شكون عندها أفكار أكل محمول ..

~ السلطانة ~ · 2015-02-08, 11:06

السلام عليكم ... يسمحولي المشرفات على وضع طلبي هنا لأني لم اجد اين اضعه ..

ياريت يفيدوني البنات كل وحدة بافكارها على طريقة المثلى و الصحية خاصة لعمل أكل محمول فترة العمل ..

تعودت سابقا على الأكل البيتزيريات و شاورما ووو لكن لأسف أكل غير صحي تماما و كرهت من ريحة البيتزيريات و المطاعم حدث و لا حرج ..

أهم شيء يكون مفيد و مغذي لوحدة كثيرة النشاط مثلي ... طالعة هابطة بزاف و نتلكم و ناقش بزاف ما يجي يخلاص النهار نخلاص قلبو ..

و بعدما تعرضت لوعكة صحية لهذا السبب حابة نحضر اكلي بنفسي .. قد يبدو الأمر بسيط لكن كي جيت نخمم وجدته فعلا لابد له من وصفة خبيرة ..

لي مجربة تنصحني و للي عندها فكرة ياريت تفيدني بها ..

شكرا لكل ما تجيبني ..

ملاحظة : معنديش وين نسخن - يعني كلش يتاكل سخون راح يسماط او يفسد -

فكرت في أكل الفواكه فقط ماذا تقترحون ؟؟

مرام 1987 · 2015-02-08, 11:19

إن شاء الله يفيدوك البنات

~ السلطانة ~ · 2015-02-08, 11:28

اقتباس:

المشاركة الأصلية كتبت بواسطة مرام 1987

إن شاء الله يفيدوك البنات

شكرا مرام تعيشي

امازيغية وفتخر · 2015-02-08, 12:04

الفطاير الكبة كرات الروز المحشوة السينامون بالفواكه الجافة خلية نحل بالجبن
علبة تحطي فيها سلطة سيزر بالدجاج

سلاطة مقرون سلاطة كسكسي
كلهم يتكلو باردين
يعني كاين حوايج بزاف
كبة البطاطا باللحم اوالدجاج تتكل باردة
السناندويشات بالمرتديلا و الاجبان
لكلوبات بالطن او الدجاج او اللحم بحر من الاشياء كوني شاطرة الافكار كثيرة لان الوحدة لما ترجع من الخدمة تعجز تحضر اكل الغد هنا المشكل

~ السلطانة ~ · 2015-02-08, 12:13

اقتباس:

المشاركة الأصلية كتبت بواسطة امازيغية وفتخر

الفطاير الكبة كرات الروز المحشوة السينامون بالفواكه الجافة خلية نحل بالجبن
علبة تحطي فيها سلطة سيزر بالدجاج

سلاطة مقرون سلاطة كسكسي
كلهم يتكلو باردين
يعني كاين حوايج بزاف
كبة البطاطا باللحم اوالدجاج تتكل باردة
السناندويشات بالمرتديلا و الاجبان
لكلوبات بالطن او الدجاج او اللحم بحر من الاشياء كوني شاطرة الافكار كثيرة لان الوحدة لما ترجع من الخدمة تعجز تحضر اكل الغد هنا المشكل

شكرا ليك امازيغية بارك الله فيك ...

هذيك هي النقطة للي راني نأسس عليها ما نروحش بكري على 7 مساءا واش نحضر واش نخلي لو كان جيت ما نخدمش العشية نقدر نطيب ...

و المشكل الخر لازم أكل مغذي خاطر نتعب بزاف و ليت ندوخ كي ناكل غداء فقير من العناصر الغذائية المهمة - و اللحم مهما كان انا لازم يكون سخون باش ناكلو -

نخمم في سلطة كما قلتي أرز او معكرونة بالخضر و الجبن في علبة و خلاص .

RYMOU2011 · 2015-02-08, 12:16

عندك الماسيدوان ممكن تخليها بلا تونة و تدي معاك علبة تونة تفتحيها و تزيديها على السلطة و قت الأكل مع الخبز اكيد تشبع.
Les tartes salèes et les chaussons خصوصا بعجينة العشر دقائق
ممكن تعملي ساندويش سلطة جبن مبشور ذرة معلبة طماطم و تزيدي عليه تونة طماطم و قت الاكل.
سلطة معجنات. غراتان دجاج و جبن و بيض يؤكل بارد مع سلطة. و مع الوقت رايحة يجوك أفكار أخرى. الحاجة أم الأختراع
المهم أنك ماتفشليش و تبقاي على الاكل الصحي.

