![]() |
|
قسم الحلويات قسم مخصص للحلويات و المواضيع فيه حصرية للمنتدى |
في حال وجود أي مواضيع أو ردود
مُخالفة من قبل الأعضاء، يُرجى الإبلاغ عنها فورًا باستخدام أيقونة
( تقرير عن مشاركة سيئة )، و الموجودة أسفل كل مشاركة .
آخر المواضيع |
|
بـ'ـقلاوة بالتفضـيل الممـل مـن مطبـخ شمـ'ـس
![]() |
|
أدوات الموضوع | انواع عرض الموضوع |
![]() |
رقم المشاركة : 1 | ||||
|
![]() صباح/مساء الخير وقت ما قريتو موضوعي بمناسبة عيد الفطر المبارك نقلكم صحى عيدكم وكل عام وانتوما بخير تعيدو بالصحة والهنا يا ربي وتقبل منكم صالح الاعمال اليوم جبتلكم بقلاوة بعجينة الفيلو درتها في العيد وكانت اول تجربة ليا فيها وخرجة هايلة وانبهرت فيها لاني كنت خايفة ما تصلحليش وتروح نعمت ربي خسارة وكي صلحت قلت نحطهالكم تستفادو منها وتجربوها خاصة المبتدئات كيفي نبداو بالمقادير العجينة اربع كيلات فرينة انا كيلت ب باط الزبدة تاع 500 غ نص كيلة سمن ولا زبدة رشة ملح ماء وماء الزهر الحشوة ثلاث كيلات كوكاو محمص ومدشش نص كيلة سكر عادي فاني وانا زدت منكه نتاع اللوز العسل باش نسقيوها في الاخير مخلط معى ماء الزهر والنشاء للتوريق لانو البقلاوة هاذي مش بالسمن راح نستعملو النشاء التوريق وهيا طريقة افضل من السمن اقتصادية وساهلة نبداو معى الطريقة خلطي الفرينة والسمن يكون بارد بسسي الفرينة و امحريها مليح بيدك باش يدخل السمن فيها و يروحو منها الكراكب زيديلها الملح رشة خفيفة باش ما تجيس مسوس خلطي ماء الزهر معى الماء وابداي اعجني حتى تولي عجينة طرية اقسميها ل سبع 07 كريا علابالي راح تقولو علاه سبعة ضركا نقلكم ست 06 كريات متساويين نتاع الطبقات اما الكرية السابعة تكون صغيرة باش نشكلو بيها الوردات ولا ****اجة الي نزينو بيها شفتو الكرية الي في الدائرة هيا الصغيرة الي راح نزين بيها حطيهم في ساشي وخلي العجينة ترتاح قد ما رتاحت قد ما راح تخرجلك هايلة وتمشيلك هذ كملنا العجينة نروحو للحشوة نفضل انو تخلي ما تخدميهاش حتان تبداي تحلي في العجينة لخاطر تيبسلك الكوكاو ديريلو الفاني والسكر والمنكه بعدها اعجنيه شوي مش ياسر مش حتان تتعجن لالا خليها تتفرتت شوي لخاطر من بعد تسقيها راهي تحكم روحها نرجعو للعجينة انا استعملت المشينة عاونتني شوي افتحي الكرة الاولى بالطول بعدها نمشيها في المشينة في الرقم 04 نمسحها بالنشاء ونطبقها ونبدا نحل فيها بالعرض حتان تولي قد البلاطو الي راح تخدمي بيه وما تخافوش من العجينة كي تعودو تحلو فيها راهي ما تتقطعش كل ما حليتوها تتكسل انا استعملت البلاطو تاع الكوشة افتحي ثلاث كريات الاولين كما قتلك كل وحدة طبقيها على زوج وديري وسطها النشا باش تولي مورقة ادهني البلاطو بالسمن ولا الزبدة فرشي الطبقة الاولى امسحيها من فوق بالنشا ديري الطبقة الثانية وامسحي بالنشاء وزيدي الثالثة وبما انهم مطبقين ولاو عندنا ست طبقات انا درت كل وحدة وحدها كي عادت اول تجربة كاين لي يفتحوهم معى بعض مرة وحدة وكما قتلك مابين الطبقات امسحي بالنشا باش تجي مورقة فرشي الحشوة ومشيها مليح بيدك ورصيها زيدي كملي