حيرة من أمري

[مشكلتي]

السلام عليكم ،،

أنا في حيرة من أمري ،،، نعرف فتاة كانت تشتغل معي ،، فتاة مشاء الله تربية وخلق ودين ،، عندي شحال وأنا حاب نتقدملها وعندما دخّلت الفكرة في دماغي واقتنعت مائة بالمائة أنها الفتاة المناسبة لي ،، جا فايت صديق لي صدفة على مكان العمل ولما شاهدها قال لي أنه أخذها في إحدى الأيام مع رجل آخر إلى مكان في الخلاء وهاذ الصديق يشتغل فرودوور ( مثل سائق الأجرة ) ،، وأكدلي وقالي حتى إسمها يعني كان واثق ومتأكد من الأمر ،،
بعد ذلك فكرت وقلت في نفسي يجب أن أنسى أمرها وأن أبتعد ولكن في الآخير تقبلت الفكرة وتكلمت معها وقلت لها أني ناويها للحلال ... فقبلت وهدرت عليا لوالديها وقبلو ،، وأنا هاذ الآيام إن شاء الله راح ندير خطبة ..
لكن كاين هذاك الأمر بقى مقلقني ،، تكلمت مع الفتاة وقلت أنه لازم نبنيو حياتنا على الصدق والصراحة ، الثقة والإحترام ،، وافقت ووعدتني بذلك ،،،
واليوم جبدت ليها سيرةذلك اليوم وقلت في نفسي أنني والله لو تصارحني ،، كنت راح أنسى الأمر ونتزوجها ،،، لكن هي أنكرت الموضوع وقالت لي أنها لم تخرج معه وأنو يكذب ( وكل ذلك ببرودة ، لم تنزعج قط ) رد فعلها حيّرني ،،،
مع ذلك حدثتني عن الشخص الذي يملك المحل ،، وقالت أنها عرفتو لمدة 20 يوم ولم تخرج معه لأي مكان ،، فقط كانت تتحدث معه في المحل حتى يوم عرفت أنه متزوج ،، فجبدت روحها منو ،،،

والآن وأنا على باب الزواج ،، ما فهمتش زوجتي راهم يتبلاو فيها وإلا هي منكرة لتلك الحادثة ؟ وإن كان كذلك واش تنصحوني ؟؟ نتزوج بها رغم كل شئ ؟؟ حتى وإن كانت كذبت عليا ؟؟

عقلي تشوش والله ما عرفت وش ندير ،، كي نويتها تكون مرتي ضهرو فيها لعيوب ،، وفي نفسي نقول ممكن هذا إبتلاء من عند ربي ولازمتني نواجه ونصبر

[ام نهوله]

بغض النظر اذا كانت هذه الفتاه بريئه او لا انت من الاول انتابتك الشكوك حولها لما قاله لك صديقك عنها فلما تقدمت اليها و ربطت روحك الربطه هادي
لما لم تترو قليلا حتى تسال عنها جيدا انا الان لا اعرف بما انصحك التقدم ام التخلي عنها لربما اظلمك او اظلمها ربي يجيب اللي فيه الخير
[/size]

[مريم المتفائلة]

اخي بالنسبة الي كنت قبل الخطبة تسقسي عليها ربما صح او لا وربما صديقك كان يحبها لذذلك لم يريدك تتزوج بها والله اعلم اخي كلمها وصارحها وقلها تصارحك ومتبداوش حياتكم بالكذب والخداع وربي يسهلك وان شاء الله يجعل لكم الخير

[ing.Youcef]

قال الله تعالى : (يا أيها الذين آمنوا إن جاءكم فاسق بنبإ فتبينوا أن تصيبوا قوما بجهالة فتصبحوا على ما فعلتم نادمين).