~ السلطانة ~ · 2015-02-08, 12:20

اقتباس:

المشاركة الأصلية كتبت بواسطة rymou2011

عندك الماسيدوان ممكن تخليها بلا تونة و تدي معاك علبة تونة تفتحيها و تزيديها على السلطة و قت الأكل مع الخبز اكيد تشبع.
Les tartes salèes et les chaussons خصوصا بعجينة العشر دقائق
ممكن تعملي ساندويش سلطة جبن مبشور ذرة معلبة طماطم و تزيدي عليه تونة طماطم و قت الاكل.
سلطة معجنات. غراتان دجاج و جبن و بيض يؤكل بارد مع سلطة. و مع الوقت رايحة يجوك أفكار أخرى. الحاجة أم الأختراع
المهم أنك ماتفشليش و تبقاي على الاكل الصحي.

شكرا حبيبتي ...
ممكن عجينة العشر دقائق هذي

جلفااوية · 2015-02-08, 12:22

الله يكون في العون انشاء الله واش رايك تعملي سلطات متنوعة كل يوم نوع مثلا مرة سلاطة البطاطا والبيض والجزر والتونة والزيتون دخلي فيها الخضر حسب ذوقك والبيض المسلوق تقدري تاكليه بارد هاذي فكرة بسيطة ارجو انها تفيدك

~ السلطانة ~ · 2015-02-08, 12:26

اقتباس:

المشاركة الأصلية كتبت بواسطة جلفااوية

الله يكون في العون انشاء الله واش رايك تعملي سلطات متنوعة كل يوم نوع مثلا مرة سلاطة البطاطا والبيض والجزر والتونة والزيتون دخلي فيها الخضر حسب ذوقك والبيض المسلوق تقدري تاكليه بارد هاذي فكرة بسيطة ارجو انها تفيدك

يعطيك الصحة حنونة مروحة للسلطات نعم - البيض - ما نحبش ريحتو كي يطول - راني نخرج من 6 تاع الصباح حتى 12 - لا يصلح -

مشكروة ...

و كما قالت الخت نبدا و من بعد يجوني أفكار -

lilii7179 · 2015-02-08, 12:59

انا ثاني كنت كيفك , نخدم و نقرا في نفس الوقت , ملي نخرج الصباح و انا نجري حتان لعشية. و كرهت الماكلة نتاع البيتزيريا وليت ما ناكلش اصلا حتان مرضت. المهم نعطيك الحلول اللي لقيتها.
في الويكاند كنت نخدم les chaussons و les mini quiches و نوع فيهم ساعات بالدجاج ساعات بالسلق بالسمك الابيض المهم نوعي باش ما تكرهيش ,و نحطهم في المجمد و كل يوم نخرج كمية نحطها في porte manger و كي توصل الساعة 11 نحطهم فوق le radiateur يدفاو شوية .
باش نبدل شوية نحضر سلطات متنوعة و اللي تعجبني بزاف هي سلطة المقرونة خاطر فيها النشويات و التونة و نزيدلها الخضر و شوية مايونيز.
السندويشات بانواعها هي ثاني حل , نوعي في المحتوى . كاين des gratins كيما قالو الاخوات يتكلو باردين .
شفت ثاني في المنتدى وصفات للبطبوط و الفريكاسي هاذو ثاني يصلحو تديهم معاك (انا ماجربتهمش بصح يبانو ملاح).
فكرة اخرى مفيدة جدا جدا جدا انا نقترحها و انتي و امكانياتك, انا ساعدتني خاطر فيها فوائد صحية و تعطيني الطاقة: وجدي اكياس صغيرة حطي في كل كيس ما يلي: حبات لوز , حبات جوز, حبة او 2 تين مجفف, حبات تمر, حبات كاوكاو, حبات مشمش مجفف, حبات عين . المهم انتي و واش تحبي فواكه جافة. و كل يوم هزي كيس من هاذو كي تشوفي روحك تعبانة كسري بية الجوع و مع الوقت راحا تحسي بلي نفعوك.( كي تشري 250 غ من كل فاكهة مجففة تحكملك مدة مليحة)
و كاشما زدت تفكرت نزيد نبعثلك , المهم انتي اتهلاي في صحتك باش ما تمرضيشز و ربي يكون معاك.

