مآتم تتحول إلى شبه أعراس!

*سندوسة* · 2015-03-11, 10:45

مآتم تتحول إلى شبه أعراس!

أطباق وحلويات أعراس في الجنائز
لم تعد فقط الأعراس محل إرهاق للعائلات من الناحية المادية بل حتى المآتم تحولت إلى نقطة تفاخر ومقارنة فيما بين العائلات وصارت تكلفها ميزانية كبيرة، بحيث باتت تفرض العديد من التكاليف مثلها مثل الولائم خوفا من ألسنة الناس التي أضحت تعيب حتى على الجنائز مما أجبر البعض عل إنفاق المصاريف على الميت من أجل إكرامه وإعلاء قيمته وشأنه، وأضحى هو المفهوم الطاغي لدى ، بحيث باتت ترتبط الجنائز بذبح الغنائم وإعداد مختلف الأطباق وحتى الحلويات التي عهدناها بالأعراس باتت حاضرة بقوة خلال الجنائز.

أم شروفة · 2015-03-11, 12:55

صدقت يا اختي ........... الحلويات حاضرة في الماتم والاكلات والزوخ ..................ربي يهدي فقط

عابد لله · 2015-03-11, 13:07

سندوسة متى تتوقفي عن قراءة افكاري ههههههههه والله كنت ساكتب عن الموضوع . عموما سبقتني تهانينا. قبل سنوات توفي والد احد ابناء الحي واصبح مقر العزاء عبارة عن مرآب مفرش بالزرابي والغداء والعشاء كل مرة على احد اصدقائه وجيرانه فاستمر إلى قرابة الشهر. وتوفي والد الآخر فكان الامر كلذك ثم توفي والد الصديق الثاثلا فكان الامر كذلك وتحولت المىتم إلى افراح وضحك ومزاح وطعام ولحم لم يبق ينقص غلا الدجي لتكتمل الصورة

*سندوسة* · 2015-03-11, 13:08

اقتباس:

المشاركة الأصلية كتبت بواسطة أم شروفة

صدقت يا اختي ........... الحلويات حاضرة في الماتم والاكلات والزوخ ..................ربي يهدي فقط

اللهم امين اختي

والله اختي حكاتلي على وحد الوليمة داروها معروف على الميت راح راجلها عرضوه دارولهم المشوي
وكاين وخدخرين تاني دارو الحريرة والزيتون والبرقوق ووووووووو

قلتلها فرحو من مات
حنا نعرفو ان الوضيمة "يعني الطعام الذي يقدم في الاحزان" يكون عبارة عن الكسكس

حنا ماراناش ضد ولكن هاد الامور يكلفو بيها على انفسهم غير باش يبلعو لناس فامهم

*سندوسة* · 2015-03-11, 13:13

اقتباس:

المشاركة الأصلية كتبت بواسطة عابد لله

سندوسة متى تتوقفي عن قراءة افكاري ههههههههه والله كنت ساكتب عن الموضوع . عموما سبقتني تهانينا. قبل سنوات توفي والد احد ابناء الحي واصبح مقر العزاء عبارة عن مرآب مفرش بالزرابي والغداء والعشاء كل مرة على احد اصدقائه وجيرانه فاستمر إلى قرابة الشهر. وتوفي والد الآخر فكان الامر كلذك ثم توفي والد الصديق الثاثلا فكان الامر كذلك وتحولت المىتم إلى افراح وضحك ومزاح وطعام ولحم لم يبق ينقص غلا الدجي لتكتمل الصورة

عندنا تشابه الافكار فقط
والله كاين ناس ماتحترمش الميت واهله
ناس تجي للعزاء تبقى عاطيتها للاكل والشرب وسرد الاخبار ونقلها والضحك والله عيب عليهم
وبلا مانحكو على امور اخرى

ام نهوله · 2015-03-11, 13:40

فعلا يحدث هذا في الكثير من العائلات التي اصبحنا لا نفهم ان كانو حزينين عن الميت ام انهم فرحو و تهناو منو و الادهى من ذلك انهم يلبسون فساتين جديدة يعني باينه ماشي ملبوسة من قبل سبحان الله العظيم على هاد الوقت اللي وصلنالو
في مرة من المرات حضرت جنازة وحاولت ان اختار ابسط لباس عندي احتراما لاهل الميت ففوجئت باحذاهن تقول لي ما عندكش حاجة ما خير من هادي ما والمكش لونها كدت ان يغمى علي
حنا المعروف عندنا في الموت نطيبو الكسكس و الشوربة وكاين من الاحباب اللي يجيب من عندو واش حب حتى الحلويات تكون بسيطة او خبز الدار او مسمن او خفاف و ماشي اهل الميت اللي يديرو هاد الشي

