مشكلتي

[مشكلتي]

السلام عليكم انا تعبت ياسر مع زوجي وتحملت ومزال نتحمل ربي يعلم واشفات عليا مشاكل مع اهل زوجي ربي يهديهم وفي يوم العاصفة تاع المشاكل زوجي هبل بكل معنى كسر وعيط ودار رايو وجاني قالي لااكي مطلقة انا صدمت وحبيت نموتوهوفي لحضتها حضني ويبكي وقالي اسمحيلي هبلت والصح حسيتو صادق ورجعت بعد3ايام كلي ما صرا والو طلب السماح واعترف بغلطتو وكلش زوجي يموت عليا وانا ثاني بصح لي صرا كسر حاجة بداخلي كحالت الدنيا عندا عام ورجعت الامور لباس مع اهلو نوكل ربي عليهم ضلموني وهبلوه انا وياه مشاء الله بصح كي يتدخلو ....المهم قاعدة كي نتفكر لومو ونقلو واش درتلك واش داك تهز عرش الرحمان بسبب تافه بيناتنا الراجل بقوة تحملو وثقلو في هذي الامور مش كي لمرا وهو ندم تاع الصح ونحسو غير يسايس فيا وحاس روحو ضلمني مانساهلش صبرت وبعت ذهبي عليه وعمري ما شرطت دار ولا ضيقتها عليه مشينة وحبيتش يكرديها عندو الدين ونساعف في ضروفو ومكلفتوش اكثر من طاقتو والحق هو ونعم الراجل معندي ما نقول كون ما صراش واش صرا حابة ننسى ونعيش عادي ونسامحو بصح الشيطان يوسوسلي كون جاء يحبك ..... وذرك يزيد يعاودها وانتي حطيتي بروحك في سع رجعتي ومشرطتي والو كلي كف برك مش طلاق يا ربي راني راح ندخل في بعضاي وساعات نقول لن يصيبنا الا ما كتب الله لنا كاتبتلي وراه الهنا اللي راني فيه ذرك من ورا المشكل وعسى ان تكرهو شئ وهو خير لكم لخاطر تبدل ولا رومنسي معايا ويحب يرضيني المهم واش قلتو

[غير هام]

السلام عليكم

كي ندم واعترف بالغلطة تاعه خليك معاه وعاونيه على الدنياااااااا وما تبقايش تفكريه كل مرة على هاديك الغلطة وادعي ربي يبعد المشاكل عليكم

[الألماسة]

مادام ندم علاش تفكريه؟
عيشي حياتك و كوني نعم الزوجه له
ربي يطيب العشرة بينكم

[chouchou w]

انساي يا ختي ضرك حتي هو يتضر كيتفكريه حتي انا صرالي مشكل مع راجلي وانا السبة تاعو وانا لغلط وسامحني وتلقايني نتوسوس من اتفه كلمة اقولها ونقول ضرك يكرهني رهو امعني عليا حتي حنهبل حتي قالي بلي راهو انسا .ضرك حتي زوجك اكون راهو يتوسوس بينيلو بلي انسيتي وبعدي الشطان عليك سلام

[NIGHTINGALE]

أختي الكريمة العفو أمر طيب يفيدك أنت قبل أن يفيد غيرك
فهو يلين القلب ويرققه ويرفع من قدر المسلم في الدنيا والآخرة
ولكنه أكبر من تلك الكلمات التي يتلفظها الواحد عندما يعفو عن الآخرين
فهو عمل يتطلب جهدا ووقتا وعزيمة ...
فأنت عليك في كل مرة أن تجاهدي نفسك وميولها نحو الثأر لعزتها وإنزال العقاب بالآخرين
ثم عليك أن تداوي جراحك وتصفي ذاكرتك من تلك الكلمات والأفعال التي توقض فيك الألم
واسعي إلى تقوية رباط الزوجية بأمور طيبة
واسآلي المولى عز وجل أن يصلح علاقتكما ويوطدها بالذرية الصالحة إن شاء الله

[eBusiness]

يا المهبولة هذا راجلك راجل نتاع الصح ويحبك والطلاق حتى يكون طلاق لازم 3 طلقات يا مخلوقة... إلعني الشيطان وبركي من الخرافات وإحمدي الله أنه راه عند راجل مقلشك ويحبك راكي أميرة زمانها يا المهبولة وسامحيني على كلمة مهبولة على خاطرش صح مهبولة ننصحك ديري دورة في قسم المشاكل وتشوفي الأزواج كي راهم عايشين... أنت راكي أميرة زمانك وبركي من وساويس الشيطان يا بنت الأكابر والله يسهلك

[bravo1]

الله يكون في عونكما انت و زوجك على المسوولية و المحافظة على نواه الاسرة مهما تكن الظروف المحيطة

و الله المستعان

[amel w alem]

