|
في حال وجود أي مواضيع أو ردود مُخالفة من قبل الأعضاء، يُرجى الإبلاغ عنها فورًا باستخدام أيقونة ( تقرير عن مشاركة سيئة )، و الموجودة أسفل كل مشاركة .
آخر المواضيع |
|
الغروفـات اكلتي التقليدية المفضلة
|
أدوات الموضوع | انواع عرض الموضوع |
2015-09-09, 21:06 | رقم المشاركة : 1 | ||||
|
الغروفـات اكلتي التقليدية المفضلة
السلام عليكم ورحمة الله وبركاته
اليوم جبت لكم أكلة تقلدية لذيذة انا شخصيا تعجبني بزاف الاكلة هي تشبه لحد كبير البغرير او كما نسموه عندنا الغرايف الاكلة هي مؤنث الغرايف اسمها ~الغروفات ~ الحقيقة ما صورت المقادير حتى تفكرتكم قلت نفيدكم بالوصفة وان شاء الله تعجبكم المقادير انا استعملت كمية كبيرة لعائلتين حسب عدد الافراد 9 بيضات لتر ونصف ماء دافي 2 او 3 ملاعق كبيرة زيت ما تكثري حتى تقدري تطيبيها ( انا استعملت 2) ملعقة كبيرة خميرة الخبز ملح ~~~~~ اخلطي كل المقادير ثم اضيفي دقيق متوسط ( عينك ميزانك مايكون جاري بزاف كما البغرير وما يكون ثقيل) غطيها واتركيها تخمر جانبا مدة عشرين دقيقة تقريبا بعدما تخمر زيدي خلطيها مليح بالمغرف واذا لقيتها عاقدة شوية وما انطلقت لك زيديها لها كمية من الماء دافي وحركي انا اضفت تقريب كاس ما دافي على حسب الدقيق ثم نأتي لمرحلة الطياب في الطاجين طبعا الطاجين كل واحدة كيف مالفة تدهنوا لما طيب البغرير كاين اللي يدهنوا ببياض البيض او صابون الطرف ويفوت عليه قطعة قماش بسرعة كل واحدة وطريقتها المهم نطيب من الوجه الاول كما في الصورة ولما ينشف نقلب بخفة وانتبهي تطيح لك لانها مبسسة بزاف لذلك قلت لك ما تكثري الزيت قيس 2 او 3 مغارف بزاف عليها لما ينشف الوجه الاول اقلبيه بخفة باصابعك على الوجه الثاني غير قيس ما ياخذ لون خفيف فقط الصور توضح لك لاحقا بعد الطياب اسقيها بالزبدة الذايبة الغرايف كاين الي يحبوا بالسكر او العسل لكن الغروفات تاع اليوم بالزبدة فقط اليكم الشرح بالصور هنا كثافة الخليط قبل ما نطيب لقيته شوية ثقيل بعد ما تخمر اضفت له شوية ماء لما تصبي في الطاحين وتبدا تنشف من الجوانب قلبي بخفة باصابعك من احدى الطرف بعد ما تقلبي هنا المرحلة الاخيرة عند التقديم
آخر تعديل مياسم الصمت 2015-09-10 في 10:44.
|
||||
2015-09-09, 21:14 | رقم المشاركة : 2 | |||
|
امممممممممممممممممممممم |
|||
2015-09-09, 22:04 | رقم المشاركة : 3 | |||
|
ما شاء الله شهيتيني و فتحتي شهيتي يعطيك الصحة هذا الوصفة |
|||
2015-09-09, 22:15 | رقم المشاركة : 4 | |||
|
يعطيك الصحة اختي مياسم |
|||
2015-09-09, 23:10 | رقم المشاركة : 5 | ||||
|
اقتباس:
اهلا ام عروة
اكيد بنينة انا تعجبني خير من الغرايف جربيها بالخطوات ولو بكمية قليلة وان شاء الله تنجح لك |
||||
2015-09-09, 23:11 | رقم المشاركة : 6 | ||||
|
اقتباس:
الله يسلمك اختي
هي اكلة تقليدية غير معروفة كثيرا حتى في مدينتي هناك من لا يعرفها لذلك حبيت نشاركم بها |
||||
2015-09-09, 23:16 | رقم المشاركة : 7 | ||||
|
اقتباس:
الله يسلمك اختي ام كوثر
ايه هي مثل الغرايف الفارق انها فيها كمية معتبرة من البيض وايضا الغرايف كاين اللي نعجنوه هذي لا ما تتعجن وثاني ما الخليط ما يكون جاري بزاف كما الغرايف لكنها خفيفة وبنينة تشهي فقط شوية صعيبة في الطياب ممكن تتكسر لك وطيح اذا جاتك مبسسة بزاف انا بالكمية هذه جاتني مليحة وقلبتها بسهولة يعني كل 3 بيضات مقابل نصف لتر ماء دافئ والدقيق عينك ميزانك وبعد التخمار اكيد تثقل نزيد نحلها بشوية ماء دافي حتى تطلق رحها شوية لكن ما تكون جارية بزاف كما الغرايف الكمية هذه بزاف تقدري تاخذي كتجربة ثلث الكمية وتشوفي لكن جربيها واكيد تعجبك |
||||
2015-09-10, 08:10 | رقم المشاركة : 8 | |||
|
روووووووووووووووعة هداك واش يحب الخاطر تسلم يديك حلو وجاب حلو |
|||
2015-09-10, 09:07 | رقم المشاركة : 9 | |||
|
بارك الله فيك |
|||
2015-09-10, 09:30 | رقم المشاركة : 10 | ||||
|
اقتباس:
الله يسلمك ام ياسين
اذا كنت تحبي هذا النوع من الاكلات التقليدية فاكيد رايحة تعجبك |
||||
2015-09-10, 09:32 | رقم المشاركة : 11 | |||
|
وفيك بارك الله اختي ام فريال شكرا لمرورك |
|||
2015-09-10, 09:38 | رقم المشاركة : 12 | |||
|
مشكورة مياسم على الوصفة والصور ,,,اكيد لذيذة من يديك |
|||
2015-09-10, 10:34 | رقم المشاركة : 13 | ||||
|
اقتباس:
الله يسلمك اختي همسات
الوصفة فعلا لذيذة لمن يتقنها وان شاء الله تنجح لك فقط جربي بكمية قليلة حتى ما تقلقي منها جربي ثلاث بيضات بزاف وان شاء الله تنجح لك |
||||
2015-09-10, 14:25 | رقم المشاركة : 14 | |||
|
بارك الله فيك اختي مياسم والله منين شفت الوصفة أخذني الحنين لأيام زمان وين كانو أهلي يديروها |
|||
2015-09-10, 21:29 | رقم المشاركة : 15 | |||
|
ما شاء الله عليكي حبيبتي |
|||
الكلمات الدلالية (Tags) |
المفضلة, التقليدية, الغروفـات, اكلتي |
|
|
المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى
المنتدى غير مسؤول عن أي إتفاق تجاري بين الأعضاء... فعلى الجميع تحمّل المسؤولية
Powered by vBulletin .Copyright آ© 2018 vBulletin Solutions, Inc