~ السلطانة ~ · 2015-02-08, 18:51

اقتباس:

المشاركة الأصلية كتبت بواسطة lilii7179

انا ثاني كنت كيفك , نخدم و نقرا في نفس الوقت , ملي نخرج الصباح و انا نجري حتان لعشية. و كرهت الماكلة نتاع البيتزيريا وليت ما ناكلش اصلا حتان مرضت. المهم نعطيك الحلول اللي لقيتها.
في الويكاند كنت نخدم les chaussons و les mini quiches و نوع فيهم ساعات بالدجاج ساعات بالسلق بالسمك الابيض المهم نوعي باش ما تكرهيش ,و نحطهم في المجمد و كل يوم نخرج كمية نحطها في porte manger و كي توصل الساعة 11 نحطهم فوق le radiateur يدفاو شوية .
باش نبدل شوية نحضر سلطات متنوعة و اللي تعجبني بزاف هي سلطة المقرونة خاطر فيها النشويات و التونة و نزيدلها الخضر و شوية مايونيز.
السندويشات بانواعها هي ثاني حل , نوعي في المحتوى . كاين des gratins كيما قالو الاخوات يتكلو باردين .
شفت ثاني في المنتدى وصفات للبطبوط و الفريكاسي هاذو ثاني يصلحو تديهم معاك (انا ماجربتهمش بصح يبانو ملاح).
فكرة اخرى مفيدة جدا جدا جدا انا نقترحها و انتي و امكانياتك, انا ساعدتني خاطر فيها فوائد صحية و تعطيني الطاقة: وجدي اكياس صغيرة حطي في كل كيس ما يلي: حبات لوز , حبات جوز, حبة او 2 تين مجفف, حبات تمر, حبات كاوكاو, حبات مشمش مجفف, حبات عين . المهم انتي و واش تحبي فواكه جافة. و كل يوم هزي كيس من هاذو كي تشوفي روحك تعبانة كسري بية الجوع و مع الوقت راحا تحسي بلي نفعوك.( كي تشري 250 غ من كل فاكهة مجففة تحكملك مدة مليحة)
و كاشما زدت تفكرت نزيد نبعثلك , المهم انتي اتهلاي في صحتك باش ما تمرضيشز و ربي يكون معاك.

شكرا اختي ليلي ربي يعيشك عجبتني فكرة الفواكه المجففة و التمر راح نفذها ان شاء الله ...
المشكل للي عندي مش في الكيفيات لكن في الأفكار .. راني نعرف نطيب هومبرغر و يكون صحي و سوندويشات وووو لكن الوقت يا حباباتي راني نروح مفكوكة خلاص ...

نحب نطيب كلش في نهاية الأسبوع مثلا مشرشم و نحطه في كيس في الكونجيلاتور و نجبد برك و نخلط ...

lakhhdar · 2015-02-09, 19:24

انا شفت اشحال من طبيب عندنا يجيبوا كوكوطات معاهم من ديارهم ويحطوهم فوق les chauffages

~ السلطانة ~ · 2015-02-09, 19:38

اقتباس:

المشاركة الأصلية كتبت بواسطة lakhhdar

انا شفت اشحال من طبيب عندنا يجيبوا كوكوطات معاهم من ديارهم ويحطوهم فوق les chauffages

ههههههههههه منعرف اذا تتمسخر و لا منك بالصح ؟؟؟

انا ندي الكوزينة كلها ...

فتيحة تفاحة · 2015-02-09, 20:50

اختي اعطيك هذه النصيحة اشتري مقاومة كهربائية التي يسخن عليها الاكل حضري اكلك في الدار + الفواكه

~ السلطانة ~ · 2015-02-09, 20:54

اقتباس:

المشاركة الأصلية كتبت بواسطة فتيحة تفاحة

اختي اعطيك هذه النصيحة اشتري مقاومة كهربائية التي يسخن عليها الاكل حضري اكلك في الدار + الفواكه

مشكورة حنونة ... يا بنتي في الخدمة و نزيد نطيب ؟؟؟ زيد عندي مكتب و ماكنش مطبخ ...

شكرا على النصيحة .