سلام هدا غير شيطان راح إوسوسلك بش إفرقكم اعرفي بلي بين كل زوجين يحدث هاد الأمر الناس ما تحكيش برك وانتي لازم تشوفي لايجابيات زوجك كتر من سلبيات بش ترتاحي وانتي لتقدري تحكمي ادا يستاهل تضحي وتعطيلو فرصة أخرى وأنا على حساب وش حكيتي نظن راح يستاهل فرصة ومتنسايش راه بين نارين مشاكل دارهم وزوجتو بلا ألدين ووو يا حليل ، شوية منك وشوية من أو وتمشي سفينة الحياة ولازم تنسي هديك الكلمة عادي نصف إن لم أقل كل الأزواج تفوهوا بهاد الكلمة يا لوكان مرة انشالله ما تعودش برك انتي قليلو وعدني عمرك ما تزيد تخرج من فمك بش تكوني مهنية علبلي الخوف لي درلك هاد الوسواس عيشي هاد اللحظة الجميلة وما تفكريش في المستقبل المجهول يمكن اكون أحلى ان شالله

[ايمان نور الجزائر]

يا اختي ساعة شر وجابها الشيطان انعليه
ياك راجلك ندم وكيما تقولي لاباس بيه
في نفسك معاك الحق نظن كتبتي باش تعبري عن احساسك لما راجلك طلقك ومعاك كل الحق
كان يكفي تقعدي قعدة مع راجلك وتخبريه بواش حسيتي وقتها
لكن الحياة للازم تستمر ومادام انكم رجعتو لبعض ما تخليش الشيطان يدخل بينكم
صفي نيتك وقلبك وماعدش تفكري زوجك وتحسسيه بتاذنب اللي فات مات
اعرفي تعيشي حياتك وتسييريها حاجة ما تجي بالساهل ووكل امرك لربي
نتمنالكم دوام العشرة والهناء

[ام نهوله]

يا اختي الدنيا هادي ما فيهاش غير ايام ملاح كاين مرات وين الانسان تضيق بيه من شدة المشاكل اللي ممكن راه يلاقيها في الخارج او حتى من الضغوطات داخل الدار واذا تحبيه صح لازم تلقايلو الاعذار هو اللي عليه دارو حس بالغلطة وطلب السماح واش راكي حابة تاني حمدي ربي وشكريه على هاد الزوج كاين نسا عمرهم ماشافو الابتسامة تاع ازواجهم
مافيها والو ضعف للحظة امام الشيطان و الحمد لله ربي نورلو طريقو نحي اختي التوسويس من راسك وعيشي حياتك مع زوجك ما تضيعيهاش في الشك و ربي يوفقكم

[مايسترو عمران]

اذا كان كما وصفت فزوجك اصيب بحالة اغلاق و تعني شدة الغضب و غيبة الشعور و عدم ادراك النفس و عدم ادراك الاعصاب ايضا
حتي قيل انه لا يقع الطلاق في هذه الحالة ..

ومن ذلك ما رواه أحمد وأبو داود وابن ماجه عن عائشة رضي الله عنها أن النبي عليه الصلاة والسلام قال : "لا طلاق ولا عتاق في إغلاق" .

قال جماعة من أهل العلم : الإغلاق : هو الإكراه أو الغضب ؛ يعنون بذلك الغضب الشديد ، فالغضبان قد أغلق عليه غضبه قصده ، فهو شبيه بالمعتوه والمجنون والسكران ، بسبب شدة الغضب ، فلا يقع طلاقه . وإذا كان هذا مع تغيب الشعور وأنه لم يضبط ما يصدر منه بسبب شدة الغضب فإنه لا يقع الطلاق .

و عليه نحي عليك الوسواس و تهلي في دارك !!

[الصديق قروف]

ساعة اوفاتة
او متلقايش كيفو
‏ متفرطيش في صلاتو برك يتعدل وحدو ديما فكريه فصلات

[ام النجمين]

ربي يكون في عونك

[الألماسة]

المشاركة الأصلية كتبت بواسطة ebusiness

يا المهبولة هذا راجلك راجل نتاع الصح ويحبك والطلاق حتى يكون طلاق لازم 3 طلقات يا مخلوقة... إلعني الشيطان وبركي من الخرافات وإحمدي الله أنه راه عند راجل مقلشك ويحبك راكي أميرة زمانها يا المهبولة وسامحيني على كلمة مهبولة على خاطرش صح مهبولة ننصحك ديري دورة في قسم المشاكل وتشوفي الأزواج كي راهم عايشين... أنت راكي أميرة زمانك وبركي من وساويس الشيطان يا بنت الأكابر والله يسهلك

[oumhana]

انعلي الشيطان و متقعديش تجبدي فاللي فات اللي فات مات وكوني ساجيه مشي تبقاي مركزه غير على نهار لصرا فيه المشكل انساي و عامليه بإخلاص ونحي الشيطان من راسك و متخربيش دارك بالوسواس كما قالك احمي بي واضربي دارا في قسم المشاكل تعرفي قيمت زوجك والله المستعان