[النجمة القطبية]

شوف يا اخى الفتاة هذى قادرة تكون مظلومة وممكن العكس العلم عند الله
لكن ما حدث معك بعث في نفسك الشكوك وخلاك تعيش في صراع انت كنت في غنى عنه كان ممكن تختار فتاة اخرى وتريح نفسك
لكنك اخترت انك تكمل معاها وهذا دليل ان هناك سبب قوي لذلك ربما من شدة اعجابك او لانك لم تصدق كلام ذلك الرجل
الان وانت مقبل على الزواج الحل الوحيد انك تسال عنها اشخاص ثقة وتزيد تستخير وتراقب تصرفاتها حتى يرتاح قلبك اما اذا بقيت موسوس من جيهتها فانا اعتقد انو تختار فتاة انت تثق فيها خير لك والعلم عند الله
موفق

[nihal159]

نصيحة لوجه الله الدنيا وعارت و فسدت زيد سقسي مييييييييييييييييييح عليها يا أخي قبل ما تندم و ربي يفرج عليك ان شاء الله

[amel03l]

اذا شاك فيها علاش تروح تخطبها و دوكا حاير و تخمم تنسحب او تكمل ...الزواج ماشي تمسخير و لعب ذراري ..هذه القصة سمعتها قبل ان تتقدم للخطبة كان عليك ان تتبين و تقرر تخطب او لا ماشي تروح تجري تخطب و كي قبلت هي و اهلها تحب تنسحب...هذا تصرف غير مسؤول ....بنات ناس ماشي لعبة و ماشي واحد قال حاجة تامنها....من برودة ردها باين بريئة و الا على الاقل تتوتر و تتلفلها ...tout simplement il faut etre responsable et tu assumes tes décisions كون راجل و قد وعدك خطبتها تتحمل نتائج افعالك ...و القصة سمعتها قبل الخطبة...و لا تنسى كاين ناس يحسد و يكذبو لا تصدق الشخص 100 ب 100

[زبدة ذايبة]

يا أخي اخطيك منها غيرها كثييييييييييييييييييييييير

لاتبدأ حياتك من الشكوك

أنت ستتزوج وستكون أب لأسرة وأبناء

والله لن ترتاح أبدا لو تزوجت منها حتى لو كانت صالحة. لأن بذرة الشك في نفسك موجودة

ضف إلى هذا هي أكدت أنها كانت تعرف رجل ؟؟؟؟؟؟؟ وهو متزوج ؟؟؟؟؟؟!!!!!!! " وجبدت روحها.

يا أخي نحن نساء شريفات وعفيفات ووالله ماعرفنا غير أزواجنا ومع هذا يتحرشون بنا ولم نسلم منهم مطلقا فمنهم من يعتدي علينا باللمس والهمز. وهذا مع حجاب شرعي وفق ما أراد الله. فمابالك بامرأة عشرين يوم وهي تتكلم مع رجل وربما تمشي معه ؟؟؟؟؟؟

إلى أين أنت ذاهب ؟؟؟؟؟؟؟؟؟؟؟

الشيطان يفرق بين الزوج وزوجته وهما على علاقة طيبة بدون شكوك وبدون مشاكل. فمابالك أنت والشك يراودك فيها.

هذه نصيحتي إليك كأخت لك. لاأعرفك ولا أعرفها.

[nilly]

مافهمتش علاه ورطت روحك ورطة هادي ياك كي علبالك بلي شكاك علاه تروح تخبطها واش داك باين عليك راح تحبها والحب هو لداك بصح كونك رجل شرقي فيك شك فعلم يااخ ان الحب ورجل شرقي لا يلتقيان ابدا

