حول زيادة الاجور و احتساب سنوات العمل في التقاعد

[بنت الجزائر2008]

ارجوكم كل من لديه معلومات موثوقة غير كلام الجرائد و الاشاعات حول زيدة اجور عقود ما قبل التشغيل و احتساب سنوات العمل في التقاعد و متى سيتم تطبيقها يضعها، و الشكر للجميع

[الوليد 89]

لا يوجد شيء من هذا
كفاكم من حلم اليقظة

[TAUFI]

ربي يجيب الخير

[عاشقة السكـون]

السلام عليكم
اﻷساتذة شلوا قطاع التعليم وهددو بسنة سوداء وما حققولهمش المطالب ، تحوس حنا لي نخدمو كلش وساكتين و، انعم ايه حاضر، يزيدولنا منهم لروحهم ، علاش يكلفوا نفسهم ويخسروا بعض الدراهم زيادة علاجالنا؟! كل مافعلوه هو تمديد عقد الاستعباد والاستغلال. ولي ماعجبوش الحال كاين الآلاف لي مستعدين يخدموا بهاد العقد.
احنا نفسنا في الاكمالية .لو اي قرار نعترضوا يقولنا المدير ماعجبكمش الحال حبسوا، واش رايك في انه يقترح انه في العطلة كل مرة تجي واحدة من عقود ماقبل التشغيل .نص نهار مع انه ماكاين لادراسة لا طلبة ، لا اداريين . والبوانتاج حطينا عطلة عادي ...؟ طبعا لينا الحق ماوافقناش ، ودوك نشوفو كي نرجعوا واش تصرفه.!

[أحمد زابانة]

حسبنا الله نعم الوكيل ...... بصراحة الشعب الجزائري أغلبيته ما يسواش صراحة عندما تسمع بلي مدير يقوم باستعباد الموظفين و الموظفات و هذا أمر يتكرر كثيرا ,,,,, أطرح السؤال من هو المدير ؟ هو من الشعب الجزائري يعني شعبي مواطن بسيط يهلك في إخوته و أبناءه و يستمتع باستعبادهم .... واش تتوقعوا إذا كان أبسط مسؤول يحب يتحكم و يتسلط ؟؟؟؟ يعني أين الخلل بربكم و الله لم أستطع معرفة الخلل في الجزائر ... لماذا أغلبية المسؤولين مرضى نفوس و يحبون التسلط ؟؟؟ ألم يعلموا أن المسؤولية تكليف لا تشريف ؟

[بنت الجزائر2008]

اليوم خرجتنا المديرة خرجة جديدة جابت الدوسيات نتاع عقود ما قبل التشغيل وقالت الي ماشي عاجبيني رايحة نوقفهم كي سقسينا الاتقدر قالونا كل شي في ايدها يعني العقود المفتوحة ماعندها حتى معنى

[غليزاني 26 سنة]

المشاركة الأصلية كتبت بواسطة بنت الجزائر2008

اليوم خرجتنا المديرة خرجة جديدة جابت الدوسيات نتاع عقود ما قبل التشغيل وقالت الي ماشي عاجبيني رايحة نوقفهم كي سقسينا الاتقدر قالونا كل شي في ايدها يعني العقود المفتوحة ماعندها حتى معنى

نستعرف بيها

ان شاء الله يتم توقيف كل المذلولين
انا متاكد ان الشجاع فقط سيبقى محافظ على منصبه