سطايفية سحقيتك

[باسم وبيسان]

صباح الخير سطايفية حبيت نسقسيك على غوب تاع الحمل
رايحة نخيط وحدة لحبيبتى بصح عمرى خيطتها قوليلى جابتلى 2ميطرات ونصف المهم السؤال هيا سمينة عنده
الصدر 116 سم وكرشها درك راهى 122 سم عندها هكاك 6 شهر والحوض 131سم
اول سؤال لازم ندرهالها بالقصة
وقداه هكاك نزدله عرض ولا كيفاه نفصلها
وتانى حابة تخيط فاسط للربيع كى تولد نشاله تلبسها تجى ما قصيراش بزاف وماطويلاش بزاف قداه تشرى لقماش
كسرتلك راسك سطايفية اسمحيلى وشكر مسبقا

[stayfiya]

يا ام باسم نضن ما يكفيكش القماش هي راهي الله يبارك ثلاث ميطرات ونص حطيلي الموديل لي باغيلتو و تقولك قداش يرفد اذا بلي مونش ولا لالا و لافيست حطيلي صوره و نحطلك باترون تاعها بالتقريب

[باسم وبيسان]

المشاركة الأصلية كتبت بواسطة stayfiya

يا ام باسم نضن ما يكفيكش القماش هي راهي الله يبارك ثلاث ميطرات ونص حطيلي الموديل لي باغيلتو و تقولك قداش يرفد اذا بلي مونش ولا لالا و لافيست حطيلي صوره و نحطلك باترون تاعها بالتقريب

مساء الخير سطايفية شكر حبيبتى على الرد شوفى المودال ماقتليش انا لى ندرلها منعندى وانا ماعنديش شريت كى كنت بالحمل بيسان شريت سروال وليكاط تاعووو قلت نخيطلها زيها وخلاص [IMG]url=https://www.0zz0.com][/url][/IMG]
وجى هكا بال درعييين
[IMG]url=https://www.0zz0.com][/url][/IMG]

[باسم وبيسان]

سطايفية منيش نحكى على الباترون قوليلى برك لاكان يكفينى لقماش لا كان لازم ندرلها القصة

[stayfiya]

ميطرتين للفيسته يكفيوك و ثلاث ميطرات لليكات و تقدري طوليهالها لغدوه ندير لحبيبتي الباترون والله راني غلبانه بزااف

[باسم وبيسان]

ماش مشكل حبيبتى هيا ديجا شارتلى لغوب مطرتييين ونصف يعنى ماكفيهاش راهى مهيش مونش ديكولطى كما لى فصورة والقصة لازم ندرهالها كى عادة سمينة ولا مش شرط ونشكرك حبيبتى على الرد وسمحيلى

[stayfiya]

راني زدتلك لي بلي و تقدري تستغناي عليهم
الفيسته كيما قتلك شوفي الطول لي باغياتو و اضربي الطول في ثنين راح تلقاي قداش تحتاجي لقماش. راني سقصيتلك فريوله
من الاحسن تخدميلها القصة بها الفيسته في لا ديكوب بصح من الاحسن تفصليها. بطريقه اكاديميه خاطر ميش كيف كيف. الباترون لي نخدموه هنا راه لحوايج خفاف وميش قيس لاطاي

[باسم وبيسان]

المشاركة الأصلية كتبت بواسطة stayfiya

راني زدتلك لي بلي و تقدري تستغناي عليهم
الفيسته كيما قتلك شوفي الطول لي باغياتو و اضربي الطول في ثنين راح تلقاي قداش تحتاجي لقماش. راني سقصيتلك فريوله
من الاحسن تخدميلها القصة بها الفيسته في لا ديكوب بصح من الاحسن تفصليها. بطريقه اكاديميه خاطر ميش كيف كيف. الباترون لي نخدموه هنا راه لحوايج خفاف وميش قيس لاطاي

مشككككورة حبيبتى ولقماش تاع الفاسط جابتهولى خفيف ماهوش تقيل انا عندى فاسط بالتقريب مخيطة كيما لى بعتلك نخيط عليها وزيدى الفاسط ماهيش مزروة بيها هداك هو نتعلم حوايج على كرونو فى الدورة لى مدايرة ربى يطول فى عمرك ويفرحك حنونة

[stayfiya]

بلامزيه سامحيني البارح روحت في حاله ما قدرتش نكمل الطلبات. حتى اليوم هاني مارحتش نخدم
بالنسبه للدوره يعطيها الصحه كرونو جات في وقتها. خاطر راح تتعلمو و تستفادو و هكذا ما يعودش يجيكم الباترون واعر و خياطة الالبسه الجاهزه

[باسم وبيسان]

المشاركة الأصلية كتبت بواسطة stayfiya

بلامزيه سامحيني البارح روحت في حاله ما قدرتش نكمل الطلبات. حتى اليوم هاني مارحتش نخدم
بالنسبه للدوره يعطيها الصحه كرونو جات في وقتها. خاطر راح تتعلمو و تستفادو و هكذا ما يعودش يجيكم الباترون واعر و خياطة الالبسه الجاهزه

والله انى فرحانة بزاف بالدورة يعطيها الصحة كرونووو