن الناجحين هذا العام

[الجزائرية 2010]

المشاركة الأصلية كتبت بواسطة الرحالة المغامر

البكالوريا لن تتزامن مع رمضان هذا العام يعني يمكنك المحاولة مجددا .... أكبر مغامرة يقوم بها الإنسان أن لا يقوم بأية مغامر .... يعني أنت لن تخسري شيء سجلي وإستعدي جيدا له والله لو تريدين النجاح ستنجحين الأمر بسيط جدا يعني الألاف ينجحون ولم لا تكونين واحدة منهم ..... أدعوا الله أن يسعدك ويجعلك من الناجحين أختي الكريمة ..

ومن اخبرك انها لن تكون في رمضان؟؟؟؟