مشكلتي

[مشكلتي]

السلام عليكم
انا فتاة عمري 28 سنة اعاني من وقت الفراغ ونهار كامل وانا نطلع ونهبط حابة ندير حاجة نشغل بيها نفسي من فضلكم عاونوني حابة ندير مشروع صغير ولا حاجة باينة اقترحو عليا الله يستركم

[AMINA.Z]

تقدري تروحي تتعلمي خياطة او طبخ و حلويات
يعني ديري تكوين في اي مجال تحبيه.
ادخلي مراكز تعليم اللغات و اقراي كتب يعني ثقفي روحك
احفظي القران و تعلمي اصول الدين الاسلامي
و اذا كنت متخرجة من الجامعة ابحثي عن عمل يملا فراغك و كوني انسانة فعالة في المجتمع
الخيارات كثيرة و متعددة فقط نظمي وقتك و اختاري ما تميل اليه نفسك
بالتوفيق

[rose de sable s]

راهو حل تكوين دير ماكثات في بيت او اي شئ اخر كروشي...
اعملي في روضة او احكمي ولاد في بيتكم انظمي الي مسجد او جمعيات لحفظ قران ستملا به وقتك

[houssem zizou]

إشغلي وقتك بما ينفعك في دينك و دنياك فالحياة ساعات معدودات
و الوقت فيها أغلى من الذهب
قال العلامة ابن القيم رحمه الله: تضييع الوقت أشد من الموت لأن الموت يقطعك عن الدنيا و ملذاتها
و تضييع الوقت يقطعك عن ذكر الله
الشاهد علينا أن نغتنم هذا الوقت بأفضل الذكر و هو القرآن الكريم
نتعلم ما جاء فيه من العلم و العمل على طريقة الصحابة و السلف رحمهم الله
و لا يتأتى هذا إلا بقراءة كتب التفسير كتفسير ابن كثير و ابن سعدي و تفسير أضواء البيان و غير ذلك
كما لا نهمل حفظه أيضا و الذي يدخل في تعلمه
فلو التحقتي بحلقة حفظ قرآن و تعلم التجويد مع الأخوات لكان أفضل
كما لا ننسى ذكر الله في كل وقت و حين كأذكار الصباح و المساء و غير ذلك
كل هذا من أسباب الخير التي تعود على صاحبها في الدنيا و الآخرة
أسأل الله أن يجعل أوقاتنا كلها عامرة بذكره

[طيور الجنان]

اختي تعلمي خياطة تشغلي وقتك و تخدمي على روحك بالتوفيق

[mino 19]

عاونوني حابة ندير مشروع صغير ولا حاجة باينة اقترحو عليا الله يستركم
-----------

كنتي تقولينا شحال عندك ميزانية باش نعاونوك اكثر

[أم ريتاج زهرة]

يا أختي ما كانش كيما الخياطة للمرأة الماكثة بالبيت بالتوفيق أختي

[* حبّ الله *]

خياطة ...كروشي .....صناعة و بيع الحلويات المنزلية .....تعليم اطفال الجيران انتاع التحضيري فالمنزل (حروف ووو ) ......جليسة اطفال ......

[الرميصاءْ]

توجد عدة امور
حضانة في المنزل
او تسجيل في تعليم محو الامية
خياطة امور سهلة و بيعها مثال طابلية تاع الكوزية او تاع المدرسة
او خياطة لحافات
صناعة حلويات سهلة واقتصادية تاع الطابع طرونية بكميات كثيرة وبيعها الى الحوانيت او المقاهي
وربي يوفقك

[وصال الجنة]

حفظي قرآن .. خياطة ولا حفافة ....

[fofo annabia]

وش قال الرسول صلى الله عليه و سلم (نعمتان مغبون فيهما كثير الصحة و الفراغ)