اشكرك اخي محمد من بعد هاذ القول مالقيت مانقول:
انت تكتب خويا وقامة //وما تطاوعش بني كلبون
حاشا الناس الفوهامة * اللي تقدر كل فنون
لا تهتمش بالفرضامة/// المتعجرف والمجنون
انت واحد من الحوكامة//خويا فارس فالملحون
نتمنالك كل سلامة--ويبقى شعرك كي لمزون.
لا تهتمّشْ لا تسمع للهامة
تشمئزّْ انْفوس من صوت العقّون
ياك انت حكيم أهل لفهامة
اما التَّيْسُ راه في جهلو مسجون
ولد اللَّبْوَة ما ترقالو قامة
و جرْوْ النَّبَّاحة بَعْوَاقْ وْ مَعْف
أنا تاني قلت له خويا مصطفى :
أنت واحد من الحوكامة //##// وقدرك عالي ممدود
ربي عطاك ضي أشهامة //##// وزادك صرح الجود
وكلامك فيه عبرة وملاامة //##// ويا سعدو اللي مرشود
ربي يجازيك بأحسن مقامة //##// في الجنة أتكون حدود
وراك داري بالفهم ولفهامة //##// اللي يحب الصح مجحود
في التاريخ دا عادو لحكامة //##// أصحاب التر وترتر أقود
اللي يبحث في الصح والهمة //##// يخيب ضنه مرفوض
اللي يطاوع الجيل ذا يعمى //##// جيل لا همة لا نفوذ
عمري ما شفت الحية وسط الما //##// زعفانة أحمرة لخدود
تتمايل مثل الريشة في السما //##// تتزير مثل العنقود
ربي يستر من هاذو العلما //##// اللي يسيرو بالوقود
الجيل دا خويا مصطفى نقمة //##// راقد في مرقد لقرود
الله يرحم اللي ماتو بعمامة //##// اللي كانو عن جد عهود
الصبح أقريب يهلل هذي الظلمة //##// الجيل ذا أبخس مرعود
الله يرحم اللي راحو في سلامة //##// صحة وهمة وجدود
أكفاني من لكتابة عن ذو القمامة //##// أقصايدي متحبش لورود
أقصايدي تحب أصحاب الفكر والهمة //##// اللي ربي عطاهم أوعود
والصلاة والسلام عليك يا حبيب الأمة //##// محمد حبيبنا محمود
ربي يزول علينا هادي الغمة //##// اللي جابت لضرار بالصفود
بقلمي // م . ح
نتمنى تعجبك هادي خويا مصطفى
( تقرير عن مشاركة سيئة )، و الموجودة أسفل كل مشاركة .
2015-11-05, 19:04
ردا على قصيدة الأخ // مصطفى اليوسفي
العرض العادي
