استفسار بارك الله فيكم

[minina2601]

السلامعليكم ورحمة الله وبركاته
كيف حالكم ان شاء الله راكم بخير
حبيت نسالكم على البقلاوة وشنو هو سر البنة تاعها خاصة تاع الاعراس جي فيها وحد البنة خاصة وهايلة شكون الشاطرة لي تكشفلي السر ؟؟
جزاكن الله خيرا

[minina2601]

اين الردود يا مشاهدين ؟
على كلحال بارك الله فيكم

[عازفة الناي]

° نوعية العسل تكون مليحة و تخليها ترتاح و تتشرب العسل
° العجين ترتاخ ملييييييييييييييييييييييييييييييييح باه ماتتقطعش و تجي تقرمش
° نوعية ماء الزهر اللي تندار فالحشو لازم تكون جيدة
° وكاشما تفكرت نزيدك

[minina2601]

شكرا عزوووفة وانا راني حابة سر البنة واظن يكمن في الزبدة لي يستعملوها

[عازفة الناي]

اكيد الزبدة عندها دور
وحشو اللوز و الجوز يختلف على الكاوكاو

[شوق الليالي]

انا نديرها بمرغرين فلوريال تاع الكاغط تخرج روووووعة

[minina2601]

شكرا شوق الليالي وهل جربت من قبل بقلاوة السمن اذا كان نعم فايهما احسن من ناحية الذوق والشكل
بارك الله فيك

[شوق الليالي]

والله يا اختي جربتهم لزوج بصح لقيت تاع المرعرين احسن وتجي بنينة بصح طريقتي هي
كيلو فرينة لابال+250غ مرغرين فلوريال ماشي دايبة نخدمها بوماد +شويييييييية ملح+ماء الزهر
الحشو
3كيلات لوز او كاكاو +كيلة سكر رطب +شويييييييييية قرفة +ماء الزهر والحشو يكو ن مفتول ماشي معجن
و تتخدم عادي كيما البقلاوة العادية وندهن بين الطبقات خليط مابين السمن والمرغرين
وتتعسل
اما العسل يكون قد الحشو معنتها كيلو كاوكاو نحط كيلو عسل نونورس باه تجي قد قد
والسر ايضا في السكر الرطب لي حطيتو يجي روعة كي تدوقي الحبة مختلف تماما عن لي نعملوها بالسكر العادي

[أم ياسين الزهراء]

السر هو العرس ياخي الطعام يجي وحدو والشربة وحدها والكفتة وحدها والقواطو وحدهم لازم عرس هدا هو السر


الله يفرحنا الكل

[lyzzabel]

المشاركة الأصلية كتبت بواسطة أم ياسين الزهراء

السر هو العرس ياخي الطعام يجي وحدو والشربة وحدها والكفتة وحدها والقواطو وحدهم لازم عرس هدا هو السر


الله يفرحنا الكل

هههههه والله غير صح بنة الماكولات و الحلويات فالاعراس غيييييييييير
ربي يخلي ايامنا كلها افراااااح

[دائمة الحمد]

والله راني قالقة على اختي راهي في الكلينيك وام يس ربي يفرحها ضحكتني بالسوط
والله راكي عفوية لي في قلبك على فمك ربي يشفيك عزيزتي
الاخت الكريمة شوفي لازم كل حاجة كيما قالت عازفة الناي تكون نوعيتها جيدة

[طالبة الجامعة]

المشاركة الأصلية كتبت بواسطة أم ياسين الزهراء

السر هو العرس ياخي الطعام يجي وحدو والشربة وحدها والكفتة وحدها والقواطو وحدهم لازم عرس هدا هو السر


الله يفرحنا الكل

هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههه

[عطرالذهب]

يعطيك الربح ام ياسو اجابتك صحييييييحة

[minina2601]

المشاركة الأصلية كتبت بواسطة شوق الليالي

والله يا اختي جربتهم لزوج بصح لقيت تاع المرعرين احسن وتجي بنينة بصح طريقتي هي
كيلو فرينة لابال+250غ مرغرين فلوريال ماشي دايبة نخدمها بوماد +شويييييييية ملح+ماء الزهر
الحشو
3كيلات لوز او كاكاو +كيلة سكر رطب +شويييييييييية قرفة +ماء الزهر والحشو يكو ن مفتول ماشي معجن
و تتخدم عادي كيما البقلاوة العادية وندهن بين الطبقات خليط مابين السمن والمرغرين
وتتعسل
اما العسل يكون قد الحشو معنتها كيلو كاوكاو نحط كيلو عسل نونورس باه تجي قد قد
والسر ايضا في السكر الرطب لي حطيتو يجي روعة كي تدوقي الحبة مختلف تماما عن لي نعملوها بالسكر العادي

بارك الله فيك وجزاكي الله خيرا

[الواثقة بالله 23]

أختي الغالية نعطيك تجربتي هي قريبة لما قالت الأخت

الفرينة لازم نوعية جيدة لابال أو سيم

الزيدة أنا دائما نستعمل فلوريال تاع الكاغط، الكمية 4 كيلات فرينة بكيلة زبدة ذايبة و باردة ماء زهر نوعية جيدة انا نخلط نص كمية ماء زهر و نصف كمية ماء عادي باه متجيش الطعمة قاطعة الملح ذوبيه في خليط الماء و الماء زهر باه متبقاش بلاسة مالحة و بلاسة لا

في الحشو حطي القرفة و كذلك انا نزيد شوية لكستري "نكهة البندق نوازات " تجي فيها ريحة تهبل

مبعد لاااااااااااازم تتعسل بعسل نوعية رفيعة انا نخدم غير بالمرجان كاين لي يديرو حتى سان فرانسيسكو انا يبانلي غالي هههههه

سر مهم باه متجيش بقلاوة مفرفشة كل طبقة في بلاسة انها لازم ترتاح ايامات قبل ما تقصيها الحبات و تحطيهم في الكيسات باه تشد روحا مليح

و سر خطير جدا كي تبداي تخدمي قولي باسم الله و صل على الرسول عليه الصلاة و السلام و طول ما انت تخدمي لا تنسي الذكر جربي و رديلي الخبر يباركلك فيها ربي تجي راااااااااااااااائعة

موفقة باذن الله