مراحل خياطة افستان الابيض للبنات الصغار

[ام حمزة22]

السلام عليكم ورحمة الله تعالى وبركاته
تلبية لطلب بعض الاخوات اقدم اليوم مراحل الفستان الابيض لي شلركت بيه في مسابقة kyds style ولي اشرف عليها المشرف صاحب الامل جزاه الله كل خير
اولا حبيت نقوللكم ان الباترون العلوي خديتو من مجلة بوردا ولي دايما معتامدة عليها وبلا بيها ما ندير وااااالوووو
وهاد الباترون درتلو بعض التعديلات مثلا جهت الظهر باه ما يجيش حابط بزاف انا زدتلو من الاعلى والصور تبينلكم دالك

[QUOTE][/QUO




هدا الباترون لي عدلتو ودرتلكم ابعاده

وهنا نحط الدونتال الوجه للوجه ونحط فوفو الباترون انا حطيت الباترون قبل ما نعدل جهت الظهر لاكن عند قص القماش زدتلو شوية مثل ماراه مبين
هنا نشوف االجزء العلوي دونتال وساتان لي فصلناه مثل ما فصلنا الدونتال
وهاد المرحلة تبين كيف نخيط الدونتال على الساتان
في الحقيقة من المفروض هناك دوبلوغ لاكن لم شريت القماش نسيت نشري الدبلور وما كانش عندي وقت باه نخرج نشري
ادن هاد للفكرة بي راكم تشوفو فيها نطبقها الا كان ما عندناش الدوبلوغ اما ادا كان عندنا نفصل الدوبلور مثل ما فصلنا الدونتال والساتان
هنا بعد ما خيطنا الساتان والدونتال وقلبنا العمل نتاعنا وخيطنا خياطة متباعدة مثل الفوفيلاج ثم نحدد بالمكوات وننزع الخيط لي خيطنا بيه
هنا نخيط القالون على الجهة العلية من الجزء العلوي
اما الجهة السفلى من الفستان انا كنت حابة يجي عريض اكتر من هدا ولاني ما شريتش القماش كفاية خديت المتر نتاع القماش لي شريت طويتو على 2 ومثل ما راكم تشوفو فالصورة راني بينتلكم بورقة مربعة ان شاء الله الشرح يكون مفهوم


وهنا بعد ما فصلنا الساتان نفصل كدالك التشول والاغقونزة لاكن لغقونزة من الخلف نفصلها مثل خلف الساتان ومن الامام نقسم لغقونزة في الوسط باه نركب فيه القماش المكشكش لي ركبت فيه شريط الستان والقالون

هنا نفصل شريط من الارقونزة عرضه 14سم من جهة نخيط فيه شريط الساتان ومن جهة نخيط 2طرق باامشينة متباعدة باه ندير كشكشة ونلصقو في اسفل الفستان من الامام والخلف ونخيط القالون مثل ماراه مبين فالصورة الموالية

هدي صورة للفستان الجهة العلوية والسفلى المتكونة من ساتان وتشول وارقونزة
هاد المرحلة تبين ميف نبدا نخيط الجهة السفلى على الاعلى بحيت نبدا نركب فالاول لوغقونزة ثم نضيف للساتان ثم التشول نخيطهم ونقلب الفستان ثم نخيط الفارميتور


ان شاء الله قدرت نوصللكم الفكرة والله النت هبلتني ماخلاتني نكتب واش نحب انا نكتب وهي تروح والكل يتبحر
في امان الله

[amor.chibout]

السلام عليكم ورحمة الله وبركاته
يسرني أنني أول من ترد لهذا سآخذ الفستان تعيد بيه بنتي ونرجعولك
ماشاء الله يعطيك الصحة تحفة
لقد حاولت مرارا وتكرارا لأخيط لبنتي فستان هكذا لكن كل المحاولات باءت بالفشل
خسرت لقماش ولقالون باطل

[oum fadoua]

يعطيك الصح ام حمزة

[*ام عبد الكريم*]

يعطيك الصحة ام حمزاء في الحقيقة انا اول ما شفتو عجبني
تلبسو بنتك بالصحة و الهناء بارك الله فيك

[صفوة عايش]

حلووووووووووووووووووووووووووووو

[ام ورود]

مساء الخير اختى ام حمزة ماشء الله على يديك.......انا ايضا عجبني فستانك
في الحقيقة كنت نوجد في الموضوع نفسه وسبقتيني هههههههه.... لكن موضوعي هو تجديد القديم..لان الروب بلونش نتاع بنتي هو في الحقيقة ديزابيي قديم نتاعي ....
ام حمزة راني مفصلة قفطان لبنتي تريشيت من ورشة قفطان درتيه.....شكرا لما نخيطو نحطوا ورايك يهمني

[حورية38]

الله يبارك غاليتي ربي يوفقك للمزييييييييييييييييد

[imi122009]

السلام عليكم ورحمة الله وبركاته

ماشاء الله يعطيك الصحة تحفة

[imi122009]

