|
|
|
|||||||
| منتدى الرياضة الجزائرية منتدى يهتم بشؤون الرياضة الجزائرية ، من أخبار ، نتائج، تحاليل و تعليقات ... |
في حال وجود أي مواضيع أو ردود
مُخالفة من قبل الأعضاء، يُرجى الإبلاغ عنها فورًا باستخدام أيقونة
( تقرير عن مشاركة سيئة )، و الموجودة أسفل كل مشاركة .
| آخر المواضيع |
|
الجزائري يخاف هههههه..... عيب تقولها و لكان بضحكة
 |
|
|
أدوات الموضوع | انواع عرض الموضوع |
2009-09-06, 03:21
|
رقم المشاركة : 1 | ||||
|
الجزائري يخاف هههههه..... عيب تقولها و لكان بضحكة
السلام عليكم
صح فطوركم و الله أنا راني مخلوع واش راهوا صاري في المنتدى .... ردود و مواضيع غريبة... و احد داير موضوع راني خايف و لاخر يقول ربي يستر و الاخر أدعيو ربي .. واش هاذي الهيلولة الخلوطة الهدرة الي ما فيهاش فايدة..... عيب عيب جزائري يخاف ... الجزائري عمروا مخاف .. لكان جينا خوافين منا عايشين و مناش في هاذي الحالة ... الموت و مخفناش منها ماتش يخوفني §!!!! شوف الناس الي تروح للستاد و تقطع مئات الكيلومترات ... الجزائر لعبت في الشتاء و الستاد معمر و في الربيع و الستاد معمر في رمضان و الستاد معمر .. لأن هاذوا الناس بأمنوا بلي الجزائري قوي و ميخافش نعم ... يأمن بلي فريق تاعوا فيه الرجال و الراجل ما يرجعش في كلمتوا ما يخونش الأمانة و ميخدعش الناس... نعم... كيف البارح المورال طالعلك و تقول الجزائر فور الجزائر طيارة الجزائر واعرة الجزائر .. الجزائر و اليوم .... هههه راني خايف... منين خايف منين يا راجل يا جزائري ... اااه المصري يخوفني ... أو بكلمة أدق فوز المصريين يخوفني... لا لا لا ميشي هكذا.... لأن المصريين ربحوا روندا و أصبحوا قريبين منا بنفس عدد النقاط. واش كنتوا تستناو مصر تخسر باش أحنا تجينا ساهلة و نروحوا للمونديال .... لا لا لا منسحقش أنا التأهل الي يجي من عند المصريين ... كيفاش تسمى أحنا نتأهلوا لأن المصريين خسروا .... مكاش منها عيب يارجال أحنا التأهل أنجيبوه ذراع بالقوة بالعزيمة بالفوز ... نعم بالفوز .. و ليس الفوز على زمبيا أو روندا إنما الفوز على المصريين ذهابا إيابا .... متنساش بلي الجزائري زعيم ... وين أيروح زعيم ... و يبقى زعيم...  أخي لازم تفتخر بأنك جزائري لأن الجزائر مخلاة حتى بلاد حتى القمر رانا نسالوا فيه ... نعم صدق أو لا تصدق هاك الدليل ... عمر راسك  وزيد قولي كاش واحد يدير كما أحنا كاش ..... لالا مكاش .....الجزائري راسة spéciale  خويا ما تزعف ما تقول الحال بعيد غدوة نربحوا إنشاء الله و تعشي فرحان سعيد... و الي معجبوش كلامي و يشوف بلي غلطت في حقوا ييسامحني .. أحنا خاوة مبيناتناش عداوة و منخلوش العديان يستشفاو فينا... و مزلنا على ديدانا البلاد الي جابت الشهداء الله يرحمهم و الرجالة الي داروا تاريخ ... و بلومي ماجر عصاد بطروني ... وزيد وزيد .... وزيدان الحقاني تاع 82 و زيدان تاع فرنسا ..... و اللرجالة تاع اليوم... و الرجالة تاع الغدوة .... و تاع غير غدوة.... راكم تشوفوا .... البلاد الي عندها تاريخ متموتش ....... السلام عليكم
|
||||
|
|
|
|
المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى
المنتدى غير مسؤول عن أي إتفاق تجاري بين الأعضاء... فعلى الجميع تحمّل المسؤولية
Powered by vBulletin .Copyright آ© 2018 vBulletin Solutions, Inc
العرض العادي
