جارنا حكيته حكاية

[ويناروز]

حبيت نحكي اليوم على جارنا العزيز
معاناتنا معاه تكاد تكون يومية
في الحقيقة لا نسكن العمارة والاكانت كارثة معه

جارنا يحب الماء لدرجة لاتوصف الماء ياتينا يوم بيوم

عندما يكون دورنا في الماء
يخرج قبل الفجر يحمل خرطوم الماء زعما يسيق
لما نخرج نجد بركة الماء ولكم ان تتخيلوا ماذا ياتي مع المياه
يوميا لنا موعد معه طريقته هاته لم ولن يغيرها ابدا
هذا الجار
اما ماشاء الله ابناؤه الذكور لهم هواية تربية الحمام فوق سطح المنزل
واذا جلست تستنشق الهواء العليل
فلك برائحة الحمام وهديل الحمام
والريح ياتينا بريش الحمام على حسب لون الحمام
يالله اصبحنا نتمنى رحيله اليوم قبل الغد
هذا القليل ....فلااحكي لكم عندما يكون عرس في حيينا
تجده مع اهل العرس كانه من اهل البيت

اعرف انه هناك من كان من نصيبهم
جيرانا كالاهل واكثر ......وهناك من يعانون من هكذا نوع من الجيران
بانتظار تدخلاتكم .....او انكم كحالنا تفظلول
شكرا

[chouchou w]

تلحمد لله منين كنات وجيرانا الله بارك اما انت اختي ربي كون فيعونكم سلام

[eBusiness]

حياك الله أختي الفاضلة نيروزة
هذا جار يابنة ما يحشمش... الله يكون في عونكم معه !!!
أما بالنسبة للحمام هناك نوع من الحيوانات نحن نسميها "تازكطة" في منطقتنا لكن للأسف لا أعرف إسمها الحقيقي باللغة العربية وهو حيوان صغير يشبه القط البري لكن أكبر منه بقليل وهو من اكلات الطيور من دجاج وبط وكل الدواجن والطيور بما فيهم الحمام لهذا أنصحكم بجلب تازكطة هذه من الغابة وحينما يسقط الليل أرموا بها في سطح الجار حينها لن تبقى له حمامة واحدة وفي الغالب الحمام كله سيهرب ولن يعود من شدة الخوف من تازطكة هذه هههههههه... هي تشبه الحيوان الذي في الصورة :

أنا عندي جاري كان ينظف القسم الملاصق لبيته ويغفلنا ويرمي ما نظفه في ساقية كانت بالقرب من بيتنا، نصحناه أكثر من مرة لكن لم يكف عن تصرفاته الصهيونية وأصبح يغفلنا ويعاودها وأنا ما كان عليا إلا أن أحمل كل ما رماه من تراب وأرده بالقرب من عتبة بيته حتى تربى ولم يعد يكرر الأمر من جديد... جيران مثل هؤلاء يجب الحزم معهم منذ البداية... رب يكون معكم مع هذا الجار

[smahi_hb]

المشاركة الأصلية كتبت بواسطة راحـيل

حبيت نحكي اليوم على جارنا العزيز
معاناتنا معاه تكاد تكون يومية
في الحقيقة لا نسكن العمارة والاكانت كارثة معه

جارنا يحب الماء لدرجة لاتوصف الماء ياتينا يوم بيوم

عندما يكون دورنا في الماء
يخرج قبل الفجر يحمل خرطوم الماء زعما يسيق
لما نخرج نجد بركة الماء ولكم ان تتخيلوا ماذا ياتي مع المياه
يوميا لنا موعد معه طريقته هاته لم ولن يغيرها ابدا
هذا الجار
اما ماشاء الله ابناؤه الذكور لهم هواية تربية الحمام فوق سطح المنزل
واذا جلست تستنشق الهواء العليل
فلك برائحة الحمام وهديل الحمام
والريح ياتينا بريش الحمام على حسب لون الحمام
يالله اصبحنا نتمنى رحيله اليوم قبل الغد
هذا القليل ....فلااحكي لكم عندما يكون عرس في حيينا
تجده مع اهل العرس كانه من اهل البيت

اعرف انه هناك من كان من نصيبهم
جيرانا كالاهل واكثر ......وهناك من يعانون من هكذا نوع من الجيران
بانتظار تدخلاتكم .....او انكم كحالنا تفظلول
شكرا

donc جاركم احب الماء ويربي لحمام وازيد يدخّل فلعراس؟؟؟؟ ونعم الجار .....هههههههههههه

..... والله غير باصيتو ع الصبح............ ههههههههههههههههههههههههه

واش نقولك .... ربي اكون فالعون برك ....... وخاصة انو احب الماء بزاف ، كش نهار تلقاو رواحكم تعومو كامل داخل الدار.