*سندوسة* · 2015-03-11, 13:56

اقتباس:

المشاركة الأصلية كتبت بواسطة ام نهوله

فعلا يحدث هذا في الكثير من العائلات التي اصبحنا لا نفهم ان كانو حزينين عن الميت ام انهم فرحو و تهناو منو و الادهى من ذلك انهم يلبسون فساتين جديدة يعني باينه ماشي ملبوسة من قبل سبحان الله العظيم على هاد الوقت اللي وصلنالو
في مرة من المرات حضرت جنازة وحاولت ان اختار ابسط لباس عندي احتراما لاهل الميت ففوجئت باحذاهن تقول لي ما عندكش حاجة ما خير من هادي ما والمكش لونها كدت ان يغمى علي
حنا المعروف عندنا في الموت نطيبو الكسكس و الشوربة وكاين من الاحباب اللي يجيب من عندو واش حب حتى الحلويات تكون بسيطة او خبز الدار او مسمن او خفاف و ماشي اهل الميت اللي يديرو هاد الشي

والله تسمعي لعجب
تبقي حايرة ناس كيفاش راهي تخمم

لواحد حاجة باينة كي يروح للعزاء يلبس ابسط حاجة وحنا عندنا عادة حتى لي تكون دايرة ذهب تنحيه تخلي خير حاجة بسيطة وهذا من باب الاحترام

nesrinwarda · 2015-03-12, 09:57

السلام عليكم ،
نتفكر كي توفى عمي ربي يرحمو درنا الكوراج و نضنا نطيبو ، خاطر جاو الفاميلية إيباتو و كنا رمضان، حطينا واش كتب ربي من دون مغالات .كلاو الناس و ربي طرح البركة و الصبر.الحمد لله

*سندوسة* · 2015-03-12, 10:12

اقتباس:

المشاركة الأصلية كتبت بواسطة nesrinwarda

السلام عليكم ،
نتفكر كي توفى عمي ربي يرحمو درنا الكوراج و نضنا نطيبو ، خاطر جاو الفاميلية إيباتو و كنا رمضان، حطينا واش كتب ربي من دون مغالات .كلاو الناس و ربي طرح البركة و الصبر.الحمد لله

وعليكم السلام ورحمة الله وبركاته
ربي يرحمه

هذاك هو الصح اختي الناس ماتكلفش على روحها يلا كان لخير كاين مذابينا ويلا مكانش غير لي كاين فيه بركة
مشكورة اختي

سميرة10 · 2015-03-12, 10:26

موضوع مميز شكرا سندوسة ان نحكيلك هذه القصة حقيقية واحد من العائلة كان ماشي لقى ناس بكثرة قالو صاحب البيت ادخل تفطر كي دخل واكل حتى شبع قال لهم لعقوبة لي مازالو الناس لي كانو هناك بقاو يشوفو فيه و قالولو ان هذه جنازة حتى حشم من روحو مسكين

*سندوسة* · 2015-03-12, 10:36

اقتباس:

المشاركة الأصلية كتبت بواسطة سميرة10

موضوع مميز شكرا سندوسة ان نحكيلك هذه القصة حقيقية واحد من العائلة كان ماشي لقى ناس بكثرة قالو صاحب البيت ادخل تفطر كي دخل واكل حتى شبع قال لهم لعقوبة لي مازالو الناس لي كانو هناك بقاو يشوفو فيه و قالولو ان هذه جنازة حتى حشم من روحو مسكين

العفو اختي وبارك الله فيك

انا عندي خال ماما دار عرسه بلا موسيقى
تاني لقاو واحد فايت دخلوه يفطر" كانو دايرين الكسكس" حتى كمل وجا خارج
قالهم ربي يرحمه ويصبركم
قالوله هذا عرس ماشي موت

