حكايتي مع حبة البيض لـ أم أماني ...

[وفاء الياسمين]

السلام عليكم و رحمة الله و بركاته

كيف حال الجميع يارب تكونو كلكم بعافية و خير
غبت قليلا عن المنتدى لأني كنت مشغولة بعرس لوسي ربي يبارك له و يهنيه

حكايتي مع البيضة ....


حبيت نعاون أهل زوجي في تحضيرات العرس فقدمنا كل الاقتراحات الي نقدروا عليها
ومن بينها أني نعمللهم الحلوة الي يقدموها لكن شرطتلهم شرط

أنه يقدمو الحلويات الجافة فقط بدون أن نبذر في مصاريف الحلويات التي أصبحت مجرَّد ديكور فقط وفي النهاية ترمى وهذا تبذير
وكانت هذه هي خطة السير

توكلت على الله و بدأت الحلوة
و لأني لم أحسن اختيار ما الحلوة المناسبة الي نبدا بيها بديت
بحلوة البيضة لأم أماني و أنا عمري ما درتها
عملت البلا الأول و كي طاب كان شكله مثل حبات البغرير يعني تفشت لعجينة و هبطت

أما البلا الثاني فكان يشبه حبة الخفاف أو السفنج هبط من الوسط فقط كيما السفنج

أما البلا الثالث جا شوي من الاول و شوي من الثاني
وبهذا تلمولي ستين حبة مخسرة ولا وحدة فيهم جاتني تشبه للبيض

حزنت و هبطلي المورال و حرت كيفاش ندير

ثم خممت مليح و لقيت بلي المشكل الاساسي هو الشكل أما الذوق راح يتصلح و تتبسس مع الوقت

حكمت سكين و حاولت ننحت الحبات و نرجعهم يشبهو للبيض
و بالفعل نجحت في الأمر و درتلهم الطلية و خرجو شابين بزاف
لكن بعد عناء طويل



من شدة قهري ما صورتش المراحل لكن صورت قبل ما نديهم

و زدت خدمت معاهم لي سابلي تاع ريما بارك الله فيها





و المشوك


وهذه هي حكايتي مع البيضة و العرس

و في الأخير استنتجت ملاحظات بإذن الله راح تفيدني في المرات القادمة

أولا كي ندير العجينة في الطابع ما نزيرهاش بزاف تتعجن و تولي يابسة
ثانيا منحطش لخميرة لأنها تهبطها
ثالثا حلوة الترك مع المعجون هي الي هبطتلي لعجينة
كي نحطها تطيب ما نحلش الفور حتى نشوفها صفارت يعني طابت لأنها تتفش

ومع الممارسة الانسان يكتسب خبرة

السلام عليكم

[ام محمدْ ومريمْ]

يعطيك الصحة

[RIMA.87]

و عليكم السلام و رحمة الله و بركاته
نهاية الحكاية راهي جميلة جدا و الحمد لله و حبات بيض و عليهم الكلام ،جزائرية حرة ،ربي يبارك فيك ،صراحة خرجولك روووعة
و تطبيقك لصابلي الطلية ممتازو في الاخير تتحقق المقولة الخبرة أساسها التجربة و يعطيك الصحة و العافية
سلااام

[raboha]

بارك الله فيك و يعطيك الصحة
و نستعرف بيك مرا و نص كي مرميتيش الحبات و انحتيهم بصح و الله ما بانو
و نستعرف بيك كي راييتي عليهم بالحلويات الناشفة و الله راي شباب
و هذاك التبذير فالحلويات غير خسارة
أنا اللي تغيظني علب الحلويات تشريهم غاليين و فالعرس كي تسربي القاطو تلقايهم مطايشين و لا يمدوهم لولادهم يلعبو بيهم
بارك الله فيك مرة ثانية

[ترانيم مطر]

يعطيك الصحة خرجوا هايلين ويبانو تحفة
وبارك الله فيك كى عرفت وش هما الاخطاء وما بخلتيش
علينا باش نستفادو جعلها الله فى ميزان حسناتك

[aquicha]

ما شاء الله عليك ام نسيبة ما عندى ما نقول مرا ونص وخمسة وعشرين عرفت هذا من خلال مواضيعك ومن خلال الروح الحلوة التى احسها فى كتاباتك حفظك الله اختى

[التشلساوية]

يعطيك الصحة

[om malouka staifia]

يعطيك الصحة و مبروك عليهم راني قريت و شفت التجربة انتاعك خرجت هايلة وراني حابة تعطيني الخبرة انتاعك مع الطلية لأني عندي مشكل معاها ارجو الرد

[أم إناس]

قصة جميلة. وفيها. هدف إنّو مع التجربة. كلشي سهل
والحلويات روووووعه ومتحوفين

[om malouka staifia]

يعطيك الصحة و مبروك عليكم راني شفت التجربة وخرجتي البيضة فور و راني حابة تعطيني تجربتك مع الطلية لأني حاصلة معاها و عندي مناسبة عرس اخي قريبية ارجو الرد

[خوخة02]

بصحتك جاوك هايلين

[faryal zahira]

نهاية سعيدة لقصة جميلة لا مستحيل مع العزم و الاصرار بصحتكم العرس

[RIMA.87]

المشاركة الأصلية كتبت بواسطة om malouka staifia

يعطيك الصحة و مبروك عليكم راني شفت التجربة وخرجتي البيضة فور و راني حابة تعطيني تجربتك مع الطلية لأني حاصلة معاها و عندي مناسبة عرس اخي قريبية ارجو الرد

اذا سمحت اختي ام نسيبة راني حطيت للاخت هذا الرابط لي فيه تجربتي للطلية ،ان شاء الله تستفادي منو اختي omalouka staifia
https://www.djelfa.info/vb/showthread.php?t=1697897

[saja hamed]

4444444444444444444444444444444444 يعطيك الصحة

[ام مريم الجزائرية]

اللله يبارك فحلة والقاطو هايل