مشكلتي

[مشكلتي]

السلام عليكم
عندي مشكلة قريتي فهي تبلغ من العمر20سنة
وكان قد درسها استاذها من قبل وكانت بينهما علاقة تلميذ واستاذ ليخبره هاته الايام انه معجب بها ويود خطبتها مع العلم انها تبلغ20سنة وهو 51سنة "بالطبع مطلق"
لكن هي محتارة لم تدري اذا تقبل ام لا لانه من ناحية التمسك فهو متمسك ومتعلق بها وقبل بكل شروطها رغم انها لم تنطق ولا شرط الا انه كان على دراية بها من قبل
المهم مارأيكم؟؟؟؟؟؟؟؟؟فهي من ناحية تراه انسان جيد وخلوق ووو لكن من ناحية اخرى يخيفها موضوع فارق السن و حالة طلاقه من قبل
مارأيكم؟؟؟؟

[طيور الجنان]

من رأيي هو كبير عليك بزاااف في السن انت من جيل و هو من جيل و يمكن ان يكون اعجابك به فقد كأستاذ يؤثر فيك خممي مليح راكي مازلت صغيرة و الف واحد يتمناك ومزالو عندك فرص

[وصال سلام]

السيد راهو كبيييير عليها ب 31 سنة هذا عمر

تاخذ راي تصبر شوية مازالها صغيرة يجيها واحد ااخر احسن لها
الشيء لي تحس بيه هو مجرد احترام لاستاذها وكون جا كبير عليها 13 نقول صح لكن راهو فرق كبييير يااسر
واكيد والديها مش راح يقبلو لانو كبير بزااف صراحة

ربي يجيبلها لي فيه الخير

[أم عبد الكريم]

20 سنة و هو 51 راهي قد احفادو ........هاذا البخص بعينيه
باش تقولوا احشم عل روحك زوج لي قدك هي راح تخمم في الزواج واش بيكم يا لبنات الدنيا ماشي رايحة تفض

[القائدة]

لالالا غلطة عمرها
قوليلها اياكي يالجايحة يلعب بيك ، هو رح يبروفيتي في شبابك و انتي وش راح تدي من واحد داخل على مرحلة الشيب !!!!!
خوذي رايي أدي واحد شاب صغير كيما نتي كيما هو يستفيد من شبابك انت كذلك تستفيدي من شبابه و ما تعيشيش الحرمان و مبعد تدخلي في حكايات اخرى !

[kameljijeli]

لاحول ولا قوة إلا بالله
51 سنة و يريد الزواج ببنت العشرين. لنكن واضحين, هذا الرجل يريد هذه البنت لالبناء أسرة ولكن لأمور أخرى والفاهم يفهم. سبحان الله , لو يريد حقاً إمرأة دار لذهب لمن هن 35 سنة وأكثر, وماأكثرهن في بلادنا.

[thorpe]

اذا شايفة نفسها رايحة تسعد معاه علاش لا ؟
اذا كان متخلق وملتزم وقادر يسعدها من كل النواحي الزوجية علاش لا ؟
ختي اذا هاد البنت قانعة بيه كرجل وكزوج
ماكانلاه تسمع التبلبيل تاع الغاشي
سورتو تاع لبنات
باسك البنات كي يسمعو بواحد في عمرو 25 سنة تزوج مع وحدة 40 سنة باسك يحبها
يديرو في عينيهم الدموع ويقولو اوووووه فغي مو لاموغ يدير المستحيلات
بصح السيد قالو عليه نو
بركاوكم من الانانية
اذا هي قانعة بيه وشايفة بلي رايحة تقدر تحبو وشايفة بلي رايح يقنعها سهلها تسهل
ربي يوفق

[اسماء 05]

سلااامم

الفرق كبيير بزااف راهو قد باباها انا 20 وبابا 50 ومبعد لولاد كيفاش تربيهم وباباهم كبر صح الاعمار بيد الله لكن تاخذ بالاسباب وقلها تزيد تستخير

[mino 13]

ههههههه
راها مثل بنته
مستوي تفكير متباعد جداا
لا انصحها بالزواج

[biologie2001]

لا انصحها بدلك لان فارق السن كبير جدا و حتى العقلية راهي تختلف

[0ibtissam]

بزاف كبير هي مزال عندها فرص احسن وتصلي صلاة استخارة

[blanche rose]

السلام عليكم
عزيزتي هذا جنون

قاعدة نقرا ونقول 31 وإلا. 51
لبنات 31 جاتهم بزاف وانتي تقولي51

وهذا انسان مريض نفسيا
كيف يتزوج بفتاة بسن بناته؟؟!!

لن يحقق أحلامها ولا من جهة..
إلا إن جعلت نفسها سلعة للبيع وأعذريني على هذه العبارة..

فماذا تفعل بعجوز؟؟!!

خبرته ستجعله قادرا على خداعها بحلو الكلام
لكن بعد الزواج ستندم..

فما فائدة البيت والسيارة مع عجوز؟؟!!

تتزوج شاب مثلها وتبني معاه البيت طوبة طوبة خير

بصراحة أنا جد منزعجة من هذا الأستاذ..


ربي يقدرها على اتخاذ القرار السليم

[blanche rose]

شوفي واش كتبت صاحبة الموضوعhttps://www.djelfa.info/vb/showthread.php?t=1883915

هذه الفتاة بالرغم من أن الفارق نوعا ما مقبول إلا أنها محتااارة
وعندها الحق تسأل

لكن 51
والله خلعتيني
وغايضتني الطفلة هذي

أنا كي حكيت لراجلي تشوكا وقالي كيفاش تجرأ وقاللها؟!!
قالي اللي في الثلاثينات وراهم يترددوا باش يخطبو مولات18 19 20 21 22 23
فما بااالك واحد في الخمسينات
حتى لبنات تاع الثلاثينات ما يقبلوش بيه إلا إذا ظروفها قاااهرة والله غالب عليها..

وحكالي على واحد تزوج بنت صغيرة ومنبعد ولات تخونو مع نتاجها أو أقل..

والله غايضتني الطفلة..
هي وردة في أول شبابها وهو يريد قطفها ومن يدري..قد يرميها كما رمى التي قبلها..

والله قلبي محير عليها

ربي يسهللها باش تتخذ القرار السليم

[blanche rose]

رد على توضيحك الوارد في الموضوع التالي

https://www.djelfa.info/vb/showthread.php?t=1887720

الرسول صلى الله عليه وسلم شخصية لا مثيل لها
فلا وجه للتشبيه

وبخصوص أن فكره شبابي ويخالط الشباب..
فهذا لا يعني أنه يصلح للزواج ببنت العشرين..

وبعد الزواج ستكون هي بالبيت.. وهو يواصل تفكيره الشبابي مع باقي الشباب والشابات..

حذاري من الاندفاااع
الزواج ليس كلاما معسولا فقط..بل عشرة عمر..

عندما يكون عمره 61 هي 30
71 هي 40
81 هي 50

ربي يوفقكم