زمن انقلبت فيه الادوار اصبح العرس يحسبونه موت والعزاء يحسبونه عرس

*أم كوثر* · 2015-03-12, 10:38

السلام عليكم ورحمة الله
بالفعل الموضوع حساس ووجب التعمق فيه والاعتبار منه
زمان كنت نشوف امي لما تسمع بخبر موت تروح بحوايجها لي كانت تقضي بيهم مام مشمخين تقول لايجوز نبدل راني رايحة لمأتم!!
الان كل شيئ تغير
..
نحكيلك موقف حدث معي
مرةكنت مع صديقة التقينا صدفة وكانت تشتكي من تعب العمل وفي سياق الحديث قالت ان والد زوجها على فراش الموت ووممكن ليوم والا غدوة يموت
الى هنا عادي ....ثم استسمحتني بالمغادرة ...الى اين؟ الى الحمام وبعدها الى الحلاقة وبعدها لشراء بعض المستلزمات لانو لما يموت شيخها مايكونش عندها وقت تخرج وتشري ....
سبحان الله
تتجمل لحضور وفاة جد اولادها؟باي قلب ياترى؟
وفعلا بعد يومين سمعت خبر وفاته.
المظاهر اصبحت تطغى على كل شيئ حتى المآتم
لكني للان لازلت على مبدأ أمي ولن اغيره
اصلا خبر الموت وحده يزعزع فكيف افكر في لباس اوزينة؟
....
اما عن الحلويات والمشروبات وغيرها فانا لاالوم من يحضرها انما اهل البيت الذين لايمانعون في تقديمها
الشامية اصبحت لازمة ...الميت يدفن منا والموائد تنصب اشكال الوان منا !!
والعجيب الناس تقبل على الاكل عادي
حتى الموت لم تعد تؤثر فينا
ربي يهدينا ويصلح احوالنا

*سندوسة* · 2015-03-12, 10:45

اقتباس:

المشاركة الأصلية كتبت بواسطة *أم كوثر*

السلام عليكم ورحمة الله
بالفعل الموضوع حساس ووجب التعمق فيه والاعتبار منه
زمان كنت نشوف امي لما تسمع بخبر موت تروح بحوايجها لي كانت تقضي بيهم مام مشمخين تقول لايجوز نبدل راني رايحة لمأتم!!
الان كل شيئ تغير
..
نحكيلك موقف حدث معي
مرةكنت مع صديقة التقينا صدفة وكانت تشتكي من تعب العمل وفي سياق الحديث قالت ان والد زوجها على فراش الموت ووممكن ليوم والا غدوة يموت
الى هنا عادي ....ثم استسمحتني بالمغادرة ...الى اين؟ الى الحمام وبعدها الى الحلاقة وبعدها لشراء بعض المستلزمات لانو لما يموت شيخها مايكونش عندها وقت تخرج وتشري ....
سبحان الله
تتجمل لحضور وفاة جد اولادها؟باي قلب ياترى؟
وفعلا بعد يومين سمعت خبر وفاته.
المظاهر اصبحت تطغى على كل شيئ حتى المآتم
لكني للان لازلت على مبدأ أمي ولن اغيره
اصلا خبر الموت وحده يزعزع فكيف افكر في لباس اوزينة؟
....
اما عن الحلويات والمشروبات وغيرها فانا لاالوم من يحضرها انما اهل البيت الذين لايمانعون في تقديمها
الشامية اصبحت لازمة ...الميت يدفن منا والموائد تنصب اشكال الوان منا !!
والعجيب الناس تقبل على الاكل عادي
حتى الموت لم تعد تؤثر فينا
ربي يهدينا ويصلح احوالنا

وعليكم السلام ورحمة الله وبركاته
اصيلة بنت اصيلة اختي

ناس الله يهديهم لم يتعضو حتى من الموت

حنا عندنا عادة لواحد كي يروح للعزاء ماياكلش الا اذا كان بعيد وضعطوا عليه
وهذا من باب مواسات لاهل الميت وحتى لبنات لي ماشي متحجبين تلقايهم فالموت دايرين خمارات
يعني هاذ الامور كيما قلت ترجع للتربية

كلش فقد المعنى نتاعه
ولكن الحمد لله مزال كاين ناس تستنكر مثل هاد الامور

مشكورة اختي
نورت

سميرة10 · 2015-03-12, 10:49

معك حق اختي الناس لم تعد تحترم لا الاموات ولا الاحياء منذ ان اصبحت الماتم كالاعراس فعلى الدنيا السلام _ان شاء الله ربي يهدي خلقه الى الطريق السديد

*سندوسة* · 2015-03-12, 10:55

اقتباس:

المشاركة الأصلية كتبت بواسطة سميرة10

معك حق اختي الناس لم تعد تحترم لا الاموات ولا الاحياء منذ ان اصبحت الماتم كالاعراس فعلى الدنيا السلام _ان شاء الله ربي يهدي خلقه الى الطريق السديد

اللهم امين
وبارك الله فيك