باقي طبقات العجينة كملنا الطبقات نروحو للكرية الصغيرة السابعة حليها مليح وطبعي الشكل الي راح تزيني بيه انا درت شكل ****اجة اقسمي العجينة كما تحبي مربعات ولا معينات والمربعات اسهل كل مربع ارشقي فيه ****اجة وحبة كوكاو ذوبي شوية سمن وامسحي من فوق الحبات حطيها طيب انا حكمتلي 50دقيقة في الكوشة العادية نتاع الغاز مش لفور نتاع التريسيتي ومن بعد حمريها من فوق تدي الون الذهبي فقط ما تخلوهاش تتحرق ملاحظة نسيت ما قلتلكمش العجينة على الحواشي دخليها لداخل انا المرة الاولى ما كنتش عارفةخليتها على برا ومن بعد شفت في فيديو نتاع قناة سميرة فارس جيدي حكم العجينة نتاع الحواشي ودخالها لداخل بالموس وقال باش ما تتحرقش درت كيفو وهيا سخونة جيبيباط عسل صغير نتاع المرجان وزيديلو ماء الزهر واسقيها مليح راهي من بعد تنشف وخلي لعسل شوية ثقيل هنا كي خرجتها وسقيتها ولغدوة راح تلقايها نشفت قطعيها وبالصحة والهنا هنا لغدوة كي قطعتها وحطيتها في الكيسات هاذي اول حبة لاول وحدة تحط رد وهذا سحن للباقي اقسمو معى بعضاكم وهاذي سينية القهوة باسم الله وكاقتراح زينيها بالبريون راح تخرج كي نتاع الاعراس وبالصحة والهنا ان شاء الله تجربوها وتعجبكم راه ذوقها خيرمن تاع برا بشي بعيد ونضيفة وبنينة سلااااااااااااااااااااام
|
||||
![]() |
![]() |
رقم المشاركة : 2 | |||
|
![]() مشكوووووووورة ههه مع اني لم ارى الشكل النهائي |
|||
![]() |
![]() |
رقم المشاركة : 3 | |||
|
![]() ماشاءالله خرجتلك روعة بصحتكم. |
|||
![]() |
![]() |
رقم المشاركة : 4 | |||
|
![]() عيدك مبارك ،يعطيك الصحة |
|||
![]() |
![]() |
رقم المشاركة : 5 | |||
|
![]() بارك الله فيك اختي |
|||
![]() |
![]() |
رقم المشاركة : 6 | |||
|
![]() روعة بارك الله فيك
|
|||
![]() |
![]() |
رقم المشاركة : 7 | |||
|
![]() يعطيك الصحة و شكرا على الشرح هاك الاخوات و البنات اللي بداو يتعلمو تفيديهم بزاف وفقك الله |
|||
![]() |
![]() |
رقم المشاركة : 8 | |||
|
![]() روعة تسلمي يا غالية |
|||
![]() |
![]() |
رقم المشاركة : 9 | |||
|
![]() الله يبارك ماشاء الله عليك |
|||
![]() |
![]() |
رقم المشاركة : 10 | |||
|
![]() روعة بارك الله فيك |
|||
![]() |
![]() |
رقم المشاركة : 11 | |||
|
![]() ماشاء الله كل عام و انتم بخير |
|||
![]() |
![]() |
رقم المشاركة : 12 | |||
|
![]() machaallah merciiiiiiiii |
|||
![]() |
![]() |
رقم المشاركة : 13 | |||
|
![]() يعطيك الصحة وكل عام وانتم بخير |
|||
![]() |
![]() |
رقم المشاركة : 14 | |||
|
![]() ربي يخليكم يعطيك الصحة |
|||
![]() |
![]() |
رقم المشاركة : 15 | |||
|
![]() بااااااااااااارك الله فيك اختي |
|||
![]() |
![]() |
الكلمات الدلالية (Tags) |
مطبـخ, الألـم, بالتفضـيل, بـ'ـقلاوة, شمـ'ـس |
|
|
المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى
المنتدى غير مسؤول عن أي إتفاق تجاري بين الأعضاء... فعلى الجميع تحمّل المسؤولية
Powered by vBulletin .Copyright آ© 2018 vBulletin Solutions, Inc