وبصراحة انت راك غالط سمعت القصة قبل ومبعد رحت تخطبها على الاقل كنت تسقسي عليها صديقك ومول المحل فالاول قلت راحت للخلاء مع واحد ومبعد دارت علاقة ثاني مع صاحب المحل بصح بالهدرة برك مافهمتش شكون لمدلك المعلومات على ثاني ؟؟؟؟
وزيد ماتحلمش تلقى مرا تصارحك بماضيفا وبصراحة عندهم حق يعرفوا كيفاش تخخموا شوف لروحك مراكش متاكد ورح يقتلك شك ومابالك لو كان تصارحك بان الامر جقيقة تخيل القصة اكيد راح تخليها وادا كنت متزوجين راح تطلقها وتفضحها بلاك ولهدا هما يسكتوا انا ننصحك اد حبت زواج منها اقتل شكوك وماتخليهاش تعيش باه ماتمرضش راسك وراسها وحياتكم تصبح جحيم تولي متثقش فيها
ولانني اعرفانك مستحيل تقتل شكوكخليها احسن لها ولك حتى لو كان تاكدت بلي هي بريئة فراح تشك فيها وتقول في بالك علاه صديقي كدب عليها الا ادا كان حاجة بينهم او كتين حاجة اخرى او ربما صديقي احبهت شكوك كاينة كاينة

[زبدة ذايبة]

يا أخي وين راك رايح

فيق لروحك

هذي امرأة ستكون زوجتك وحاملة لعرضك

واش تقول ولا واش ادير كي يجي راجل يقولك بلي مرتك تفتح الباب للرجال كي تروح للخدمة؟؟؟؟؟؟

واش تقول في زوجتك كي تروح لمول الحانوت يحبط القراج عليها ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟


كاين بنات الفاميلية وانت ومازال ماتزوجشتش خير اهرب قبل مايطيح الفاس في الراس تخسر عرضك ومالك

خاصة أنني قريت من كتاباتك أنك مشوش في تفكيرك وهذا كافي باش تتخذ قرار النجاة والهربة من هذ المرأة

احمد الله اللي بانت على حقيقتها قبل ماتتزوج بيها ( قالك 20 يوم وهي مع مول الحانوت مادارت والو ومادرالها والو وماقالها والو ) هذي مايصدقها حتى عاقل
واش دارت في هذوك 20 يوم؟؟؟؟؟؟؟؟؟؟؟؟؟؟؟؟؟؟
واش كانت تحوس من عند الراجل؟؟؟؟؟؟؟؟؟؟؟؟؟؟؟؟؟؟؟؟؟؟؟؟ يفتيلها والا يقريها ولا يداويها ولا تقصر معاه قصرة تاع نساء أو تهدر معاه كيما يهدر الراجل مع زوجتو أو عشيقتو

نتمنى تكون فهمت على خاطر ماتسحقش فهامة كبيرة؟؟؟؟؟؟؟؟؟؟

[ABDOU ELE]

20 يوم مع مول الحانوت!!!!!!!!!!!!!...........واش راك تستنى...................اخطيك منها .......

[محمد جديدي التبسي]

يا أخي أنت أدرى بحالك إذا كنت إنسان شكاك وكلام الناس يؤثر فيك بسهولة فاترك الفتاة وشأنها وصارحها أنك لا تريد ظلمها بالزواج بها والعيش في جحيم من الشكوك
أما إذا كنت غير ذلك وظهر لك صلاح الفتاة ولديها ايجابيات كثيرة فاستخر الله وامض في طريقك.. ربي يفتح عليك

[امينة 1991]

المشاركة الأصلية كتبت بواسطة زبدة ذايبة

يا أخي وين راك رايح

فيق لروحك

هذي امرأة ستكون زوجتك وحاملة لعرضك

واش تقول ولا واش ادير كي يجي راجل يقولك بلي مرتك تفتح الباب للرجال كي تروح للخدمة؟؟؟؟؟؟

واش تقول في زوجتك كي تروح لمول الحانوت يحبط القراج عليها ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟


كاين بنات الفاميلية وانت ومازال ماتزوجشتش خير اهرب قبل مايطيح الفاس في الراس تخسر عرضك ومالك

خاصة أنني قريت من كتاباتك أنك مشوش في تفكيرك وهذا كافي باش تتخذ قرار النجاة والهربة من هذ المرأة

