ساعدوني قريب نولد

[هبة الله26]

مساء الخير وصح فطوركم,,,,,,حبيتككم تعاونوني عندي اختي قريب تولد وهذا المولود الأول وحابة تعرف وش لازم تدي معاها للمستشفى كي جي تولد ,,,,,,,انتمنى نلقى ردود من عنكم وصح سحوركم وشكرا مسبقا

[هبة الله26]

37 مشاهدة ولا رد حشمتوني قدام اختي وانا غير نشكر ونعاود قلتلها عليك وعلى منتدى الجلفة

[بنت ابوها~]

بالنسبة للبيبي ليكوش و كوفيرطة خفيفة و تبديلة حسب واش عندها و les lingettes بالنسبة ليها تاخذ بيجامة مناسبة للرضاعة و غيرات داخلية و ساك تواليت فيه صابون و dentifrice et brosse a dent و منشفة هذا واش جا في بالي كان زدت تفكرت حاجة راح نكتبها

[loji]

ربي يعطيها وقفة ساهلة بالنسبة للبيبي تدي كوفيرطة ماشي خشينة لاننا في الصيف تدي لي كوش للبيبي 2 بزاف تدي زوج تبديلات مع القمايط تدي بيبرون صغير تغليه وتدي شوية ماء زمزم وسكر لانوا ميطيحش فيها الحليب على الاقل باه تصبروا بالنسبة ليها عندها بيجامة مع الكيمينوا ديالها ملابس داخلية هي تعرفهم تدي منشفة و ساك تواليت تدي ترموس حشواش وقرفة سخونين قلها تدعيلك وتدعيلنا وربي يسلكها على خير

[nesrinwarda]

السلام عليكم ورحمة الله وبركاته
نزيد واش قالو سرابت ليها و لبيبي، بلايغ normal و بلايغ en plastic ، تقاشر،
زيدي شوفي دردشة الحوامل .

[0ibtissam]

سلام عليكم نزيدلك اضفات على واش قلو اخوات تدي معها 02 سرابت صغار متصحقهمش لانو كي زيد البيبي لزم يمسحلو ويمسهلو ومبعد يرموهم قلها تحط حوايج البيبي في سشي فيها قغنوياغ كوش وقماط وفش باه قبلة تجيها سهل وتحط ليها بيجما وملابس دخلية كفيرط فرجية لي تحط فيها بيبي وتزيد بدل اخر لبيبي تحطها في كبتها وحدها ربي يعطيها وقف ساهل ان شاء الله

[Simassim]

ربي يسهل ولادنك اختي. شوفي الموضوع في توقيعي. وزيدي شوفي الردود فيها نصايخ. يمكت يفيدك

[حياة نور الدين]

المشاركة الأصلية كتبت بواسطة simassim

ربي يسهل ولادنك اختي. شوفي الموضوع في توقيعي. وزيدي شوفي الردود فيها نصايخ. يمكت يفيدك

بارك الله فيك موضوعك رااااائع

[aymaneee]

انا ام ايمن نزيد فوق ما قالو الاخوات سابقا ادي معاك كحل االعين و ريحة يعني ساك تواليت فيها كامل الاحتياجات تاعك. و بالل ما تنساي ليكوش اديلت ليك نتيا 2بوات . وربي يجيبلك وقفة ساهلة ليك وليا ان شاء الله.

[hano.jimi]

ربي يسلكها على خير تحضر كابتها فيها بيجاما ولا اثتين ملابس ذاخلية فوط قرعة صغيرة زيت زيتون مرحما مش بعد ماتولد تدهن راسها بزيت الزيتون وتربطو مليح

ساك طوالات تاعها وتدي معاها ديسير ياقورت جو ماء سعيدة

اما البيبي درلو كابة وحدو تغلي بيبرو وسوسات توجد قرعة صغيرة فيها ماء زمزم للبيبي وتركو ولا اثنين ليكوش ماء سعيدة باطة حليب لانجات .2بساط ات درا .ريحا تع بيبي وتبخر
قشها وقش بيبي
ونهار ليجي لوجع تقرا سورة مريم .زلزلة وتستغفر وتحاول تاكل وما تشربش قرفة ولا حشاوش كي يجيها وجع
ربي يسلكها على خير