السلام عليكم ورحمة الله وبركاته

ماشاء الله يعطيك الصحة تحفة

[أم آلاء 38]

المشاركة الأصلية كتبت بواسطة *ام عبد الكريم*

يعطيك الصحة ام حمزاء في الحقيقة انا اول ما شفتو عجبني
تلبسو بنتك بالصحة و الهناء بارك الله فيك

ماشاء الله روعة يعطيك الصحة حت انا كنت محتاج للباترون ربي يحفظك

[ام حمزة22]

المشاركة الأصلية كتبت بواسطة amor.chibout

السلام عليكم ورحمة الله وبركاته
يسرني أنني أول من ترد لهذا سآخذ الفستان تعيد بيه بنتي ونرجعولك
ماشاء الله يعطيك الصحة تحفة
لقد حاولت مرارا وتكرارا لأخيط لبنتي فستان هكذا لكن كل المحاولات باءت بالفشل
خسرت لقماش ولقالون باطل

وعليكم السلام ورحمة الله تعالى وبركاته
سعدت بردك اختي يعطيك الف صحة وعافية
اختي الكريمة تحبي تتعلمي تعلمي في قماش ما تسحقيهش
اما عن اخد الفستان لبنتك ربي يحفضهالك عن نفسي نعطيهولك والمشكل ف بنتي ماراهيش رايحة تتلقو راهي مكرشة فه بيديها وسنانها هههههه

المشاركة الأصلية كتبت بواسطة oum fadoua

يعطيك الصح ام حمزة

الله يسلمك ختيتي مشكورة على المرور والرد العطر

المشاركة الأصلية كتبت بواسطة *ام عبد الكريم*

يعطيك الصحة ام حمزاء في الحقيقة انا اول ما شفتو عجبني
تلبسو بنتك بالصحة و الهناء بارك الله فيك

شكرا ام عبد الكريم بارك الله فيك

المشاركة الأصلية كتبت بواسطة صفوة عايش

حلووووووووووووووووووووووووووووو

عيونك الحلوة
مشكووووورة

المشاركة الأصلية كتبت بواسطة ام ورود

مساء الخير اختى ام حمزة ماشء الله على يديك.......انا ايضا عجبني فستانك
في الحقيقة كنت نوجد في الموضوع نفسه وسبقتيني هههههههه.... لكن موضوعي هو تجديد القديم..لان الروب بلونش نتاع بنتي هو في الحقيقة ديزابيي قديم نتاعي ....
ام حمزة راني مفصلة قفطان لبنتي تريشيت من ورشة قفطان درتيه.....شكرا لما نخيطو نحطوا ورايك يهمني

مساء الخيرات ام ورود
بصحتها الامورة الفستان والقفطان تعيشي وتخيطيلها جهازها
بانتضار القفطان

المشاركة الأصلية كتبت بواسطة lotus flowerl

ما شاء الله لا حول ولا قوة الا بالله
ربي يحفظلك البنوتة و تشوفيها بالروبة البيضاء عروسة ان شاء الله
شكرا على الصور و تعبك معايا انا انتظر في الرشامات ان شاء الله باش نبدا العمل
دعواتك يوفقني ربي

ربي يحفضك ويحفضلك اغلى الناس ليك
اما عن الرشام ساحاول ان اجد لك ما تبحتين

المشاركة الأصلية كتبت بواسطة حورية38

الله يبارك غاليتي ربي يوفقك للمزييييييييييييييييد

الله يسلمك حوريتي
مشكووووورة بارك الله فيك

المشاركة الأصلية كتبت بواسطة imi122009

السلام عليكم ورحمة الله وبركاته

ماشاء الله يعطيك الصحة تحفة

وعليكم السلام ورحمة الله تعالى وبركاته
الله يسلمك شكرا على المرور بارك الله فيك

[ام حمزة22]

المشاركة الأصلية كتبت بواسطة أم آلاء 38

ماشاء الله روعة يعطيك الصحة حت انا كنت محتاج للباترون ربي يحفظك

الله يسلمك ان شاء الله الشرح يكون مفهوم واي سؤال انا بالخدمة

[sarra5]

يعطييييييك الصحة الغوب تهبببببل
والشرح مفهوووم ومفصل

[linat]

ya3tik saha
takdri madili مجلة بوردا wa hotihali haba nchoufaha bahe nat3alam fiha
merciiiiiii

[ام حمزة22]

المشاركة الأصلية كتبت بواسطة sarra5

يعطييييييك الصحة الغوب تهبببببل
والشرح مفهوووم ومفصل

الله يسلمك حبيبتي سارة سعدت بمرورك بارك الله فيك

المشاركة الأصلية كتبت بواسطة linat

ya3tik saha
takdri madili مجلة بوردا wa hotihali haba nchoufaha bahe nat3alam fiha
merciiiiiii

اختي الكريمة ما فهمتش مليح سؤالك هل راكي حابة نوريلك مجلت بوردا
هاكدا ولا راني غالطة