ساعدوني

[ام سوهيل]

مسائكم فل ويسامين

من فضلكم غدوة عيد ميلاد بنتي حضرتلها تورة صغيرة بصح لكرام شونتي محبتش تطلع من فضلكم الي مالفين يخدموها يعطوني الطريقة والمقادير من فضلكم

باش نحضرهالها اليوم ونفجئها بيها غدوة

ورمضانكم كريم وتصومو بي الصحة والهناء

[أم فاطيمة]

عيد ميلاد سعيد حبيبي
ديري 5 مغرف معمرين مليح شوني و مغرف سكر قلاصي
و كاس حليب بارد حتى يدير طبقة خفيفة نتاع قلاص و الاناء لي ضربي فيه
حتى هو يكون بارد مليح و ضربي في اقصى سرعة للباتور لمدة 10 دقائق
حتى تشوفي دارت امواج انشاء الله تصلحلك

[آسيا 27]

سلام عيد سعيد لبنتك و عقبال 1000سنة
الشونتيي لازملها الماء يكون بااااااارد جداااااااااااا
و المقادير انا نكيل البودر و الماء مثلا ندير كاس شونتيي معاها كاس ناقص ربع ماء بارد و نخلط بالباتور سرعة قليلة 3 دقايق و من بعد نزيد في السرعة حتي تطلع
ان شاء الله نكن فدتك
سلام

[ارزاق]

انا كنت نديرها بالحليب لكن باه جيك ذوق بنين في التارت وليت نحط باط ياغورت كرامال ومن بعد نحط الشونتي مقدارقليل يعني فنجال ونخلط ونشوف القوام اذا مش حاكمة روحها مليح زيدي بودرة الشونتي هي من الاحسن تكون ثقيلة ودير امواج باه التزيين يكون ملح
باط الياغورت حطيه في المجمد يبرد باه تكون نتيجة مليحة وممكن ضيفي فيها 2مكبار تاع فلون ذوق كرمال او شيكولا مع الياغورت
نشالله تنجحي وتفرحي بنتك

[أم ياسين الزهراء]

100 غ شانتي + كاس حليب بارد + بواطة فلن نوارة الدوق اللي تحبي تطلع هايلة وتجي حاكمة روحها

وسنة حلوة

[lyzzabel]

ام سهييل لااكان ما طلعتش ملييح زيدي ضربي ما تحبسييش خااطرش بوودرة الشاانتيي كااين أنوااع ،، منها لي تطلع بلخف و منها لي تبطي يلييق تضربييها بزااف بااش تحكم رووحهاا ،، و الحلييب يكون بااااااااارد جداااا ،، ولاكان ما صلحتلكش ننصحك تديري لا كراام موسليين تجي شاابة و زيني بييهاا

عييد ميلااد سعيييد للبنووتة و ربي يحفظهاا و يكبرهاا على الديين و الطااعة اللهم آميييين

[imanaz]

لازم يكون الحليب او الماء المستعمل بارد بزاف حطيه في المجمد 10 دقائق قبل الخفق
حتى المطبخ تاعك مالازمش اكون سخون لازم تهوية و الا تحبطلك الكريمة (عن تجربة)

[sunshine2013]

كيما قالو الأخوات و إن شاء تصلحلك
ربي يخليلك الأمورة الصغيرة و عيد سعيد

[بت البويرة]

نفس الطريقة انا دائما نديرلها 1 فلان نوارة على حساب ذوقك زيدي 5 مغارف شانتي زيدي كأس حليب تقريبا جامد راح تطلع بسرعة عيد ميلاد سعيد

[ام سوهيل]

شكرا شكر لكن حبيباتي فرحتوني من قلبي انا ملف نستعملها وتطلع بصح هدى المر محبتش تطلع ومرضتني حتى دخلني الشك وقلت وقيلى تلفت كيش يخدموها برك الله فيكم

[amirasimsim74]

طلعيها بالماء ما تزيديلها والو تخسرلك