احمد الله اللي بانت على حقيقتها قبل ماتتزوج بيها ( قالك 20 يوم وهي مع مول الحانوت مادارت والو ومادرالها والو وماقالها والو ) هذي مايصدقها حتى عاقل
واش دارت في هذوك 20 يوم؟؟؟؟؟؟؟؟؟؟؟؟؟؟؟؟؟؟
واش كانت تحوس من عند الراجل؟؟؟؟؟؟؟؟؟؟؟؟؟؟؟؟؟؟؟؟؟؟؟؟ يفتيلها والا يقريها ولا يداويها ولا تقصر معاه قصرة تاع نساء أو تهدر معاه كيما يهدر الراجل مع زوجتو أو عشيقتو

نتمنى تكون فهمت على خاطر ماتسحقش فهامة كبيرة؟؟؟؟؟؟؟؟؟؟

يا اختي لماذا تتكلمين عنها هكذا وانت لا تعرفينها ربما كانت انسانة شريفة وطاهرة وصاحب المحل تمسخر بيها وقبل ما يوقع الفاس فالراس هي جبدت روحها وربما يكون صديقه (صاحب التاكسي )عدوا لها او لاحد افراد عائلتها فأراد الانتقام وجبد عليها هذه الاشاعة حنا نخافو نظلموها .
اما بالنسبة اليك اخي صاحب المشكلة انصحك بصلاة الاستخارة صليها كذا مرة وان شاء الله ربي ييسرلك الي هو في مصلحتك ويوفقك لما هو خير لك سواءا تركها او الاستمرار معها , وفقك الله يا اخي

[زبدة ذايبة]

المشاركة الأصلية كتبت بواسطة امينة 1991

يا اختي لماذا تتكلمين عنها هكذا وانت لا تعرفينها ربما كانت انسانة شريفة وطاهرة وصاحب المحل تمسخر بيها وقبل ما يوقع الفاس فالراس هي جبدت روحها وربما يكون صديقه (صاحب التاكسي )عدوا لها او لاحد افراد عائلتها فأراد الانتقام وجبد عليها هذه الاشاعة حنا نخافو نظلموها .
اما بالنسبة اليك اخي صاحب المشكلة انصحك بصلاة الاستخارة صليها كذا مرة وان شاء الله ربي ييسرلك الي هو في مصلحتك ويوفقك لما هو خير لك سواءا تركها او الاستمرار معها , وفقك الله يا اخي

يا بنتي 20 يووووووووووووووووووووووووووووووووم تعرف راجل مول حانوووووووووووووووووووووووووت ومتزوج ؟؟؟؟؟؟؟

تقبلي يتزوج اخوك بوحدة مثل هذي؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

خليها لواحد مول حانوت يديها.

وإذا كان هذا الشاب رجل بأتم معنى الكلمة يقرر مصيرو بنفسه


إنا لله وإنا إليه راجعون هذا أغرب ما قرأت في حياتي.

كانت المرأة مثال عن الحياء ما تعرف غير زوجها أو أبوها أو أخوها . والآن تعترف بعلاقة مدتها 20 يوم مع مول الحانوت

يعني هو في داخل الحانوت تاعو يبيع ويشري وهي اللي تروح ليه.

يعني مول الحانوت إنسان مليح وهي اللي ماشي مليحة.؟؟؟؟؟؟؟
وين راه الدين والشرف والأخلاق؟؟؟؟؟؟؟

يعني حكاية صديقك أنها كانت تروح في خلوات مع الرجال احتمال 99% صحيحة.

صارات المرأة تعترف بإقامة علاقة مع الرجال ويقولوا عنها متدينة وشريفة وعفيفة

أي زمان نحن فيه ؟؟؟؟؟

اختلطت المفاهيم وصارت الفاجرة بنت متدينة ومن عيلة ؟؟؟؟؟؟

واش نقولك

إذا تزوجت بيها مبرووووووووووووووووووووووووووووووك عليك المرأة المتدينة !!!!!!!!!

[naamane3]

نعطيك باب أخر ادخل لها منه
وهو باب التوبة
وشوف واش راح يكون من وراه