[مريم الصابرة]

السلام عليكم نيروز اهلا وسهلا اختي
هذا الجار لو كان جارنا انا نربي السبوعة نطلقهم ياكلوه. يا لطيف كاين جيران تقولي نحرقهم شوفي انا جيراني الحق كلهم ملاح مرة سكنو قدامنا سوريين انا لما نطلع فوق الدار نطل عندهم فلاكور وليت ما نطلعش على خاطر كاين زوج وشابين ولادو وبنات المهم لما نجو نرقدو واش نقولك باب الحاره هوما كاللي طلع النهار عندهم جابو معاهم توقيت دمشق ويبداو تؤبرني ويا حلا وهلا وشو بدك وتعي من هون ويا مو واش نقولك سكتت فالاول قلت معليش مساكن لاجئين الحرب وهاملين من بيوتهم ونزيدهم انا شوي يامات زادو وانا نبات مريضة واش نقولك ونطلع ليهم فوق الدار عيطتلها للمرا قتلها سوفي حبيبتي راكي هنا ساكنه تاكلي الخبز ومخبيه من الحرب احمدي ربي اما يجيك ابو عصام على 12 نتاع الليل راح نجيبلك انا علي لابوانت وبوحيرد المرا تخلعت رجعت تقولي من عيوني ولك نحنا جيران وانتو اغلى ناس والله وبحبكن وبعتذر قتلها خلاص ابنتي مسلسل وبعدو رجعت صديقتي ههههه وعلمتني طياب سوري هههه وانا اكيد علمتها معاير بلهجتنا هههههههههه
اما اختي فهي تعاني من جيران كجاركم الما عند الباب السهره فالليل تقولي دارو قاعة حفلات وزوج اختي يقادر الجيران شعال من مرة حكى معاه لكن والو
ربي يهديهم شكرا وخليني نجيك نهار يرحل جاركم غرانتي

[مانقراش]

هادي حالة لي يعيش في باطيمة ، تبغي و لا تكرهي
و زيد ، كون غي عندي جار كيما هاك يوڨوفلي في عرسي
الدنيا و ما فيها
و ادا خصك الهواء النقي روح تحوس برا ، روح ل jardin
روح شوف كاش complexe
قوليلهم رانا رايحة نشري و ديري رايك
جببي معاك حتى réservoir نتع الهواء نقي

































ديجا وين يسكن هادا جاركم ، عرسي راه قريب ؟؟

[bourayou]

يوالم جار تاع ذيب

[sunshine2013]

السﻻم عليكم
كاين شي عباد مش مليح معاهم الحشمة و القدر ﻻزم تحمار العين
كيما وحد البنادم كان جار جداتي ، يسكن فوقها المهم قام بأشغال و ماخدمش مليح حتى حاشاكم التواﻻت وﻻت تقطر على جداتي مسكينة قالت لخالي شوف اهدر معاه و خالي يحترم بزاف الجيران هدر معاه قالو مش مشكل دوك نفريها دربو شحال من شهر و هو يدخلو بالبارابلي للتواﻻت من الحشمة و القدر اللي مش في بﻻصتو حتى هدر معاه خالي الكبير و حمر عينو باش فراو المشكل

[نور الرحمة]

سلام لازم كل حومة فيها جيران مشاكسين فكرتيني في جارنا الله يرحمه هو عندوا الدراهم بزاف وكانت داروا كبيرة تانيك وكان مغرور يحب جيب البلى مكان اخلينا نلعبوا برا لا نجرو لا والوا يسمع حسنا يخرج يضربنا بالحجر بصح حنا كنا دائما نتمسخروا بيه وكان مقلق لدرجة كبيرة وكان دائما في شجار مع الجار لي لاصق فيه حتى دخلوا لشرع والمحكمة والعديد من الشجارات مع اولاد الحومة ومرتو مسكينة مكانت تهدر والوا مرت على هذه الحكايات حوالي عشر سنوات حنا هداك الوقت كنا صغار منعرفوش وكبرنا عرفنا بلى جارنا مريض مرض الاعصاب ميحملش الحس هو الان مات عندوا تقريبا عام ربي يرحمو ويغفر له ولكل الاموات
وحومتنا اصبحت صامتة جدا

[معتزة باسلامي]

ادعيلو بالهداية

[melissa lola]

موضوع مليح انا نحكيلكم على جاري زعما نسكنو في حي الاطارات يسمع الباب انتاعنا انفتح يخرج يجري مباشرة بلا حيا يفتح بابو ويطل تقول كاش واحد كان جاي ليه وغلط دخل عندي الصباح نخرجو كيف كيف حتى يشوفنا باه يقدر يروح يخدم و العشية كيف كيف كي يلحق قبلنا يبقى قاعد في سيارتو ومقابللي باب الدار مايهنيش خاطرو يدخل حتى ندخل انا وراجلي ويلا جاوني ضياف هذاك مااعطاه ربي الباب ينتحل وينغلق بزاف مايصيبش روحو مسكين ولا يقعد في الطونوبيل وراهو يمارس في هوايتو المفضلة يعس في جيرانو انا يغيضني سورتو كي تكون السخانة مسكين يبقى ينشوا برا المهم مايراطيش كلش على عينو كنت نخرج انا وراجلي على 7:45 يسمع بابي انفتح يخرج على 7:45 درت الروطار كيف كيف خرجت بكري كيف كيف ولينا نهفوه نخبطو الباب مسكين يخرج يجري مايصيب والو هو يروح واحنا نروحو موراه المهم مانصبحوش عليه هذا راجل هكذا كرهلي داري نخاف غير كاش نهار راجلي يدخل فيه المهم ربي يفرج علينا ونطيحو في جيران ولاد فاميلية

[رَكان]

ومن الجار من يرغمك تغيير الدار ..

[lachiche]

رانا كامل نعانيو من الجيران
أحنا عندنا جار عندو سنين و هو يخدم في دارو كل يوم خبيط و إزعاج و جار مربي فروج مع اننا نسكنو في المدينة و الفروج ميخلينيش نقرا ولا نرقد و كاين واحد دايما مصكر تواقي و جابد روحو و وحد آخر يهدر غير مع أغنياء الجي و حايب روحو حاجة كبيرة و واحد صامط و واحد مهبول و و و و و و و و
مع هاذا تأقلمنا و عايشين عادي