لازانيا البضنجان

Oum yousra · 2015-01-30, 17:07

مساء الخير راني جبتلكم اليوم طريقتي في لي لازانيا البضنجان نبداو على بركة الله أولا نقطعو البضنجان شرائح في الطول و نحطهم في بلا نتاع الفور وندير فوقهم ملح و فلفل اسود و زيت الزيتون ولي ماتحبهاش نقولها ماتخافيش راهي ماتبانش خلاص كي يطيب وندخلهم الفرن و نشعللهم من فوق و من تحت لكان الفور نتاعكم électrique و لكان فور عادي تشعلي من تحت و منبعد قلبيهم راح يطيبو بالخف و في نفس الوقت حظري الحشو نتاعك رابي البصل انا درت حبة كبيرة قليها امليح و زيديلها اللحم و خليهم يتقلاو و من بعد زيدي حوالي 3 أو 4 حبات طماطم و 3سنينات ثوم و ملح و فلفل اسود ملعقة صغيرة نتاع طماطم مصبرة و شويا دبشة و نقليهم امليح و من بعد في بلا مدهون بالزبدة نحط طبقة بضنجان و طبقة لحم وشويا فروماج رابي ونزيد طبقة باضنجان وطبقة لحم و فروماج ومن بعد نزيد الطبقة الثالثة و نحط فوقها فروماج و ندخلها الفرن شويا حتان يذوب الفروماج ونخرجها و البنة امممممممممممم و ساهلة ماهلة و بريزونتابل و نخليكم مع الصور. . . . . . . . . . . . . . . . . . . . . . . . . .

oum nabil · 2015-01-30, 17:18

Emmmmmmmmmmmmmmm raw3aaaaaa bsahtkoum

أم ماجد · 2015-01-30, 17:26

امممممممممممممممممممممم ام يسرا يشهي
احلى تقييم لعيونك

الألماسة · 2015-01-30, 17:28

ممممممممممم تشهي
يطيك الصحة

ام نوردين · 2015-01-30, 17:31

روعة ام يسرى الصراحة كل اطباقك تحفة شكرااااااااااااااااااااااااااااااااااااااااااااااا ااااااا

عطرالذهب · 2015-01-30, 17:33

رووووووووعة ام يسرا شهيتيني فيه
لكي مني احلى تقيييييييم

Oum yousra · 2015-01-30, 17:37

شكرًا لكن على الإطراء فرحتوني ربي يفرحكم

tong2 · 2015-01-30, 18:10

الله يبارك ماشاء الله عليك

الله يعطيك الصحة

شكرا على الشرح حبيبة

um alaa · 2015-01-30, 18:27

emmmmmmmmmmm

ام الهضاب · 2015-01-30, 18:49

امممم ايشهي يعطيك الصحة

مرام 1987 · 2015-01-30, 19:01

كتبت رد طويييييل وراااااااح مع الريح
المهم كموضوع قيم وشيق وفي متناول الجميع ربي يحفظك ويخليك لينا ديما متألقة
أحلى تقييم من عندي ليك
⭐️⭐️⭐️⭐️⭐️⭐️⭐️⭐️⭐️⭐️⭐️
اللهم أنت السلام ومنك السلام تباركت ياذا الجلال والإكرام